Hatramin'ny fiandohan'ny May tamin'ity taona ity, nisy loza vaovao momba ny tontolo iainana nihatra tamin'ny morontsirak'i Chile. Ilay tranga fantatra amin'ny anarana hoe ny “samonta mena,” hita teo aloha tao amin'ny nosy Chiloe any atsimo, ka nahafatesana salmon maherin'ny 24 tapitrisa ary karazam-biby an-dranomasina hafa an-jatony. Ankehitriny izy io efa tonga any amin'ny helo-dranon'i Mejillones, any amin'ny faritra avaratry ny firenena, izay ahitàna trondro anchois mihoatra ny telo taonina maty nivangongo nanamorona ny morontsiraka.

Encuentran 3 toneladas de anchovetas varadas en bahía de Mejillones https://t.co/Gz92soApeb vía @el_dinamo

— P4purr1 P0P (@papurri_pop) May 19, 2016

Anchois telo taonina tafahitsoka tao amin'ny helo-dranon'i Mejillones

Ankoatra ny anchois, nisy zava-mananaina an-dranomasina hafa karazana toy ny lion-dranomasina ihany koa tafahitsoka teny amoron-drano.

#Mejillones 15 LOBOS MARINOS fueron hallados MUERTOS en Playa Grande @reddeemergenciahttps://t.co/wEhRwufmnXpic.twitter.com/vMkPUenD17

— Alejandro Alegria (@alegriagonzaa) May 16, 2016

LION-DRANOMASINA 15 MATY tany Playa Grande

Na dia nolazaina aza fa ny tranga El Niño no nahatonga ny fahafatesana maro, nilaza ny manampahaizana momba ny zava-mananaina ao amin'ny Oniversiten'i Antofagasta fa “ity karazana fahafatesana trondro marobe teny amorontsiraka ity dia manambara viriosy, na bakteria niely manerana ny andiany, ny fahapoizinana noho ny zavatra misy poizina, ny fiparitahan'ny lomotra madinika, na ny fiovana mahery vaika teo amin'ny toetoetry ny ranomasina.”

Na izany aza, toy ny tany Chiloé izay niampangàn'ny mpanjono ny indostria fiompiana salmon noho ny loza ara-tontolo iainana, misy ireo tao Mejillones izay milaza ireo fahafatesana an-dranomasina ho avy amin'ny nataon'ny Corpesca, orinasa mpanjono iray miasa ao amin'ny faritra.

#Mejillones: Culpan a #Corpesca de verter desechos sin tratar y provocar mortandad de peces https://t.co/k74OBnEYAnpic.twitter.com/6NMAZk3Aeo

— ChileOkulto (@Chileokulto) May 17, 2016

Nanameloka ny Corpesca izy ireo noho ny fanariana fako tsy voakarakara ka niteraka fahafatesana maro tamin'ireo trondro

Nanao horonantsary anaty rano ny mpanjono sasany, amin'ny toerana samy hafa manerana ilay helodrano, satria manahy izy ireo fa misy “trondro betsaka no maty na miala aina any amin'ireo aty lalin'ny rano eo anelanelan'ny 5 sy 20 metatra “, ary koa “fivangongoan'ny antsanga noho ny asa indostrialy” (jono). Ny mpampiasa Facebook, Juan Antonio Menares Henríquez, dia nizara lahatsary izay mampiseho ny zavatra hitany tao anaty ranomasimbe: trondro maty na aiza na aiza. Tao amin'ny YouTube, nampakatra lahatsary iray izay mampiseho trondro efa maty sy miala aina hita teo amoron-dranomasina i Diego Olmos.

Está la cagada en este planeta.

Tena simba tanteraka ity planeta ity.

Nanafintohina olona maro tao amin'ny Twitter ilay seho:

@biobio ES UN DESASTRE LO DE #Mejillones. ¿Qué puede salir de ahí, si sólo hay muerte y contaminación?. Y las autoridades, no hacen nada !!!

— CesanteIlustrado #AC (@AlvaroFigueroa) May 20, 2016

LOZA ity zava-nitranga aty Mejillones ity. Inona no afaka hivoaka avy ao, raha tsy misy afa-tsy fahafatesana sy fandotoana? Ary tsy manao na inona na inona ny manampahefana!!!

Así no más con la contaminación de nuestro mar #Antofagasta#Mejillones#Chiloé#Quintero#Varazón#Derrame etc.. Chernobyl Style Mutante 😬

— Antonia (@Kruely) May 17, 2016

Tsy tokony hisy intsony ny fandotoana ny ranomasintsika. Endrika Chernobyl Miofo.

Tamin'ny 19 May, nametraka fitoriana tany amin'ny Brigady miadidy ny Heloka bevava momba ny Tontolo iainana ny ben'ny tanànan'i Mejillones sy ny solontena samihafa avy amin'ny mpanjono araka ny fomba nentim-paharazana, mitaky fanadihadiana mikasika ny antony nahatonga ny taham-pahafatesana avo be nanjo ny zava-mananaina an-dranomasina.

Alcalde de #Mejillones y pescadores presentaron denuncia por contaminación en la PDI #Antofagasta#Calama#Taltalpic.twitter.com/1dslmsRMs1

— Region2.cl (@region2cl) May 19, 2016

Nametraka fitoriana tany amin'ny Polisy mpanao famotorana (PDI) ny ben'ny tanàna sy ny mpanjono tany Mejillones, momba ilay fandotoana .