Nanao fihetsiketsehana manohitra ny politikan'ny herisetra ara-nofo tao amin'ny Oniversiten'i Rhodes (RU) ao Grahamstown ny mpianatra mampiseho tratra ao Afrika Atsimo. Niato noho ny fihetsiketsehana avokoa ny asa fampianarana rehetra.

Ny lisitra antsoina hoe “RU Reference List” [Lisitra Fampitahan'ny Oniversiten'i Rhodes] izay nivoaka tao amin'ny media sosialy mba hanome anarana sy hanala baraka olona 11 noahiahiana ho mpanolana tao amin'ny oniversite no niteraka ny hetsi-panoherana . Nisioka tamin'ny diezy toy ny #NakedProtest, #RUReferenceList ary #RapeCulture ireo mpanao hetsi-panoherana sy ireo mpanohana azy  dia nibitsika tamin'ny tenifototra toy ny hoe #HetsikaMiboridana , #RUTsiahyLisitra sy #KolontsainaFanolanana . Nandrahona ny hanakatona ny anjerimanontolo ny mpianatra, raha tsy azony ny fitakiany ny fanavaozana ny politikan'ny fanolanana ao amin'ny oniversite, ny fanovana ny famaritana ny atao hoe fanolanana, ny fanesorana ny porofo be dia be avy amin'ny niharam-boina, ny fiofanana saropady tsy maintsy hataon'ny mpiasa ary ny fampiatoana ireo 11 voalaza fa mpanolana.

Fitakiana hafa koa ny fialan’ ireo mpanadina ao amin'ny oniversite, Gordon Barker sy Sarah Driver, ny fananganana vondron'asa manokana hanadihady ny herisetra ara-nofo, ny fanatanterahana ny fandraràna ireo mpanao herisetra ara-nofo tsy hilatsaka ho solontenan’ ny Vaomieran'ny Mpianatra, ary ny tsy fanasaziana ny mpianatra amin'ny asa fifampifehezana noho ny fanaovana hetsi-panoherana.

Nilaza koa ny mpianatra fa ny politikan'ny fanolanana amin'izao fotoana izao ao amin'ny oniversite dia mitaky amin'ireo niharam-boina mba hanaporofo fa mitady hanolana azy ireo ny nahavanon-doza ary tsy misy afa-tsy iray ihany ny Mpiandraikitra misahana ireo fanohintohinana sy fanararaotana ary herisetra.

Nampiasa baomba mandatsa-dranomaso sy grenady mankarenintsofina tamin'ny mpanao fihetsiketsehana ny polisy ary nisambotra mpianatra telo . Nentina teny amin'ny hopitaly ny mpianatra  iray rehefa narary noho ny fikoropahana.

Naneho ny heviny manoloana ny fihetsiky ny polisy manohitra ny mpianatra i Saya Pierce-Jones ka nanoratra hoe:

:””(
“Mommy, they are shooting us because we don't want to get raped anymore”#RUReferenceList#RhodesShutDown pic.twitter.com/cgoOiUqtfd

— Saya Pierce-Jones (@saya_pj) April 20, 2016

:””(
“Mama a, notifirin'ireo izahay satria tsy te-ho aholana intsony” #RUReferenceList#RhodesShutDown pic.twitter.com/cgoOiUqtfd

 Ny Lisitra Fampitahan'ny Oniversiten'i Rhodes

Nanangana  ekipa tompon'andraikitra maro ny anjerimanontolo hanavao ny politikan'ny fanolanana ao an-toerana, hoy ny Mpiadidy Lefitra Sizwe Mabizela ao amin'ny Oniversiten'i Rhodes .

