Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tsy Mahatsiaro Tena Ilay Mpanao Gazety Alzeriana Nogadraina Roa Volana Taorian'ny Fitokonana Tsy Nihinan-kanina

Mohamed Tamalt. Image from the Arabic Network for Human Rights Information (CC BY-NC-ND)

Mohamed Tamalt. Sary avy amin'ny  Tambajotra Arabo Ho An'ny Fampahalalana ny Zon'Olombelona na Arabic Network for Human Rights Information (CC BY-NC-ND 4.0)

Lasa tsy nahatsiaro tena ilay mpanao matoambaovao sady bilaogera Alzeriana nigadra roa taona an-tranomaizina Mohamed Tamalt, noho ny faniratsirana ny filoham-pirenena. Voalaza fa nitokona tsy nisakafo nanomboka tamin'ny 27 Jiona i Tamalt ho fanoherana ny fisamborana sy ny fampidirana am-ponja nataon'ny manampahefana Alzeriana azy.

Tamin'ny 30 Aogositra, nanatsonga teny avy amin'ny tranonkalam-baovao tao an-toerana El Watan ilay mpikaroka iray any Afrika Avaratra antsoina hoe Sirine Rached miara-miasa amin'ny Amnesty International:

Tsy mahatsiaro tena ilay mpanao gazety Mohamed Tamalt, voaheloka roa taona an-tranomaizina noho ny fanakianana ny manampahefana,

Tamin'ny 11 Jolay,  nohelohin'ny fitsarana tao an-drenivohitr'i Alzeria tambanin'ny Fehezan-dalàna famaizana andininy faha-144, 144 bis ary 146 i Tamalt higadra roa taona an-tranomaizina sy handoa lamandy 200.000 dinars Alzeriana (eo amin'ny 1800 $ Amerikana) noho ny fanafintohinana ny Filoha Abdelaziz Bouteflika sy ny andrim-panjakana  tamin'ny  famoahana lahatsoratra an-tserasera, anisan'izany ny tononkalo sy ny lahatsary nalefa tao amin'ny Facebook misy fanehoan-kevitra izay hita fa manala baraka an'i Bouteflika sy ny Praiminisitra Abdelmalek Sellal.

Tamalt was imprisoned over his online publications including a poem deemed insulting to the President. Source: Tamalt's Facebook page

Nogadraina noho ny famoahana lahatsoratra an-tserasera i Tamalt anisan'izany ny tononkalo eto ambony, izay hita fa manivaiva ny Filoha. Avy amin'ny pejy Facebook-n'i Tamalt

Nanao fanehoan-kevitra momba ny raharaha amin'izao fotoana izao any Alzeria i Tamalt  tao amin'ny media sosialy sy ny gazetiny an-tserasera Arab Context , anisan'izany ny andraikitry ny tafika eo amin'ny sehatra ara-politika, ny kolikoly eo anivon'ireo manampahefam-panjakana sy ny manamboninahitra jeneraly, ary ny rendrarendram-piainan'ny mpitondra ao Alzeria sy ny fianakaviany. Manana ny zom-pirenena Britanika ihany koa i Tamalt ary efa ela izy no nipetraka tany Angletera hatramin'ny 2002 rehefa nandao an'i Alzeria noho ny fandrahonana azony mifandraika amin'ny asany amin'ny maha-mpanao gazety azy.  Nanamarina ny didim-pitsarana ny Fitsarana Ambony tamin'ny 9 ogositra. Araka ny Amnesty International,  nampakatra ny raharaha any amin'ny Fitsarana Fandravana Didy, izay rafi-pitsarana fara-tampony ao Alzeria ny mpisolovavany .

Tato anatin'ny volana vitsivitsy izay, namoaka didy maro manasazy ireo mpisera manao fanehoan-kevitra an-tserasera ireo manampahefana Alzeriana. Tamin'ny faramparan'ny volana Mey, voaheloka enim-bolana an-tranomaizina ilay mpikatroka ny zon'ny mpiasa Belkacem Khencha noho ny famoahana lahatsary tao amin'ny Facebook nitsikera ny fampidirana am-ponja ny mpiara-miasa aminy, raha nodidiana handoa onitra 100.000 dinars Alzeriana (manodidina ny 1,000$  Amerikana) noho ny famoahana sary  manesoeso ny filoha tao amin'ny Facebook ny volana Martsa ilay mpikatroka ny zon'olombelona Zoulikha Belarbi.

Matetika miafara amin'ny fahafatesan'ilay olona ny fitokonana tsy mihinan-kanina maharitra ela tahaka izany. Ny sary eto ambany, noforonin'i Visualizing Impact , dia manoritra ny zavatra iainan'ny olona iray amin'ny fitokonana tsy hihinan-kanina rehefa mandeha ny fotoana, nangalana hevitra avy amin'ny fikarohana Forensic Science International, ny Journal of the American Medical Association ary ny British Medical.

VI-Hunger-Strikes

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.