Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ny Fomba Enti-manao Dokambarotra Kyrgyz Tonga Lafatra: Soavaly, Tendrombohitra ary Vehivavy Tsara Tarehy

Screenshot from full-length advert uploaded on Shoro's Youtube channel.

Dikasary avy amin'ny dokambarotra lava nampiakarina tao amin'ny fantsona Youtube an'i Shoro.

Tsy natao hosotroin'ny olon-drehetra ny zava-pisotro Maksym Shoro vokarin'ilay mpamokatra zava-pisotro malefaka lehibe indrindra any Kyrgyzstana sovietika fahiny, Shoro, saingy ireo tia ny zava-pisotro naotrika somary misy masirasira dia tena tia azy io.

Taorian'ny roapolo taona mihoatra nahombiazana teo amin'ny tsena anatiny — efa saika antitra toy ny firenena Azia Afovoany mihitsy io zava-pisotro io — dia efa azo vidiana eny amin'ny manodidina an'i Kazakhstan sy i Rosia izy io, izay ipetrahana sy iasanà mpifindra monina Kyrgyz an-tapitrisany mahery.

Kanefa notazonin'i Shoro ny toetra maha-mpifindra monina mifandray amin'ny fireneny, tahaka ny nasehon'ny dokambarotra farany an'ilay orinasa. Ity ambany ity ny dokambarotra feno sy ny dikatenin'ny hafatra navoakan'ny orinasa tao amin'ny Facebook mba hanamarihana ny fahatongavany:

Однажды рано утром смелый джигит на своем верном коне поскакал на соседнее джайлоо. Слышал он, что живет здесь прекрасная девушка, которая пленила сердца многих баатыров.

Есть у кыргызов старинная игра – кыз куумай. Если джигит догонит девушку, то сможет поцеловать ее. Если нет – девушка ударит его камчой. А всадник опозорится перед народом.

Но если джигит понравится девушке, она может сама незаметно поддаться ему. Ведь не зря твердили наши предки: не проси быстрого коня, а проси доброго пути.

“Максым Шоро” – напиток кочевников.

Indray andro vao maraina, nisy bandy Kyrgyz iray be herim-po nitaingina ny soavaliny mpiady izay atokisany ho any amin'ny tanin'ahitra teo amin'ny manodidina. Henony fa misy vehivavy tsara tarehy izay nambabo ny fon'ny tompondaka maro nonina teo.

Any Kyrgyzstan, misy lalao tranainy antsoina hoe Kyz Kuumai. Raha vitan'ilay bandy ny misambotra ilay vehivavy, dia horohany ity farany. Raha tsia, dia hotorahin'ilay zazavavy vato izy, ary hitsanga-menatra manoloana ny vahoaka ilay mpitaingina.

Nefa, raha ohatra ka metimety amin'ilay vehivavy ilay bandy, dia afaka milefitra mangingina izy [ahenan'ilay vehivavy ny hafainganam-pandehany ao anatin'ny dokambarotra ary nanontany ilay mpitaingina: ”Ry zazalahy, vao voalohany nitaingenanao soavaly angaha androany?”]. Rehefa dinihina, toy ny notenenin'ireo razambentsika foana hoe : ”aza mangataka soavaly faingana, mangataha dia ieren-doza’.

Maksym Shoro — ilay zava-pisotron'ireo mpifindra monina.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.