[1]Sary: Tetikasa Tsy Mila Kabarim-pankahalana / Facebook
Nanangana pejy tao amin'ny Facebook natao hiadiana amin'ireo tranga tsy mitsaha-mitombo momba ny kabarim-pankahalana ao Myanmar ireo mpikatroka. Nanomboka niasa tamin'ny volana Martsa 2016 ny Tetikasa “Tsy Mila Kabarim-pankahalana,” misy amin'ny teny Birmanina [2]sy Anglisy, [3]ny tanjona dia ny hampianatra ny mpiserasera ao Myanmar mikasika ny fiadiana [4] amin'ny kabarim-pankahalana ao amin'ny media sosialy.
We believe it wrong to deny any group or individual the right to speak out because we oppose their views. Silencing some while favoring others is not a recipe for building tolerance. So we will offer to platform and fairly examine and discuss the ideas and opinions of all.
It is important to understand that not all hate speech is deliberate or intended as such: It is also important to realize that sometimes hate speech comes from an honestly felt fear of the unknown.
Mino izahay fa tsy mety ny mandà ny zo hiteny ho an'ny vondrona na olona satria manohitra ny hevitr'izy ireo isika. Tsy fomba fanao ho amin'ny fananganana fandeferana ny fampanginana ny sasany kanefa manome tombony ho an'ny hafa. Noho izany, hanome sehatra sy handinika ara-drariny ary hiresaka momba ireo hevitra sy fomba fijery ny rehetra izahay.
Zava-dehibe ny mahatakatra fa tsy ny kabarim-pankahalana rehetra no niniana natao na natao fanahy iniana toy izany: Zava-dehibe ihany koa ny mahatsapa fa indraindray ny kabarim-pankahalana dia avy amin'ny fahatsapana tahotra amin'ny tsy fantatra
Nametraka fanavaozana sasany mifandray amin'ny fahalalahana maneho hevitra tamin'ny taona 2010, toy ny fanesorana ny sivana amin'ny haino aman-jery sy fandefasana indray ireo tranonkala isan-karazany ny fitondram-panjakana tohanan'ny miaramila sivily ao Myanmar, izay nitondra nanomboka tamin'ny 1962. Tamin'ny taona lasa, vao maika nanamafy ny maro tamin'ireo fanavaozana demaokratika ny faharesen'ny antoko politika tohanan'ny miaramila ao amin'ny firenena.
Tao anatin'ny enin-taona, nandritra ny fiofoana ara-politika tao Myanmar, niakatra [5] ho 12,8 isanjato ny fidirana amin'ny aterineto tamin'ny 2015 raha 0,2 isanjato izany tamin'ny 2010.
Saingy niaraka tamin'ny fitomboan'ny kabarim-pankahalana mampanahy ihany koa ny fanatsarana ny foto-drafitrasa nomerika. Indrindra indrindra, nameno ny media sosialy ny lahatsoratra mamely ny silamo, izay heverin'ny mpandalina sasany fa nahatonga ny firongatry ny herisetra iraisana [6] manerana ny firenena.
Nandrisika [7]ny fankahalana Silamo vitsy an'isa, indrindra ny vondrona foko Rohingya ireo vondrona nasionalista hiringiriny, toy ny Ma-Ba-Tha tarihin'ny moanina bodista mahery fihetsika.
Nanambara ny tatitra [8] navoakan'ny fikambanan'ny mpanoratra PEN Myanmar tamin'ny 2015 fa miely bebe kokoa noho ny teo aloha ny kabarim-pankahalana. Nahita ihany koa ny fikarohana fa tsy ny Silamo ihany no lasibatry ny kabarim-pankahalana fa ireo mpikambana ao amin'ny mpanohitra ara-politika, ny mpiaro ny zon'olombelona, ireo foko vitsy an'isa, eny fa na dia ny olon-tsotra mpiserasera naneho fihetsika miiba amin'ny governemanta ihany koa aza.
Firenena ahitana foko samihafa i Myanmar, saingy ny Bodista Myanmar no tena mandrafitra ny ankamaroan'ny mponina. Mponina tsy manan-tanindrazana kosa ny Rohingya Silamo, mandritra izany fotoana izany, izay heverin'ny governemanta fa mpifindra monina tsy ara-dalàna.
