Filipiana mpanjono mikarakara fihetsiketsehana eo anoloan'ny Ambasady Shinoa ao Manila. Sary avy amin'i Pamalakaya
Mitaky “Chexit” ireo mpiserasera sy mpikatroka Filipiana – mba hiala ao amin'ny rano faritanin'ny firenen'izy ireo i Shina – taorian'ny didim-pitsaran'ny Fitsarana Mpanelanelana Maharitra ao Hague hiaro an'ny Filipina manoloana ny fitakian'i Shina ao amin'ny Ranomasina Shina Atsimo (fantatra ao Filipina amin'ny hoe Ranomasina Filipina Andrefana).
Notondroin'ny Fitsarana Iraisam-pirenena ho tompon'andraikitra i Shina noho ny fanitsakitsahana ny zon'i Filipina ao amin'ny faritra ara-toekareny manokana sy ny lemaka kaontinantaly midadasika araka ny voalaza eo ambanin'ny Fifanarahan'ny Firenena Mikambana Momba ny Lalànan'ny Ranomasina (UNCLOS).
Mitaky ny 90 isanjato amin'ny Ranomasina Filipina Andrefana eo ambanin'ilay antsoiny hoe “tsipika sivy andalana” i Shina, miaraka amin'ny riandrano eo ambanin'ny fahefan'i Filipina sy iero firenena Aziatika Atsimo Atsinanana hafa.
Manontany ireo fihetsik'i Shina tahaka ny fanakanana ny sambo sy ny Filipiana mpanjono tsy hiditra ao amin'ny rano ifandirana, ny fanimbana ny tontolo ianana an-dranomasina, sy ny fananganana nosy artifisialy ao amin'ny rano faritanin'ny Filipina ny didim-pitsarana.
Nampiditra ny raharaha manohitra ny fitsofohan'i Shina ao amin'ny faritaniny teo amin'ny fitsarana iraisam-pirenena i Filipina tamin'ny taona 2013. Na izany aza, tsy nety nandray anjara tamin'ny fakana am-bavany i Shina ary nanambara fa tsy hanaja ny fanapahan-kevitry ny fitsarana.
Ny #Chexi dia noforonin'ireo mpikatroka Filipiana tamin'ny kilalaon-teny #Brexit, izay miresaka ny fifidianana tamin'ny volana lasa nokarakarain'ny Fanjakana Mitambatra mba hialana amin'ny Vondrona Eoropeana.
Nampiasa ny teny filamatra #Chexit ny mpikatroka Filipiana no sady nanao hetsi-panoherana teo anoloan'ny Konsilà Shinoa ao amin'ny renivohi-pirenena Filipina, Manila tamin'ny andro nialoha ny nivoahan'ny didim-pitsarana.
Fihetsiketsehana #Chexit teo anoloan'ny Ambasady Shinoa ao Manila. Sary avy amin'ny pejy Facebookn'i Mon Ramirez
Nalaza tao amin'ny tranonkala media sosialy isan-karazany ny tenirohy #Chexit ary nanjary nalaza manerantany tao amin'ny Twitter. Nandanjalanja ny fanapahan-kevitry ny fitsarana iraisam-pirenena sy ny fiantraikany ny mpiserasera Filipiana :
Here's that Filipino protesters hat in full glory from @AFPphoto. Will the headgear stakes be upped by Beijing? pic.twitter.com/TGNQNMLefK
— Tom Hancock (@hancocktom) July 12, 2016
Ity ny satroky ny mpanao fihetsiketsehana Filipiana ao anatin'ny voninahitra tanteraka avy amin'ny @AFPphoto. Ny fahadisoan-ketimbolo ve no hambonian'i Beijing?
China's 9-dash line theory is without legal, historical and moral basis. #CHexit
— Neri Colmenares (@ColmenaresPH) July 12, 2016
Tsy misy fototra ara-dalàna, ara-tantara sy ara-moraly ny teorian'ny tsipika sivy andalan'i Shina
9 things about China's 9-dash line
1. Fake
2. Fraud
3. Scam
4. Sham
5. Bogus
6. Phony
7. Counterfeit
8. Forged
9. Fabricated#CHexit— Tonyo Cruz (@tonyocruz) July 12, 2016
Zavatra 9 momba ny tsipika sivy andalan'i Shina
1. Hosoka
2. Sandoka
3. Fisolokiana
4. Fitaka
5. Lainga
6. Diso
7. Abobo
8.Noforonina
9. Namboamboarina#CHexit— Tonyo Cruz (@tonyocruz) July 12, 2016
International law prevails over unfounded sovereignity claims.Do not claim & destroy our maritime resources. #CHexit https://t.co/ebqdzgtXXh
— Mahar Lagmay (@nababaha) July 12, 2016
Nandresy ambonin'ny fitakiana fiandrianam-pirenena tsy marim-pototra ny lalàna iraisam-pirenena. Aza mitaky sy manimba ny harena an-dranomasinay.
West Philippine Sea is legally, politically and historically ours.
The hell with China's imaginary 9-dash line, #CHexit now!
— Jamjam? Pinpin! (@jamcaholic) July 11, 2016
Ara-dalàna, ara-politika sy ara-tantaranay ny Ranomasina Filipina Andrefana.
Ny helo miaraka amin'ny tsipika sivy an-dalana nalain'i Shina an-tsaina, #CHexit izao!
this is not just about the Philippines, China is also claiming the territory of Vietnam, Indonesia and Malaysia. #CHexit
— ★ Mishane★ (@aMaeXing) July 13, 2016
Tsy momba an'i Filipina ihany izany, mitaky ny faritanin'i Vietnam, Indonezia sy Malezia ihany koa i Shina
NOW: #CHexit protest now heading to Chinese Consulate. pic.twitter.com/9hW7WRe8ZY
— Pamalakaya Pilipinas (@pama_pil) July 12, 2016
ANKEHITRINY: Mizotra mankany amin'ny Masoivoho Shinoa ny fihetsiketsehana #Chexit
Protest today a the Chinese consulate in the PH, hours before tribunal ruling. #CHexit pic.twitter.com/tyP0PxOs4d
— Renato Reyes, Jr. (@natoreyes) July 12, 2016
Fihetsiketsehana anio ao amin'ny masoivoho Shinoa ao Filipina, fotoana fohy talohan'ny fanapahan-kevitry ny fitsarana.
