Kihon-dàlana Toy Ny Hoe Italia Kely Ao Buenos Aires

Plaza Cortazar, en el bonaerense barrio de Palermo. Imagen en Flickr del usuario Omar Uran (CC BY 2.0).

Plaza Cortazar, ao Palermo faritra manodidina ao Buenos Aires. Sary : Flickr / Omar Uran / CC 2.0

Ny fifindramonin'ny Italiana mankany Arzantina no hetsika fifindràna monina lehibe indrindra sy tena manandanja any amin'ity firenena ao Amerika Atsimo ity. Araka ny vinavina sasany, manodidina ny 3 tapitrisa ireo Italiana mpifindramonina tonga tao Arzantina teo anelanelan'ny 1814 sy 1970.

Tafiditra ho ampahany tamin'ny fiarahamonina ao Arzantina ireo Italiana mpifindra monina, saingy nitmbo teny anivon'ireo taranaka tato anatin'ny taona vitsy ny fahatsiarovany ilay Fireneny Fahiny niaviany, mitodika amin'ireo antpanahy mba hitaky ireo nentindrazany sy fomba amam-panao isankarazany.

Misy maha-“Italiana” azo tsapain-tànana mikasika ny firaisana vodirindrina ao Buenos Aires, toerana izay ipongaran'ny Piccola Itaila (Italia kely) amin'izao fotoana izao:

[…] cinco cuadras que son un espacio gastronómico y cultural para compartir y expresar la italianidad. Sus impulsores ya imaginan el arco en la esquina de Arévalo y Gorriti, en el barrio porteño de Palermo.

La italianidad en la Argentina resulta difícil de definir porque logró distribuirse en toda la sociedad, porque es inasible y omnipresente. Está en las palabras entremezcladas con el lunfardo, está en el valor de la familia y los amigos, está en las recetas heredadas y argentinizadas, está en cada barrio porteño con los negocios de nombres italianos, está en los aperitivos, está en las Volturno para el café corto y fuerte. Está.

[…] tangoron-trano dimy izay toerana fisakafoanana sy ara-kolontsaina itampizaràna sy anehoana ny maha-Italiana. Efa vinavinain'ireo mpampiroborobo azy sahady ny hametraka andohalambo eo amin'ny kihon'ny Arévalo sy Gorriti, ao Palermo tsy lavitra an'i Buenos Aires.

Sarotra faritana ny maha-Italiana ao Arzantina satria vitany ny niely tany anatin'ny fiarahamonina rehetra tany, satria tsy hita hofihazana ary eny amin'ny toerana rehetra eny. Hitantsika izy io ao anatin'ireo teny nafangaro amin'ny lunfardo, hitantsika ao anatin'ny soatoavin'ny fianakaviana sy ny namana, any anatin'ny fomba fahandro nolovaina sy navadika ho Arzantina, any anatin'ny vohitra tsirairay ao Buenos Aires any amin'ireo toerana fivarotana mitondra anarana Italiana, any anatn'ireo zavapisotro fandroso mialoha ny sakafo, any anatin'ny Volturno ho an'ny kafe mahery. Eo izy.

Tany am-boalohany dia tenin-jatovo ny “Lunfardo”, nampiasain'ireo sarangan'ny mpiasa tao Buenos Aires, ary taty aoriana ny sasany tamin'ireo teny sy fehezanteny dia nampidirina ho ao anatin'ny fiteny espaniola malaza any Arzantina sy Orogoay.

Daty manana ny lazany manokana ny 20 Septambra ho an'ireo Italiana, na ao an-toerana na any ivelany. Tamin'io andro io, ny taona 1870, ny andian-tafika Italiana no nahavita nanambatra ny firenena ho iray rehefa nandresy ny Fanjakàna Papaly teoambany fitantanan'i Papa Pius IX. Tato anatin'ny taona telo farany, ho fanomezana voninahitra io hetsika io, miaka-tsehatra ireo Italiana-Arzantina ao Buenos Aires ary mankalaza ny fetibe “Al Dente!”.

Nizara saripika avy amin'ny fankalazàna natao tamin'ny 2015 ny sasany amin'ireo mpampiasa Twitter.

Toy izao no niainanay ny Fetibe Al Dente ary milaza zavatra betska aminao ny ArgNoticias. Miandry anareo indray izahay amin'ny taona manaraka!

Toy izao no nandanianany ny fotoanan'ny Fetibe Al Dente.

Vahoaka marobe. Mahavariana ny fahombiazana azo tao anatin'ny andiany telo monja.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.