Araka ny filazan'ny mpandalina sasany, tsy ahitana rafitra ara-dalàna [9]mifanaraka sy mazava miady amin'ny fanavakavahana ny Lalàmpanorenana 2008 ao Myanmar. Saingy nikarakara valandresaka [10]manerana ny firenena ireo mpitarika vondrom-piarahamonina iraisampinoana tamin'ny 26 Aprily 2016 mba hitaky fandrafetana rafitra ara-dalàna mazava iadiana amin'ny kabarim-pankahalana. Nilaza ny mpikarakara ny fihaonambe, Aung Naing Win hoe:
We want to work with law enforcement to take action against those who use hate speech, and we want to empower our community through education to positively engage for peace. […]
Our idea is that our religious leaders, civil society leaders, lawyers and the government will work together to create a law [on the issue].
Te hiara-hiasa amin'ny mpampihatra lalàna izahay mba handray fepetra manoloana ireo olona mampiasa lahateny fankahalana, ary te-handrisika ny fiarahamoninay amin'ny alalan'ny fanabeazana izahay mba hirotsaka an-tsehatra ho amin'ny fihavanana. […]
Ny hevitra tianay voizina dia mba hiara-hiasa hamorona lalàna [momba ny olana] ireo mpitarika fivavahana, ireo mpitarika ny fiarahamonina sivily, sy ny governemanta ao amin'ny firenentsika.
Mandinika ny Lahatsoratra Misy Fankahalana
Miasa amin'ny alalan'ny famantarana ny lahatsoratra orizinaly misy ny lahateny fankahalana ny Tetikasa Tsy Mila Kabarim-pankahalana, ary avy eo manamaivana ilay fanambarana feno fankahalana amin'ny alalan'ny fanoherana miaraka amin'ny zava-misy sy fomba fijery hafa. Hatramin'ny niatombohan'ny tetikasa tamin'ny volana Martsa, nanohitra ireo kabarim-pankahalana nikendry ny Silamo, ny vehivavy, ny mpikomy ara-poko, ary ny vahiny mpiasa ny tetikasa.
Rehefa mahita lahatsoratra misy lahateny fankahalana ao amin'ny media sosialy, mandefa indray ilay votoaty manafintohina ao amin'ny pejy Facebook manokana azy ireo izy ireo, miaraka amin'ny fanoherana ilay lahateny sy fanehoan-kevitra fanazavana. Ohatra, nanohitra sary manavakavaka namaritra toerana iray ho “faritra tsy misy Silamo” ny iray amin'ireo lahatsoratra navoakan'ny tetikasa tamin'ny 31 Martsa. Toy izao ny fomba namalian'ny [11] vondrona izany lahatsoratra anti-Islamo izany:
On February 13, a Facebooker named Soe Naing posted a photo of a sign reportedly to be found outside a village in the Irrawaddy Delta that declares it to be off limits to Muslims. […]
Under the photo, Soe Naing wrote: “The sign impressed me. Give me a “Like” if you agree every area should be Islam-free”.
At the time this post was spotted by this monitor, it already received 8289 Likes; 4234 shares and 517 comments.
Most of the comments were supportive. One named Paingshinme Nalonethar (translated as “Ownerless heart”), wrote: “It would be better if the whole country sticks to this practice. Congratulations Migyaingai.”
Those who argued against the prevailing comments included Htay Ko who stated: “I think you guys are so happy with this -but Buddha would be morose to learn how this contradicts his teachings.
Posts like this can clearly lead to conflict rather than harmony and may incite hatred.
Soe Naing has a total of 4914 friends and 21688 followers on Facebook.
Our Anti-Hate Speech Project is working carefully with colleagues to investigate the background to this sign, whether it actually exists, and if so who put it up.
Tamin'ny 13 Febroary, mpisera Facebook antsoina hoe Soe Naing nandefa sarina takelaby voalaza fa hita tao ivelan'ny tanàna iray ao amin'ny Vinanin'i Irrawaddy milaza fa voaràra ho an'ny silamo ny toerana. […]
Hoy i Soe Naing teo ambanin'ny sary: “Nanaitra ahy ny takelaka. Omeo “Ekeko (like)” aho raha manaiky ianao fa tokony tsy hisy Silamo ny faritra rehetra”.
