Arzantina: ‘Diaben'ny Cap (Kasikety)’, Hetsika iray Tsy Hangina Manoloana Ny Herisetra Mahafaty Ataon'ny Polisy

Marcha de la gorra

Sary avy amin'ny pejy Facebook natao ho an'ny rehetra “March of the Cap”.

Fanamarihan'ny mpandika: Cap (fiteny an-dalanbe ho an'ny espaniola) dia midika hoe polisy, ny Gorra indray midika ho kasikety ho antsika Malagasy

Nandritry ny sivy taona izao, isaky ny 20 Novambra dia mitohy hatrany ny làlan'ny Diaben'ny Kasikety mamakivaky ny tanànan'i Cordoba ao Arzantina, ao amin'ny fon'ilay firenena. Hetsika iray io ho fanoherana ny “tifitra-ankitsirano” sy ny daroka ataon'ny polisy, ny filàm-baniny ary ny fanavakavahana iainan'ny olona amin'ny fitandroana ataon'izy ireo.

Avy amin'ny –“cap”– fiteny eny an-dalambe amin'ny teny Espaniola hilazana ny polisy no nakàna ny anaran'ilay hetsika, ary amin'ny ankapobeny dia mihevitra ny hanao fanamby amin'ireo fanararaotana amin'ny fampiharana ny lalàna. Araka ny amaritan'ireo mpikarakara azy hoe :

Izahay no diabe manohitra tanteraka ny fanjakana polisy, izay manilikilika, mamoritra, mila vaniny, mampitondra takaitra ary mamono. #MarchadelaGorra

Ao anatin'ny matoan-dahatsoratry ny tranonkalam-baovao Página 12 (Pejy 12), manazava misimisy kokoa ireo antom-pisian'ilay diabe i Esteban Rodriquez Alzueta, mpanoratra sady mpikaroka :

Es una marcha contra la policía, pero también contra los vecinos alertas. Si no hay olfato policial sin olfato social, eso quiere decir que detrás de la brutalidad policial está el prejuicio social. Los estigmas que cotidianamente destilan esos emprendedores morales crean condiciones de posibilidad que habilitan y legitiman a las policías a estar de manera discrecional y violenta en los barrios más pobres.

Diabe manohitra ny polisy ity, saingy koa manohitra ny fijerem-potsiny sy faneken'ny manodidina ny zavatra mitranga. Rehefa tsy misy dikany ara-tsosialy dia tsy misy dikany ny polisy, entina hilazàna fa ao an-damosin'ny herisetra ataon'ny polisy dia misy ny fitsaràna an-tendrony ara-tsosialy. Ny henatra izay asisik'ireny fitondrantenan'ireo mpandraharaha ireo isanandro dia mamorona toedraharaha manamora sy mamadika ho azo ekena ny fisiana tsikelikely ary mahery setran'ireny manamboninahitry ny polisy ireny any amin'ireo tanàna tena mahantra.

Nampiany antontanisa ihany koa, izay manamafy ny fitomboana tafahoatran'ny fitànana am-ponja fahatany ao Cordoba tato anatin'ny taona vitsy farany :

En la provincia de Córdoba se produjeron en 2011, 73.100 detenciones por averiguación de identidad, es decir, se llevaron a cabo 2209 detenciones cada 100.000 personas. Más de la mitad de ellas tuvo lugar en la capital. El 86 por ciento de la población objeto de estas prácticas son hombres. El 70, jóvenes menores de 35 años, y la causa que según la policía motivó su accionar fue el “merodeo”.

Tamin'ny 2011 tao amin'ny faritanin'i Cordoba, nisy fitànana olona 73.100 noho ny fanamarinana ny amin'izy ireo, izany hoe nisy fisamborana olona 2.209 natao isaky ny olona 100.000. Mihoatra lavitra noho ny antsasak'ireo nitranga tao an-drenivohitra. Lehilahy ny enina amby valopolo isanjato amin'ny olona niharan'ireny fomba fanao ireny. Fitopolo isanjato no tanora latsaky ny 35 taona, ary ny antony nomen'ny polisy hoentina hanamarinana ny hetsika nataony dia hoe “fivenjivenjena”.

