Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ny Tanambokovoko Swastikas Sy Vetaveta, Na: Ny Fomba Nianaran'ny Polisy Rosiana Tsy Ho Be Fanahiana Sy Hitia Mamoritra Ny Aterineto

“The War Room” scene from the 1964 classic “Dr. Strangelove or: How I Learned to Stop Worrying and Love the Bomb.” Image edited by Kevin Rothrock.

“Ny Efitrano Fiadiana” tranga avy ao anatin'ilay horonantsary “Dr. Strangelove” tamin'ny 1964 na: Ahoana No Nianarako Tsy Ho Be Fanahiana Sy Hitia ny Baomba.” Sary nataon'i Kevin Rothrock.

Tamin'ny Janoary 2016, rehefa notaterin'ny tambajotram-baovao MediaZona fa nabontsin'ny mpitandro ny filaminana Rosiana ny antontan'isan-dry zareo momba heloka voavaha tamin'ny fanaovana ho lasibatra ireo tovolahy izay nizara sary vetaveta tety anaty  tambajotra sosialy, sahala amin'ny hoe tsy mitovy tsara ny fitsinjaràn'ilay tena fototra sarobidin'ireo fepetra vaovao fifehezana ny aterineto ao Rosia ireo zavatra eo am-pelatànany ho famoretana eo amin'ny firenena. Saingy, ahitana ohatra iray tonga lafatra io olana io ankehitriny, ary tsy maintsy atrehany miaraka amin'ny zavatra hafa manelohelo mibahan-toerana ao an-tsain'ny Tranonkala : Nazis.

Tamin'ny volana lasa teo, nampangain'ny fitsaràna iray tao Rostov ho nanao fanararaotam-pahefana sy namorona porofo ny  manamboninahitra iray avy amin'ny polisy. Araka ny voalazan'ny fitsaràna azy, nangataka tamin'ny lehilahy iray teo an-toerana antsoina hoe A. Minaev i D. Eliseev tamin'ny 16 Janoary 2015, nangataka azy mba hitady olona eo an-tanàna mety hanaiky hamoaka swastika iray eo amin'ny pejy Vkontakte-n'izy ireo, ny fanantenana dia ny mba hahakely kokoa ny sazy mihatra. (Tsy fantatra mazava izay vola tambiny nomen'i Eliseev ho takalony.) Nanana ny traikefany tamin'io karazan-javatra io i Minaev, taorian'ny fandoavany sazy in-droa miantaona ny taona talohan'io noho ny fizaràna “votoaty mahery fihetsika” tety anaty tambajotra, tao anatin'izany ireo sarinà swastikas.

Telo andro taty aoriana, nangataka tamin'i Minaev i Eliseev mba ho any amin'ny biraony, nilazàn'ilay mpitsongodia taminy fa efa niomana ny hanameloka azy ireo mpitandro filaminana noho ny famoahana lahatsary iray tamin'ny tambajotra izay lazaina fa mandika ireo làlana Rosiana manohitra ny fanaovana mahery fihetsika. Nampitandrina azy i Eliseev fa hofonjaina fara-fahakeliny 15 andro izy, raha tsy ohatra angaha ka manaiky fifanarahana hafahafa: mandefa swastika iray hafa amin'ny tambajotra ary manaiky handoa sazy 1.000 robla (15 dolara), izay nampanantenain'i Eliseev fa izy tenany no handoa azy. Rehefa nanaiky i Minaev, nalain'ilay mpitsongodia ny solosainan'ilay lehilahy, niditra tamin'ny pejy Vkontakte izy, namoaka sarinà swastika iray, ary naveriny taminy indray ilay solosaina avy eo. Rehefa vita izay, nanoratra tatitra iray ho an'ny polisy i Eliseev ary naka ny fanambaràna iray avy tamin'i Minaev, nanao vakiraoka ireo antontan-taratasy nasiana ny datin'andro manaraka.

Na izany aza, tsy azon'ilay mpitsongodia veroka fa noraketin'i Minaev tamin'ny alàlan'ny mikrô nafenina ilay fifanakalozana manontolo. Andro vitsivitsy taty aoriana, nandeha tao amin'ny biraon'ny mpampanoa lalàna teo amin'ny distrika i Minaev, izay fantany fa tsy namorona zavatra hamelezana azy mihitsy. Nandresy lahatra azy ireo mpampanoa lalàna nony avy eo mba hametraka fitoriana an'i Eliseev Mpitsongodia, ary dia an-dàlana nanomboka teo ny fanadihadiana iray vaovao mahakasika heloka bevava.

Tsy tampin-dàlan-kaleha anefa i Eliseev, tsy tara akory izy nandresy lahatra an'i Minaev mba hanaisotra ny fitoriany, miaraka amin'ny fanomezana vola kely. Nomeny mikrô kely iray mihintsy aza i Minaev, nangatahany mba handraisana feo ny tafatafa manaraka ataony miaraka amin'ireo mpampanoa lalàna. Teo am-pamaranana an'io seho mahatsikaiky feno hadisoana io, nolazain'i Minaev  tamin'ireo mpampanoa lalàna ny momba ilay mikrô avy any amin'i Eliseev ary dia nomen'ny mpampanoa lalànan'ny distrika fitaovana iray hafa fandraisana feo izy (fahatelo amin'izay fitaovana eo am-pelatànan'i Minaev amin'izao fotoana izao), izay nampiasainy mba handraisana ny resaka farany nifanaovana tamin'ilay mpitsongo dia.

Araka ny voalazan'ny mpitsara, te-hahazo fisondrotana amin'ny asany sy hahazo tambin-karama amboniny i Eliseev tamin'ny alalan'ny fisandohana “asa fanarahana maso nandany fotoana be.” Na izany aza anefa, mijanona ho olona afaka ihany izy. Ny 17 Jona 2016, nanasazy roa taona sy telo volana an'i Eliseev mba ho fizahan-toetra ny fitsaram-paritra Rostov, avy eo nanome famotsoran-keloka ho azy teo noho eo ihany.

Lazain'ny Sova, masoivoho mpiaro zon'olombelona, izay manaraka karazana heloka vokatry ny fankahalàna, ho toy zavatra fanao ao Rosia ny fomba fijerin'i Eliseev Mpitsongodia manao polisin'ny fanovana mahery fihetsika. “Ireo manmpahefana mpampihatra lalàna eny an-kianja dia voalohany indrindra, liana amin'ny fanatsarana ireo fepetra manamaro isa  ,” hoy ny voasoratr’ilay vondrona.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.