Any Shina, Tsy Tapakila Volamena Hidirana Eo Amin'ny Sehatry Ny Asa Foana Akory Ny Diplôma Avy Eny Amin'ny Anjerimanontolo

Chinese graduates at a job exhibition in 2007. Photo from state news agency Xinhua.

Ireo Sinoa nahazo diplôma, mandritra ny fampirantiana mikasika ny asa, tamin'ny taona 2007. Sary avy amin'ny masoivohom-baovaom-panjakana Xinhua.

Indray mandreha indray, maherin'ny 7 tapitrisa indray ireo mpianatra nahazo diplôma avy amin'ny anjerimanontolo ao Shina tamin'ny volana May. Raha toa ka ampianao an'ireo 300.000 nahazo diplôma avy any ivelany izany, ary koa ireo nahazo diplôma tamin'ireo taona teo aloha izay mbola andalam-pitadiavana asa, midika izany fa maherin'ny 15 tapitrisa ireo tanora miara mikatsaka ny anjara asany amin'ity taona ity.

Amin'ny maha-hery vaovao ara-toekarena misondrotra azy, heverina ho manana tsenan'asa goavana i Shina. Noho izany, raha vao mitady amin'ny google ny hoe “mitady asa ao Shina” ianao, an-tapitrisany no valiny mitranga eo. Saingy ny zava-misy, maro ireo manana diplôma no sahirana vao mahita asa aorian'ny nahavitan'ny fianarany. Raha ny marina, misy fiteny malaza iray izay nipoitra nandritra ireo taona maro nifanesy, manohana ny hoe “ny fahazoana diplôma mira tsy fananan'asa.”

Ny taona 2013, 17,6 isan-jato ny tahan'ny tsy fananana asa ho an'ireo manana diplôma avy amin'ireo sekoly sy ireo anjerimanontolo, roa volana taorian'ny fahazoana maripahaizana, araka ny voalazan'ny Times Higher Education; ho an'ireo any amin'ny faritra ambanivohitra, 30,5 isan-jato izany. Avo kokoa izany raha mihoatra amin'ny tahan'ny tsy fananana asa amin'ny ankapobeny (na fara-fahakeliny amin'izay noheverina ho tahan'ny tsy fananana asa, satria tsy azo itokiana ny angona avy any Shina). Satria nihisatra ny toekaren'i Shina tato anatin'ny roa taona farany, vao mainka niharatsy ny olan'ny tsy fananana asa ho an'ireo manana diplôma.

Hita taratra amin'ireo hafatra miely be anaty media sosialy sy ireo hafatra amin'ny finday ny fahasorenan'ireo andian-taranaka tanora ao Shina, tahaka ireto manaraka ireto:

当我们出生的时候,奶粉里都有毒了,当我们长身体的时候,只能吃垃圾食品了,当我们要上幼儿园的时候,开始乱收费了,当我们大学毕业的时候,毕业就是失业了,当我想努力赚钱的时候股市倒了,当我想努力谈恋爱的时候帅哥都成GAY了,当我想追求一切流行的时候,又开始非主流了!

Raha vao teraka izahay, nisy poizina ny raikipohy tamin'ny rononon-jaza, rehefa nitombo indray ny vatanay, sakafo tsizarizary fotsiny no afaka nohaninay, rehefa tafitidtra tao amin'ny garabola izahay, tsy takatra ny saram-pianarana, rehefa nahazo ny diplôma teny amin'ny anjerimanontolo indray izahay, tsy an'asa, rehefa mba niezaka namelon-tena tamin'ny fampanjanaham-bola izahay, rava io; rehefa niezaka mafy mba ho raikipitia tamin'ireo tovolahy tsara tarehy rehetra izahay, pelaka no hita, rehefa niezaka nanenjika ny mahazatra izahay [kolontsaina sy soatoavina], efa nanjary tsy mahazatra intsony izy ireo.

所谓大学:管理监狱化,素质流氓化,Kiss公开化,消费白领化,上课梦境化,逃课普遍化,寝室网吧化,补考专业化,学费贵族化,论文百度化,近视全面化,食堂饲料化,求职梦想化,毕业失业化,就业民工化。

Ny dikan'ny anjerimanontolo: toy ny fonja ny fitantanana, natokana ho an'ireo jiolahim-boto ny kalitao. [Ireo mpianatra] mianatra ny tokony ho fomba fanoroka imasom-bahoaka, mandany toy ireo madio vozon'akanjo, manonofy antoandro ao an-dakilasy. Mahazatra ny fandinganana kilasy, sahala amin'ny toerana fidirana amin'ny aterineto ireo efitrano fatoriana. Sahala amin'ny asa ny fakàna fanadinana, ireo itoeran'ny fahefàna sy ny vola sisa no afaka mandoa saram-pianarana. Mitovy amin'ny vokatry ny fikarohana Baidu ny fanohanana voka-pikarohana. Tsy misy mijery lavitra intsony ny rehetra. Sakafo natao hamahànana biby no sakafo ao amin'ny toeram-pisakafoanana an-tsekoly. Toy ny nofy ny fananana asa. Manana diplôma mira tsy an'asa. Ho an'ireo mpifindra-monina avy any ambanivohitra mankany an-drenivohitra ireo asa [azo atao] eny an-tsena.

