[1]Ankoatra ny loka Pulitzer , nahazo ny loka Grammy ny Hamilton ho an'ny rakikira tantara mozika tsara indrindra tamin'ny volana Febroary. Sary avy amin'ny lahatsary.
Mavitrika tamin'ity herinandro ity ny gazety sy ny media sosialy Pôrtô Rikana tamin'ilay vaovao hoe nahazo ny loka mamirapiratra Pulitzer farany tamin'ny karazana tantara [2] miaraka amin'ny mozikany Hamilton [3], izay noforoniny sy nosoratany i Lin-Manuel Miranda.
Ny tantara mozikaly dia mifototra amin'ny tantaram-piainana nosoratan'i Ron Chernow momba an'i Alexander Hamilton, izay nifindra monina avy any Karaiba ho any Etazonia ary avy eo niasa ho mpitahiry vola voalohany tao amin'ny firenena taorian'ny nahazoany ny fahaleovantenany tamin'ny Britanika. Miranda no Porto Rikana faharoa nandray izany voninahitra (loka) izany, raha i Quiara Alegria Hudes [4] no voalohany amin'ny piesiny “Rano avy amin'ny Sotro” tamin'ny 2012.
Nahombiazana tokoa tao Broadway ny tantara mozikaly, izay nahazoany dera avy amin'ny tsikera sy ny mpijery. I Lin-Manuel, izay nahazo ny loka Tony tamin'ny taona 2008 tamin'ny tantara mozikaliny “In the Heights,” [Eny amin'ny Avo] ary nantsoin'ny gazetiboky Time ho iray amin'ireo olona tena manankery [5] nandritra ny taona . Nanoratra toy izao momba azy ny Mpamokatra sarimihetsika J.J. Abrams [6] tao amin'ny Time:
Lin-Manuel Miranda conceived, wrote, and stars in this breakthrough masterpiece, cementing his place as one of the most miraculous creative minds of our time. Like Alexander Hamilton, Miranda is a powerful reminder that greatness comes from unlikely places. His Puerto Rican parents’ collection of Broadway-musical records was as strong an influence during his New York City upbringing as the hip-hop he would come to love. There is no recipe for genius, but one can see the disparate elements that Miranda has miraculously seized and synthesized, embraced and celebrated, to create something profoundly moving and wholly original. He has redefined the musical and made us see anew the origins of the remarkable experiment called democracy.
Namolavola, nanoratra i Lin-Manuel Miranda ary nahazo kintana tamin'ity sangan'asa mahomby ity, ary manamafy ny toerany ho iray amin'ireo famoronana mahagaga indrindra amin'izao fotoana. Toa an'i Alexander Hamilton, fampahatsiarovana lehibe i Miranda fa ny fahatsarana dia avy amin'ny toerana tsy ampoizina. Nanana ny akony tao aminy ny firaketana ny rakikira mozikaly an'ny ray aman-dreniny Porto Rikana tao Broadway nandritra ny nanabeazana azy tao New York City raha lasa nankafiziny ny hip-hop. Tsy misy fomba fahandro ho an'ny manam-pahaizana, nefa hitan'ny tsirairay ny singa misaratsaraka izay voafihina sy voahodin'i Miranda amin'ny fomba mahagaga, nofehezina sy nankalazain'i Miranda hamoronany zavatra mampihetsi-po lalina, ary orizinaly tanteraka . Voafaritra indray ny tantara mozikaly ary voaseho amintsika indray ny niandohan'ny ny fanandramana miavaka antsoina hoe demokrasia.
Luis Gutierrez mpikambana ao amin'ny kongresy Amerikana ho an'ny fanjakan'i Illinois , izay manana fihaviana Pôrtô Rikana , nanao izao fanamarihana manaraka izao rehefa nitafa tamin'i Amy Goodman tao amin'ny fantsom-baovao tsy miankina Democracy Now [7]! Nitodika tamin'ny “Lafiny Andrefan'ny Tantara” izy, izay tantara mozikaly sy sarimihetsika mampifanohitra andian-jiolahy ao New York City tamin'ny taompolo 1950:
Isn’t it a difference when we get to write the scripts for the Broadway plays? The depiction in West Side Story [8] of me and fellow young Puerto Ricans, and today the depiction of us as a community when we get to write the scripts, it’s very, very different. I’m so proud that I live in both the America in which a West Side Story showed us as gangbangers, as foreigners, as people that weren’t from here, and someone who writes about the history of the United States, Hamilton, in a way that all Americans celebrate.
Tsy fahasamihafana ve izany rehefa manoratra ny tantaran'ny piesin'ny tao Broadway ? Ny fanehoana Ny Lafiny Andrefan'ny Tantara [8] ilay ahy sy an'ny tanora Porto Rikana, ary ankehitriny ny famariparitana anay ho fiaraha-monina rehefa nanoratra ny tantara izahay, dia tena, tena hafa tanteraka. Mirehareha tokoa aho fa sady miaina ao Amerika izay asehon'ny Lafiny Andrefan'ny Tantara amintsika mampiseho anay ho jiolahimboto mpanao adim-borontsiloza, ho vahiny, ho olona izay tsy avy ao, ary olona izay nanoratra momba ny tantaran'i Etazonia, Hamilton, tamin'ny fomba izay ankalazan'ny Amerikana rehetra azy.
Tamin'ny famoahana Diálogo an'ny Oniversiten'i Puerto Rico, niteny ankolaka ny faha-tsizarizarin'ny toekarena sy ny hetran'ny governemanta i Ana Garcia Roman raha misaintsaina hoe ahoana no handraisana tsara ny vaovao toa izao [9]:
En un momento en el que las cosas en la Isla se tornan un poco grises, levantarse con noticias como esta, le sube el ánimo a cualquiera.
Amin'ny fotoana miharatsy ny zavatra eto amin'ny Nosy, manome hery ny olona rehetra ny mifoha amin'ny vaovao tahak'izany.
Azo antoka, tena fanefitra mahafinaritra manoloana ny toe-draharaha ara-toekarena izay iainan'i Puerto Rico ny zava-bitan'i Lin-Manuel Miranda, ary afaka mirehareha amin'izany ny Porto Rikana rehetra. Amin'ity herinandro ity, farafahakeliny, misy tantara izay mampahatsiahy ny Porto Rikana ny zavatra mety ho vitany eo amin'ny pejy voalohany amin'ny gazety ao an-toerana .