Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Sisintany Iraisan'i Krimea Sy Okraina: Notapahan'ny Manampahefana Rosiana Ny Aterineto

Image edited by Kevin Rothrock.

Sary nataon'i Kevin Rothrock.

Notapahan'ny manampahefana Rosiana ny fahafahana mahazo aterineto ao Krimea avaratra, akaikin'ny sisintany misy ny tanànan'i Armyansk, toerana izany lazain'i Maosko fa efa nampitandremany momba ny fisian'ny fitsofohan'ireo mpitsikilo Okrainiana mitam-piadiana, araka ny nambaran'i  Olga Kovitidi, solontenan'i Krimea ao amin'ny antenimieran-doholona Rosiana sady mpikambana ao amin'ny kaomitin'ny Filankevitry ny Federasiona momba ny fiarovam-pirenana. Notenenin'i Kovitidi tamin'ny Dozhd, tambajotram-pahitalavitra tsy miankina, fa notapahana ny fahafahana miditra aterineto ao amin'ilay faritra mba hanampiana ny polisy amin'ny ezaka ataony hisamborana ireo “mpisompatra”  lazaina fa nitsofoka an-tsokosoko avy any amin'ny tanibe Okraina.

” ‘Noho ny antony fiarovana’ no nanapahana ny aterineto”, hoy i Kovitidi nanazava. “Natao io mba hahazoana antoka fa ireo hery manokana sasany… mba tsy hisian'ny mety ho fitsofohana an-tsokosoko… Noho ny resaka fiarovana, nilaina noraisina ireny fepetra ireny, ary takatry ny olona ny antony.”

Vao tany amin'ny 8 Aogositra, andro roa talohan'ny niampangan'ireo manampahefana Rosiana an'i Kiev ho mikononkonona fampidirana an-tsokosoko ireo “mpisompatra” mitam-piadiana, nisy tatitra mikasika fisiana fahatapahana aterineto nidadasika be nanerana ny avaratr'i Krimea, indrindra fa nanaraka ny sisintany iraisany amin'i Okraina. Araka ny lazain'ny Sampandraharaha Federaly misahana Fiarovana ao Rosia, ny voalohany tamin'ireo fifandonana tamin'ireo olon'ny fitsikilovana avy any Okraina dia nitranga ny alin'ny 7 Aogositra, tany ivelan'i Armyansk, tanàna iray ao amin'ny sisintany, toerana voalaza fa nitsaharan'ny fiasàn'ny aterineto ny andro taorian'izay, narahan'ny fanesorana ny fakàna vola tamin'ireo DAB tao an-toerana.

Ny 9 Aogositra, namaly ireo tatitra momba ny fahatapatapahan'ny fidirana aterineto tany amin'ireo faritra manakaiky ny sisintany iraisana amin'i Krimea ny “Krymtelekom”, tamin'ny fanozezana tsiny ny asa fikarakarana mahazatra ho antony nahatonga ireo fahatapahana ireo. Tao anaty fanambaràna iray tamin'ny gazety, nilaza ilay orinasa fa efa niomana ny hamerina amin'ny laoniny ny fidirana tranonkala ny 10 Aogositra, nefa mbola mitohy ihany ireo tatitra momba ny fahatapahana.

Tsy mazava loatra ny tena fomba ataon'ny manampahefana Rosiana hanapahana ny fidirana aterineto ao Armyansk sy ny faritra manodidina azy, na ny hoe tafiditra sa tsia amin'ilay fanapahankevitra ny Krymtelekom sy ireo orinasa hafa mpikirakira fifandraisandavitra, na mbola ny governemanta no manapaka amin'ny fomba mavitrika ny aterineto ao amin'io faritra io.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.