Nisarika ny saina hijery ireo tranganà fanararaotana samihafa nataon'ny polisy ny pejy Facebook “Colectivo de Jóvenes por Nuestros Derechos (Fiarahamientan'ny Tanora ho an'ny Zontsika). Iray amin'ireny no milaza ny tantaran'i Daniel Robles, izay niala sasatra tao Cordoba ary notànana tsy an-drariny nandritry ny 40 ora ho “nikasa handroba”. Tranga iray hafa ny an'i Nyko Nadal, zazalahy 16 taona izay nohazaina sy notifirin'ny polisy, na dia tsy nitondra fitaovam-piadiana aza izy tamin'izay fotoana izay, rehefa nandray fiarakaretsaka. Na ny tranga nahazo an'i Christian Guevara, izay maty tany ampitazonana azy taorian'ny daroka nataon'ny polisy taminy, ny polisy izay niezaka taty aoriana hanafina ny marina tamin'ny filazana fa namono tena izy.

Ny tambajotran'ireo mpanao gazety Cosecha Roja (Fijinjàna Mena) dia namoaka ihany koa tranga mitovitovy amin'ireny herisetra mahafaty matetika ataon'ny polisy ireny:

A Ezequiel lo hicieron ahogar en el barro podrido del Riachuelo. A Jonathan y Brian les dispararon arriba de un auto. A Ramón un gendarme le dio un tiro en la cabeza por defender a otro pibe. A Luciano lo habían amenazado y golpeado. Apareció, 6 años después, como NN en Chacarita. A Mariano y a Darío los fusilaron por la espalda. A Kiki lo asesinó un policía que lo acusó de querer robarle el auto.

Nosemporin-dry zareo tao anatin'ny ranom-potaka maloto tao Riachuelo i Ezequiel. Notifirin-dry zareo tao anaty fiara iray i Jonathan sy Brian. Polisy iray nitifitra an'i Ramón teo amin'ny lohany noho izy niaro olona iray. Nandrahona sy nidaroka an'i Luciano ry zareo. Enina taona taty aoriana, nipoitra izy, toy ny vatana mangatsiaka tsy nisy mpitaky tao Chacarita. Novonoin-dry zareo avy any an-damosina i Mariano sy Dario. Polisy iray no namono an'i Kiki, izay niampanga azy ho nanandrana hangalatra ny fiarany.

Lasa lavidavitra kokoa noho ny resaka fitànana sy famonoana ataon'ny polisy ireo olana ireo, ka tafiditra hatramin'ireo Akany fibeazana ara-tsosialy, na ireo fonja natao ho an'ny zazalahy sy zazavavy, izay araka ny tranonkalan'ilay diabe dia tsy toerana natao hanabeazana mihitsy noho ny tsy fahampian-pitaovana any amin'izy ireny

Raha nahazo laka isantaona tao amin'ny faritanin'i Cordoba ny Diaben'ny Kasikety, tamin'ny 2015 nisy hetsika nitovitovy tamin'izany koa nitranga tany amin'ireo tanàna hafa, toa an'i La Plata, Rosario, Mendoza ary ny tanànan'i Buenos Aires, nahatonga ity diabe ity ho ny iray isan'izay goavana sy tsara karakara indrindra tany Arzantina. Tian'ireo mpikarakara hoaverina ihany koa ny kolontsaim-bahoaka ary hiampanga ny fanararaotana ara-drafitra, toy ny ilazan'ny tranonkala ofisialy azy:

Somos nosotros y nosotras. Somos los pibes y las pibas de los barrios, de los bailes y las canchas, de las cárceles de todo el país. Somos las trabajadoras y los trabajadores que luchamos todos los días por la dignidad; que soportamos la explotación, el salario bajo y la represión de la cana cuando protestamos. Somos las trabajadoras sexuales históricamente criminalizadas, asesinadas en la clandestinidad, golpeadas y perseguidas por los gobiernos que son cómplices de los responsables de la trata y el proxenetismo. Somos las y los estudiantes que luchamos por la educación pública, gratuita, de calidad y laica. Somos artesanos y artesanas, carreros, somos quienes impedimos que Monsanto se instale en Córdoba y quienes luchamos para que Porta se vaya de nuestros barrios. Somos las radios abiertas y comunitarias, los medios alternativos. Somos las murgas y los movimientos culturales. Somos mujeres y varones hartos de que nos maten por el sistema machista hetero patriarcal, por la homo – lesbo – trans – fobia, los femicidios, y travesticidios.

