Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Nandray ny Google Street View i Kyrgyzstan

Kyrgyzstan's famous Lake Issyk-Kul. via Google Street View. Photo taken from Kloop.kg.

Farihy malazan'i Kyrgyzstan antsoina hoe Issyk-Kul. Sary Google Street View nalaina avy ao amin'ny Kloop.kg.

Izao manaraka izao dia lahatsoratra fiaraha-miombon'antoka avy amin'i EurasiaNet.org. Nahazoana alalana ny famoahana azy eto indray.

Kyrgyzstan no firenena voalohany ao Azia Afovoany nandray ny Google Street View, na dia tsy mila mieritreritra aza ny mpitsidika fa manakaiky kokoa noho ilay tena zavatra ny mpisolo toerana.

Naseho tao amin'ny foibe ara-kolontsaina iray tao an-tanànan'i Cholpon-Ata, izay miorina eo amin'ny farihin'i Issyk-Kul, toeram-panintonana ara-pizahantany ao amin'ny faritra ny tetikasa hanitarana ny Street View (Jery eny an'arabe) ho any Kyrgyzstan.

“Ankehitriny afa-mandray fitetezan-tany manavatsava ny lalana Kyrgyz sy mahita antserasera ireo toerana manintona mpizahatany ny mpiseran'ny Google Maps. Ankoatra ny zavatra hafa dia nandray ny sarin'ny toerana ara-kolontsaina sy manan-tantara miavaka tahaka ny Tilikambon'i Burana, ny riandranon'ny “Ranomason-Jazavavy Tsy Manambady”, ny tendrombohitra masin'i Suleiman-Too (ao Osh) ny teknisianan'ny Google, ary toy izany ihany koa ny Lembalemban'ny Angano (ampitahao amin'Isalo na ny Tsingy), ny petroglyphs (soratra amin'ny vato) ao Cholpon-Ata ary ny toerana hafa,” hoy i Tilik Mamutov, solontenan'ny Google ao amin'ny kaontiny Facebook.

Raha mampidera azy ho fanararaotra mijery an'i Kyrgyzstan avy lavitra, dia nolazain'ny Google fa hampiroborobo ny fizahantany io.

“Afa-mahita ny tobin-dasantsy ianao, manamarina hoe tahaka ny ahoana ny toerana iray. Ary rehefa tonga amin'ny toerana iray ny vahiny mpizahatany dia mety mahita hotely na fandraisambahiny amin'ny findainy,” hoy i Oleg Yakymchuk solontenan'i Google tamin'ny fanamarihan'ny TengriNews.

Lenin is still standing in Bishkek, Kyrgyzstan's capital. Google Street View photo taken from Kloop.kg.

Mbola mijoro ao Bishkek, renivohitr'i Kyrgyzstan i Lenin. Sary Google Street View nalaina avy ao amin'ny Kloop.kg.

Mety hoe manita-dresaka ihany anefa izany. Tsy masaka loatra ireo toerana fikarakarana sakafo ivelan'ny tanandehibe sy ny lala-masaka, ary karazany tafahoatra ihany izany hoe hametraka lisitra azy ireny ao amin'ny Google Maps (Sarintanin'ny Google). Izay no izy mandra-pisian'ny mpiserasera mametraka karazan-torohay tahaka izany.

Nilaza i Yakymchuk fa nandany herintaona sy tapany ny fametrahana feno ny Kyrgyzstan Street View. Nandaniana roa volana kosa ny nanapihana sary tany amin'ireo toerana an-jatony nasongadina ao amin'ny sarintany ifarimbonana.

Burana tower, one of traditionally nomadic Kyrgyzstan's few historical monuments. Google Street View photo taken from Kloop.kg.

Tilikambon'i Burana, iray amin'ireo toerana manatantara vitsy an'i Kyrgyzstan mpirenireny. Sary Google Street View nalaina avy ao amin'ny Kloop.kg.

Mahavariana mazava loatra ny zavabita. Mety ho tsy dia nanahirana loatra ny nanangon-tsary any amin'ireo lalana falehan'ny olona, saingy tsy maintsy nivoaka kely ny lalana ny Google tsindraindray hijery ireo toerana sasantsasany toy ny farihy amin'ny toerana ambony ao Song-Kul.

Nampian'ny governemanta ny Google hamitany ny iraka nataony. Tamin'ny taona 2014, ny Praiminisitra tamin'izany fotoana izany Djoomart Otorbayev nanome baiko fa tokony ampiana ny lisitry ny toerana ampidirina ao amin'ny Street View, fankatoavana miharihary amin'ny mety ho tombony azo amin'ilay fandraisana an-tanana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.