Tamin'ny fotoana nandefasan'ity mpisera Facebook ity izany lahatsoratra izany, efa nahazo Ekeko 8289; nisy nizara in-4234 ary fanehoan-kevitra 517 sahady izany.
Manohana avokoa ny ankamaroan'ny fanehoan-kevitra. Olona iray antsoina hoe Paingshinme Nalonethar (nadika ho toy ny hoe “fo tsy mana-tompo”), nanoratra hoe: “Tsara kokoa raha miraikitra amin'izany fomba fanao izany ny firenena manontolo. Arahabaina i Migyaingai.”
Ireo izay milaza fa manohitra ny fanehoan-kevitra manjaka tahaka ny an'i Htay Ko nilaza hoe: “Mino aho fa faly loatra ianareo amin'izany – saingy halahelo i Buddha raha mahita fa mifanohitra amin'ny fampianarany izany.
Ny lahatsoratra tahaka izao dia mety hitarika ady fa tsy firindrana ary mety hitarika fankahalana ihany koa.
Manana namana 4914 sy mpanaraka 21688 ao amin'ny Facebook i Soe Naing.
Miasa amim-pitandremana miaraka amin'ireo mpiara-miasa ny Tetikasanay Manohitra ny Kabarim-pankahalana mba hanadihady mikasika ny tokotanin'ny marika eny ifotony, raha tena misy tokoa izany, ary raha misy tokoa dia iza no nametraka azy
Hetsika Eny Ifotony Manohitra Ny Kabarim-pankahalana
Tsy ny Tetikasa Tsy Mila Kabarim-pankahalana ihany no vondrona ao Myanmar miezaka manohitra ny fankahalana antserasera. Satria miha-matetika ny tranga mahakasika ny kabarim-pankahalana, nipoitra ireo hetsika maro miady amin'ny tsy fandeferana [12] sy ny fanavakavahana mihatra mivantana amin'ireo vitsy an'isa ara-pivavahana. Tamin'ny taondasa, nanomboka nampiroborobo ny fahasamihafana [13]ny tanora tamin'ny alalan'ny fandrisihana ny samy foko ho mpinamana eo amin'ny tanora. Misy ihany koa ny vondrona antsoina hoe Panzagar ao amin'ny Facebook, izay nampahafantatra ny famantarana amin'ny Facebook “kabary-voninkazo” [14].
Tamin'ity taona ity, nanomboka nampiasa ny diezy #Say_No_to_Racism [15] (Lazao hoe tsy mila fanavakavahana) sy #2016_OnlineCampaign [16] (hetsika antserasera 2016) ny mpisera Facebook sasany mba hiady amin'ny kabarim-pankahalana. Mpisera media sosialy marobe no nanao lahatsoratra tahaka ity etsy ambany ity, izay asan'i Moe Thway [17], mpikatroka, miantso ny vahoaka mba hanohana ny fanoherana ny fanavakavaham-bolonkoditra.
My name is Moe Thway
I am not a racist.#Say_No_to_Racisim [18]
#2016_OnlineCampaign [19]Anyone who is against racism please upload this status.
Join our campaign all.
We need public awareness!!!
Moe Thway no anarako
Tsy mpanavakavam-bolokoditra aho.#Say_No_to_Racisim [18]
#2016_OnlineCampaign [19]Miangavy izay rehetra manohitra ny fanavakaham-bolokoditra aho mba hamoaka indray ity sata ity.
Mandraisa anjara amin'ny hetsikay ianareo rehetra.
Mila ny fanentanan'ny vahoaka izahay!!!
[20]Sary niparitaka tao amin'ny Facebook navoakan'ny Panzagar. Hoy ny vakin'ny teny eo ambany: “Ny fivavahana tsirairay dia mampianatra antsika mba hampihatra ny fihavanana sy ny fitiavana. Aza avela hanana endrika ratsy noho ianao ny fivavahanao.”