Miandahy miambavy izahay. Izahay no ireo bandikely sy sipakely avy any an”-tanàna, ny dihy, ary ny kianja filalaovana baolina kitra, avy any am-ponja manerana ny firenena. Izahay no mpiasa miady isanandro hisian'ny fahamendrehana; izay mandray andraikitra amin'ny fitrandrahana, ny karama vary masaka sy ny famoretana an-kerisetra rehefa mba manohitra. Izahay no ireo mpampanofa vatana izay napetraky ny tantara hatramin'ìizay ho mpanao heloka bevava, vonoina mangingina any, darohana sy ilàn'ny mpiray tsikombakomba amin'ny governemanta vaniny miaraka amin'ireo tomponandraikitry ny fanondranana an-tsokosoko sy fanirahana anay hampanofa ny tenanay. Izahay no ireo mpianatra mitolona hanana fahalalahana, fitoviana ary fanabeazana laika ho an'ny rehetra. Izahay no ireo mpanao asatànana, mpamily, ary ireo izay tsy mamela ny Monsato [goavan'ny sehatra fambolena] hiditra an'i Cordoba ary mitolona ho an'ny fanesorana ny Porta [mpamokatra licor] aty amin'ny tanànanay. Izahay no ireo onjampeon'ny vondrom-piarahamonina misokatra malalaka, ireo media azo atao fanolo. Izahay no ireo mpiangaly mozika eny an'arabe ary ireo hetsika ara-kolontsaina. Izahay no ireo lehilahy sy vehivavy marary sy reraky ny vonoina noho ity rafitra fitiavan-tanindrazana bontolo mifangaro fanjakan-dehilahy ity, ankahalàna ny homo- lesbo- trans, ary mararin'ny famonoana ireo vehivavy sy nanova taovam-pananahana.

Ho an'ny fanambaràna tamin'ilay diabe farany tamin'ny 18 Novambra 2015, nandefa ity lahatsary ity ilay tranonkala, izay nidika ho famerenana mamaritra ilay diabe ho toy ny hetsi-bahoaka araka ny voalaza ery ambony.

Ireto ny sasany amin'ireo saripika avy amin'ny Diaben'ny Kasikety farany teo :

La lucha está en las calles #MarchaDelaGorra

A photo posted by G I A N N A (@gia.gianni) on

Maribolan'ny Instagram: Eny an-dalambe ny tolona.
T-shirt mivaky hoe: “Eo ambanin'ny kasikety tsirairay dia misy lehilahy miaraka amin'ny tantarany”.

9a. Marcha de la Gorra #marchadelagorra #streetphotography #photojournalism #apagency #agenciatelam #everydaylatinamerica

A photo posted by Carlos Paul Amiune (@polo1738) on

Misoratra eo amin'ny sorabaventy, ankavia miankavanana : “Ny rariny ho an'i Rodrigo Sanchez”, “Ampy izay!!! Lucas Carranza polisy iray hafa mpamono olona!”

Maribolana Instagram : Sivy taona nanaovana diabe ho fanafoanana ny lalànan'ny  fandikàn-dalàna Ho an'ny polisinareo, manohitra izahay! *mahafinaritra ny tanàna*

Raha raisina anaty kajikajy ny fandraisana makotroka azon'ilay diabe tamin'ny 2015 sy ny fanasàna mivelatra kokoa ny vahoaka, efa nanamafy sahady ny ho fandraisany anjara amin'ny Diaben'ny Kasikety manaraka ny sasany, tamin'ny alàlan'ny Twitter.

Mianiana amin'ny raiko aho fa ho isan'ny hanao ny diaben'ny kasikety manaraka

Tsy maintsy ho ao anatin'ny diaben'ny kasikety 2016/2017 aho

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.