Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Voaheloka Dimy Taona Sy Efa-Bolana An-tranomaizina Ilay Ethiopiana Bilaogera Sady Mpikatroka

Photo-based graphic of Zelalem Workagegnehu by Melody Sundberg. Image used with permission.

Sary avy amin'ny sary fototr'i  Zelalem Workagegnehu nataon'i Melody Sundberg. Nahazoana alàlana.

Nosazian'ny Fitsarana Avo Federaly Ethiopiana dimy taona sy efa-bolana an-tranomaizina” rehefa notsaraina narahana adihevitra ela ilay tanora bilaogera sady mpikatroka Ethiopiana Zelalem Workagegnehu.

Mpiaro ny zon'olombelona sy manam-pahaizana i Zelalem, izay nandray anjara tsy tapaka tamin'ny tranonkala any am-pielezana DeBirhan.

Heverina hampakatra ny fitsarana izy noho ny didy nivoaka.

Tazonina ao amin'ny fonjan'i Kilinto ao an-drenivohitra Addis-Abeba i Zelalem amin'izao fotoana izao.

Na izany aza, matahotra ny fianakaviany sy ny namany fa ho hafindra any amin'ny fonjan'i Ziway izy, izay any amin'ny 160 kilaometatra atsimon'ny renivohitra Ethiopiana.

Zolaman

Tamin'ny 15 Aprily,  nanafaka madiodio ny olona roa niara-voaheloka tamin'i Zelalem ny Fitsarana Avo Federaly Etiopiana: i Yoantan Wolde sy i Bahiru Degu, izay nandany 600 andro mahery tany am-ponja noho ny fiampangana azy ireo ho nanao fampihorohoroana, nanamarina ireo antony ara-politika ny tsikera.

Na izany aza, hita fa meloka tamin'ny “fanohanana ny fampihorohoroana” nanana rohy tamin'ny Hetsika Ginbot 7 Zelalem Workagenehu,  izay antoko politika mpanohana ny demokrasia  naorin'ny Profesora Berhanu Nega , ary nomen'ny governemanta Ethiopiana anarana tamin'ny 2010 hoe  “fikambanan'ny mpampihorohoro” .

Voampanga ho niray tsikombakomba tamin'ny fanonganana ny governemanta izy (nanampy tamin'ny fanamorana ny fianarana fiarovana nomerika) sy nanaparitaka vaovao tsy marina (nanoratra tsy tapaka tao amin'ny tranonkala an'ny any ampielezana izay iray amin'ireo sisa manana loharanom-baovao azo antoka amin'ny zava-mitranga ao Ethiopia izy).

Araka ny tatitra, nilaza ny mpitsara fa meloka izy tamin'ny fanangonana mpikambana hanomboka revolisiona tahaka ny Lohataona Arabo ao Ethiopia sady nanamora ny fidirana tamin'ny fianarana fiarovana nomerika izay fantatry ny fanjakana mpampanoa lalàna ho “fianarana hanao fampihorohoroana an'i Ethiopia.”

[mg] Voampangan‘ny Fanambarana Miady amin'ny Fampihorohoroana izay lalàna nolaniana tamin'ny volana Jolay 2009 tao Ethiopia, i Zelalem niaraka tamin'ny olona sivy hafa, . Manohana ilay lalàna ny manampahefana ary nilaza fa nalaina maodely avy amin'ny lalàna efa misy ao amin'ny firenena toy ny an'ny Fanjakana Britanika izany.

Tamin'ny Oktobra 2014 i Zelalem no voampanga voalohany, niaraka tamin'ny olona sivy hafa voarohirohy izay nahitana mpisera aterineto, politisianina mpanohitra, sy mpikatroka. Hatreto, noafahana madiodio ny olona fito amin'ireo olona rehetra ireo rehefa nandany herintaona mahery tany am-ponja.

Nilaza tamin'ny fitsarana i Zelalem sy ireo niara-voaheloka taminy  fa niaina fampijaliana lehibe izy ireo tany am-ponja.

Noterena hanao sonia taratasy fitanisan-keloka i Zelalem nandritra ny fitazonana azy tany am-ponja. Noho ny kapoka sy ny fampijaliana,  milaza i Zelalem ankehitriny fa manaintaina azy mafy ny masony.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.