Sora-baventy nandritra ny diabe manohitra ny Birao Mpanaramaso ny Tetibola tao San Juan, Portô Rikô, izay mivaky hoe, “Birao Mpanaramaso ny tetibola, fanandevozana ny zanatany.” Nahazoana alalana ny sary.
Tamin'ny Alahady 1 Mey, Andro Iraisampirenena ho an'ny asa, olon-tsotra, sendika sy vondrona ara-politika isan-karazany no nikarakara diabe goavana manohitra ny tolo-kevitry ny Kongresin'i Etazonia hametraka Birao Federaly Mpanaramaso ny Tetibola miaraka amin'ny fahefana goavana ao Pôrtô Rikô.
Miatrika krizy ara-bola mafy ny nosy, izay faritany tsy natambatra tamin'i Etazonia. Nanambara ny governoran'i Portô Rikô, Alejandro García Padilla fa tsy namoaka ny vola $ 422 tapitrisa handoavana trosa tokony naloa tamin'ny Alatsinainy 2 Mey ny tenany tamin'io andro io. Amin'ny 1 Jolay ny fe-potoana farany fandoavam-bola. Eo ho eo amin'ny 72 dolara lavitrisa eo ny fitambaran'ny trosam-panjakana ao amin'ny firenena.
Milaza ny tsikera, ankoatra ny zavatra hafa, fa hifantoka amin'ny fandoavana ny volan'ireo tompon-trosa ny Birao Federaly Mpanaramaso ny Tetibola fa tsy hametraka fepetra hampandrosoana ny toekarem-pirenena, ary fitaovana iray hafa amin'ny fanarahamaso sy fitsabahan'ny mpanjanaka izany. Tsy hamela an'i Pôrtô Rikô hanavao ny trosany na hanova ny zava-misy izany fa tsy afaka misitraka tombontsoa amin'ny Lalàna Amerikana momba ny fahafatesan'orinasa ny nosy. Nitarika ny fifindramonin'ireo Pôrtô Rikana marobe ny fitontongan'ny toekarena ankehitriny noho ny fiakaran'ny vidim-piainana sy ny tsy fisian'ny asa.
Ny Foiben'ny Toekarena Vaovao, fikambanana mahaleotena, tsy mitady tombontsoa sy tsy mitanila, izay mifantoka amin'ny fampiroboroboana ny politika ara-tsosialy-toekarena ho an'i Pôrtô Rikô, dia nanolotra Lalàna Fandraisan'andraikitra Ara-ketra ho vahaolana:
Una Ley de Responsabilidad Fiscal, impulsada y manejada localmente, que busque reformar las instituciones clave y adopte una regla fiscal bien diseñada puede no solamente transformar la posición fiscal de Puerto Rico sino que puede a la vez introducir reformas de gobernanza que aseguren la solvencia y sostenibilidad fiscal del gobierno en el largo plazo. Una Ley de Responsabilidad Fiscal atiende las preocupaciones legítimas del gobierno federal y los reparos políticos que han surgido en la isla alrededor de la propuesta para una junta de control fiscal.
Tsy hanova ny sata ara-ketran'i Pôrtô Rikô ihany, ny Lalàna Fandraisan'andraikitra Ara-ketra nanaovana fanentanana sy notantanina tao an-toerana, izay mikendry hanitsy ireo rafi-panjakana lehibe sy handray fitantanana ara-ketra tsara volavola, fa hampiditra fanitsiana ara-pitantanana ihany koa hiantohana ny fahafahana mandoa hetra sy ny fahamarinan-tenan'ny fitondrana ao anatin'ny fotoana maharitra. Ny Lalàna Fandraisan'andraikitra Ara-ketra dia mamaly ireo ahiahy ara-dalàna eo amin'ny governemanta federaly sy ny tsikera ara-politika izay nipongatra tao amin'ny nosy noho ny tolo-kevitra hametrahana birao mpanaramaso ara-bola.
Indreto sary sasany tamin'ny fihetsiketsehana manohitra ny birao mpanaramaso ara-bola tamin'ny 1 Mey, izay nozaraina tao amin'ny haino aman-jery sosialy:
Mpanao fihetsiketsehana milanja sora-baventy mivaky hoe “Hidiran-trosa ny hoavinay.” Sary nahazoan-dalana.
Fihetsiketsehana eo anoloan'ny Lapaben'ny tanànan'i Pôrtô Rikô. Nahazoan-dalana ny sary.
Mpanao fihetsiketsehana ao anatin'ny tsenambarotra Plaza Las Américas. Nahazoan-dalana ny sary.