Maro no mino fa mifamatotra tamin'ireo politika fanitàrana ny fampianarana tamin'ny ambaratonga ambony, nandritra ny taona 1999, ny ampahan'olana mikasika ny tsy fananana asa manjo ireo manana diplôma avy eny amin'ny anjerimanontolo. Tamin'izany fotoana, ny 35% n'ireo manana diplôma avy amin'ny sekoly lisea ihany no tafiditra teny amin'ny sekoly ambaratonga ambony, ireo sekoly ara-teknika sy ireo anjerimanontolo. Kanefa ny taona 2015, maherin'ny 80% izany, ary manodidina ny 40 isan-jato no no mety ho tafiditra amin'ireo taona voalohany any amin'ireo anjerimanontolo. Ho an'ireo tanàndehibe toa an'i Beijing, maherin'ny 70% ny isan'ireo mpianatra miditra amin'ny anjerimanontolo.

Milaza ny sasany fa tsy misy asa ampy ho an'ireo olona marobe nandranto fianarana avy eny amin'ny anjerimanontolo. Ao amin'ny media sosialy malaza Weibo, nitsikera ny fitobahan'ireo nahazo  diplôma i Lydia:

以后大学生越来越不值钱了,一抓一大把,有什么区别?

Eny rehetra eny ireo manana diplôma, ary tsy misy ilàna azy ireo mpianatra avy amin'ny kolejy ankehitriny. Ahoana no hafahanao milaza ny fahasamihafany?

Mpampiasa Web iray hafa, “Nomadic hero”, nanoratra fa ny vokatra tsy niriana ateraky ny fanitarana dia ny fidinan'ny kalitaon’ ireo manana diplôma amin'ny ankapobeny:

国家维护学习公平尽力让大多数人享有受教育固然是好事,可整体学生质量一蟹不如一蟹。不是大学生不值钱了,而是大学贬值了

Tsara ny tolona atao hisian'ny rariny ara-panabeazana mba hiantohana ny fahafahana mandeha an-tsekoly ho an'ny ankamaroan'ny olona. Saingy marina fa miharatsy ny kalitaon'ireo mpianatra. Ny anjerimanontolo, fa tsy ireo mpianatra akory, no very ny hasiny.

Nitaraina i “Ling Yan San Chi” fa:

毕业两年啦!!!!我竟然还在想着如何找工作,,,为何活的如此悲催。。。

Efa ho taona roa sahady no nahazoako diplôma, saingy mbola miketrika ny hoe ahoana no hahitana asa!! Nahoana ny fiainako no dia fadiranovana?

Na sarotra aza ny mahita asa, maro no mbola mieritreritra ny fidirana eny amin'ny anjerimanontolo ho ny làlana tsara indrindra mba hahazoana ireo fahaizana manokana sy hiakarana ny dingana ara-tsosialy – vokatr'izay, tsy mahatsiaro ho manenina tamin'ny safidiny izy ireo. Nisafidy ny hanohy ireo fianarany eny amin'ny ambaratonga fahatelo aza i “HaiDe XiaTian”:

后悔啊,可是后悔又能怎样 只能硬着头皮走下去,考研是通往理想大学的最后也是唯一的机会

Mahatsiaro manenina aho [mikasika ny fanarahana ny fanabeazana ambony], nefa tsy misy làlana hafa, ka tsy maintsy nanaraka io làlana io. Antoka farany ho ahy ny fandehanana amin'ny sekoly ambaratonga fahatelo mba hidirana aminà anjerimanontolo tonga lafatra:

Fanombohana no hiantsoana ny lanonana fanolorana maripahaizana, izay tokony hoe teboka vaovao fiainhàna ho an'ireo vao nahazo diplaoma, saingy maro no mahita an'io ho toy ny adin'ny tsirairay, toa an'i UsedToBe5 mpampiasa Weibo:

找工作是一件考验人心的事情,不断地失败再爬起,当然这都是我自己选择的地狱模式…

Zava-tsarotra ny fahitana asa satria tsy maintsy lavo foana ianao ary sasatry ny miarina isaky ny mihetsika. Mazava ho azy, tsy manome tsiny na iza na iza aho satria ahy ny safidy.

Tsy ny rehatra akory no mivalaketraka amin'io tedraharaha io. Ny tenifototra iray ao amin'ny Weibo hoe #manana diplôma tsy midika ho tsy an'asa#, no manome hevitra tsara ho an'ilay resaka, ary miezaka  ny manolotra fanohanana ireo hafatra, torohevitra sy ireo traikefa manokana.

Avy tamin'ny mpampiasa Weibo “Wanan Xin XinYu” tamin'ny 12 Jolay teo ny sata  farany miaraka amin'ilay tenifototra etsy ambony:

今天又要去面试工作了,希望明天能开始工作 #毕业不等于失业#加油!虽然已经失业快一个月了

Hiatrika tafatafa iray hafa aho androany, ary manantena hanomboka hiasa rahampitso. Manampoka menaka ny #fanànana diplaona tsy midika ho tsy fananana asa# [fehezanteny iray mampahery]! Na dia tsy an'asa efa ho iray volana aza aho.

iray monja amin'ireo 7 tapitrisa nahazo diplôma tamin'ny 2016 i WanAn Xin XinYu.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.