- Global Voices teny Malagasy - https://mg.globalvoices.org -

Voaroaka Noho Ny Fiaraha-miasa Tamin'ny Fampitam-baovao Tsy Miankina Ilay Kiobàna Mpanao Gazety Sady Mpikatroka LGBT

Sokajy: Karaiba, Kiobà, Fahalalahàna miteny, Fanampenam-bava, Mediam-bahoaka, Zon'ny Nanova na Mpitia Mitovy Fananahana (LGBT), GV Mpisolovava
Cuban LGBT rights advocates at a gay pride march in Sagua la Grande. Maykel Gonzalez is second from left. Photo via Maykel Gonzalez/el Nictalope. [1]

Mpiaro ny zon'ny LGBT Kiobàna  tao amin'ny diabe fireharehan'ny pelaka ao Sagua la Grande. Faharoa avy any ankavia i Maykel Gonzalez . Sary avy amin'i Maykel Gonzalez/el Nictalope.

Nanome ny seho farany tao amin'ny Onjam-peo Sagua ny 3 Septambra 2016 i Maykel González Vivero, mpanao gazety ao amin'ny Onjampeo Kiobàna sady bilaogera rehefa nofaranan'ilay onjampeo ny taratasy fifanarahana [2] taminy noho ny  “fiaraha-miasan'i González  tamin'ny fampitam-baovao tsy miankina.”

Miaraka amin'ny asany ny fitantarana mahazatra ny fandaharana, “Por La Villa de Undoso,” izay mitrandraka ny tantara ao an-toerana ao an-tanànan'i Sagua La Grande, nilaza ho pelaka ampahibemaso ilay bilaogera [3] 32 taona, miara-miasa amin'ny fampitam-baovao sy vondrona mpahay haisoratra ao Kiobà, sady mpikambana mavitrika ao amin'ny vondrona tsy miankina mpiaro ny zon'ny LGBT Proyecto Arcoiris [4] ihany koa.

Nanao tatitra tao amin'ny zoro fampahalalam-baovao maro i González  izay nohelohin'ny [2] talen'ny onjampeo Sagua Carlos Orlando Manrique miharihary [2] ny asany miaraka amin'ny tranonkalam-baovao tsy miankina Kiobàna ka anisan'izany ny Diario de Cuba [5].  Manao fanakianana miharihary ny governemanta Castro ny Diario de Cuba ary manana mpandray anjara ao Kiobà sy Etazonia.  Voasakana  vao haingana ny tranonkala tao amin'ny nosy, araka ny CubaNet [6] (tranonkala iray hafa nosakanana) sy ny ifandraisan'ny Global Voices ao amin'ny firenena.

Tao amin'ny fijoroana vavolombelona ho an'ny daholobe [7] tao amin'ny Facebook, namariparitra ny zava-niainany tao amin'ny onjampeo Sagua i González. Nanomboka tamin'ny 2012 ny olana, raha notsikerainy ny asan'i Mariela Castro Espín [8], ilay zanakavavin'ny Filoha Kiobàna Raúl Castro, izay mitarika ny Foibe Nasionaly ho an'ny fanabeazana Ara-pananahana ao Kiobà [9] ary mpikambana ao amin'ny Antenimieram-pirenena koa. Nanatevin-daharana ireo mpanandra-teny hafa mahaleotena i González tamin'ny fitsikerana an'i Castro [10] amin'ny fiarovana ny zon'ny LGBT, nandresy lahatra izy fa tsy nahomby ny ezaka nataon-dravehivavy tamin'ny olana manan-danjan'ny vahoaka, indrindra eo amin'ny fanambadian'ny lahy sy lahy, vavy sy vavy ary ny firaisan-trano. Hoy izy nanoratra:

Un policía me hizo ir a una oficina en el Comité Municipal del Partido. Feo que era, sucio, se veía cansado. Ese fue mi estreno con ellos, los invisibles. Me dijo entonces algo que se cumplió. “Si yo quiero -se jactó- puedo declararte contrarrevolucionari­o.”

Nisy polisy manamboninahitra niantso ahy ho any amin'ny biraon'ny Komity Monisipaly ho an'ny Antoko [Komonista] … Ratsy endrika, voretra, reraka ny fijery azy. Izay no voalohany niarahako tamin'izy ireo, ireo tsy hita maso . Avy eo izy nilaza tamiko zavatra izay hitranga atỳ aoriana. “Raha tiako,” hoy izy sady nirehareha, ” afaka antsoiko hoe mpanohitra ny revolisiona ianao.”

Miahiahy i González araka ny filazany fa tsy nanampy azy ihany koa ny nitsikerany an'i Marino Murillo [11] mpikambana ela nihetezana ao amin'ny antoko komonista Marino Murillo [11], izay efa Minisitry ny Drafitra sy ny Toekarena maharitra tao Kiobà teo anelanelan'ny 2009 sy 2016. Notendrena imbetsaka hanao asa samihafa ao anatin'ny fikambanana fampitam-baovaom-panjakana izy taorian'ny taona 2012, ary avy eo nanomboka nanohy asa tany ivelan'ny andrim-panjakana. Tamin'izay fotoana izay, nilaza taminy ny manampahefana iray fa:

No importa donde publiques, aunque sea tu blog. Siempre te vamos a revisar.

Tsy misy olana izay toerana hamoahanao lahatsoratra, na dia ao amin'ny bilaoginao fotsiny aza. Hovakianay foana izay soratanao .

Nankany Eoropa indroa i González tato anatin'ny taona maromaro. Tamin'ny 2014, niresaka momba ny olana mikasika ny zon'ny LGBT ao Kiobà tany amin'ny Firenena Mikambana tany Genève izy . Niha-ratsy ny toe-draharaha ho an'i González rehefa nanatrika ny Zaikaben'ny Aterineto tao Stockholm izy tamin'ny taona 2015.

El año pasado, los suecos me invitaron al Fórum de internet de Estocolmo. Cuando volví, todo era insostenible en la emisora. Antes de irme a Escandinavia la subdirectora me dijo: “Tú no vuelves”, como insinuándome que no volviera. Dejé el periodismo oficial, me fui a trabajar como burócrata en una oficina de Patrimonio, y me dediqué a escribir reportajes, notas, cualquier cosa, para la prensa emergente.

Y ya ves. Mañana saldrá mi último programa, el último conducido por mí, en una emisión que dará que hablar: va sobre el centralismo que coloca en la periferia a ciudades cubanas antaño muy prósperas, específicamente analizo el caso de Sagua la Grande, desde una perspectiva histórica.

Mi comentario literario (es ingenuo pensar que la crítica litearia es inofensiva, aunque no creo a los censores tan sagaces) ya no saldrá en septiembre en la revista cultural radial Por la Villa del Undoso.

Koniec para mí.

Se tardaron bastante.

Tamin'ny taon-dasa, nanasa ahy ho any amin'ny Zaikaben'ny Aterineto Stockholm ireo Soedoà. Rehefa niverina aho, tsy zaka ny zava-niseho tao amin'ny gara. Talohan'ny nandehanako nankany Skandinavia, nilaza tamiko ny tale lefitra hoe: “Tsy miverina ianao,” toy ny te hilaza izy fa tsy hiverina aho. Tsy niasa intsony tamin'ny sehatra fampitam-baovaom-panjakana aho fa nanao asa birao tao amin'ny biraom-panjakanan'ny Vakoka Ara-kolontsaina, ary nanokana ny fotoanako tamin'ny fanoratana tatitra, lahatsoratra fohy , izay rehetra azoko natao, ho an'ireo sehatra famoaham-baovao.

Ary hitanao ankehitriny ny zava-mitranga. Rahampitso no alefa ny fandaharana nataoko faran , ilay farany notontosaiko, amin'ny fampisehoana momba ny toetry ny tanàna kely mivangongo mihataka ny renivohitra ao Kiobà izay tena efa nanankarena taloha, Sagua La Grande manokana izany raha jerena ara-tantara.

Tsy ho hita intsony ao amin'ny gazety ara-kolontsaina Por La Villa do Undoso ny fanehoan-kevitro ara-literatiora (tsontsa ny mieritreritra fa tsy atahorana ny tsikera ara-literatiora na dia tsy mihevitra aza aho fa mandaitra ny sivana ).

Cognac ho ahy.

Ela loatra izany ho azy ireo.

Raha tsy manam-paharoa ny kaonty manokana mitantara ny zavatra niainan'i González, dia tsy izany kosa ny zava-misy sarotra atrehiny. Manana ampahany betsaka ihany ireo mpanao gazety tao amin'ny fampitam-baovaom-panjakana Kiobàna tao amin'ny nosy na tany ampitan-dranomasina ao amin'ny vondrona mpibilaogy momba an'i Kiobà. Anelanelan'ireo fandroahana mpanao gazety vao haingana toa an'i González sy Jose Ramírez Pantoja [12], ankoatra ireo hafa, sy ny fanamelohana ofisialy an'ilay bilaogera Orogoaiana sady mpanao matoandahatsoratra teo aloha tao amin'ny BBC, Fernando Ravsberg [13] , izay niasa ho mpanao gazety tao Kiobà nanomboka tamin'ny taompolo 1990s, dia hita taratra fa mety mbola hisy ny hanara-dia azy ireo.