Nahatonga ny  adihevitra hoe ahoana ny fomba hiatrehan'ny Oniversite ny fanolanana sy ny fanararaotana ara-nofo ao amin'ny anjerimanontolo ny antsoina hoe “Lisitra Fampitahan'ny Oniversiten'i Rhodes” izay nanome aingam-panahy ny hetsi-panoherana. Nandresy lahatra ireo mpanao hetsi-panoherana sy ny mpanohana azy ireo fa ny fizarana ilay lisitra no vokatry ny tsy  fandraisana ny fanolanana ho zava-dehibe ao amin'ny oniversite, ka nilaina tsy maintsy natao ny fihetsiketsehana hampisy fiovana.

Fa niteraka tosi-bohontanana manerana an'i Afrika Atsimo ny lisitra sy ny vokatry ny hetsi-panoherana, Afrika Atsimo izay mitsipaka ny maha ara-drariny ny fitarainan'ny vehivavy, na mahatsapa fa voampanga ho nanolana avokoa ny lehilahy rehetra .

Sad thing about #RUreferencelist , is that innocent man will suffer humiliation as a result of a few scornful women.

— Lesego Nkoana (@boltbolaya) 18 de abril de 2016

Zavatra mampalahelo amin'ny Lisitra Fampitahan'ny Oniversiten'i Rhodes ny fanalam-baraka ataon'ny vehivavy mpirehareha vitsivitsy amin'ny lehilahy tsy manantsiny

The Rhodes University #NakedProtest was intended for good..but why are all man projected as rapists whenever women get raped

— PervySage (@Narrator1011) April 21, 2016

Noheverina ho nitadiavana soa ny Fihetsiketsehana mitanjaka tao amin'ny Oniveriten'i Rhodes ..nefa nahoana ny lehilahy rehetra no natao hoe mpanolana rehefa voaholana ny vehivavy

Fiampangana tsy fahamaontinana

Tonga amin'ny fiarovana ny mpianatra  nanao fanoherana mitanjaka ny sasany amin'ireo mpisera Twitter taorian'ny nitsikeran'ny Afrikana Tatsimo sasany azy ireo ho tsy maontina.

Lindiwe Mazibuko,  mpitarika ny mpanohitra teo aloha ao amin'ny parlemanta ao Afrika Atsimo, nilaza hoe:

Saddened by some responses to #NakedProtest. People talking about “indecency” and such. Where are you when indecency of rape needs policing?

— Lindiwe Mazibuko (@LindiMazibuko) April 20, 2016

Nalahelo tamin'ny valinteny sasany manoloana ny hetsi-panoherana mitanjaka. Olona miresaka “tsy fahamaontinana” sy ny tahaka izany. Taiza ianareo rehefa nilaina fanaraha-maso ny fanolanana tsy maontina ?

Raha niteny Yvette hoe:

Some men are all about receiving nudes but cringe when women own their bodies for a cause of their own. We see you.#nakedprotest

— Yvette (@Yvette_Aloe) April 20, 2016

Nisy lehilahy sasany tia mandray fiboridanana nefa nihemotra rehefa nampiasain'ny vehivavy ho amin'ny antony manokana izany. Hitanay ianareo. Hetsi-panoherana mitanjaka.

Nanontany i Beey:

why does a woman willingly showing her skin offend you, but violence committed against her doesn't? #nakedprotest

— beey. (@beeyroyce) April 19, 2016

Maninona no manohina anao ny vehivavy  manana finiavana hampiseho ny vatany, nefa ny herisetra nihatra taminy tsy mampaninona anao? hetsi-panoherana mitanjaka.

Nanontany tena ny mpisera iray hafa:

South African Law is funny… how can #NakedProtest = indecency, yet anyone in traditional attire is not, police are bored

— iStarring (@Vuyisani) April 20, 2016

Mampihomehy ny Lalànan'i Afrika Atsimo… maninona hetsi-panoherana mitanjaka = tsy maontina, anefa tsy mampaninona na iza na iza ny miakanjo nentim-paharazana, leo ny polisy

Mamela ny vehivavy hampiseho tratra ny fiakanjo nentim-paharazana Afrikana sasany  .

Grootman'bae nanoratra hoe:

Never use to get why my dad was over protective wen it came to my sister until i grew up and learnt we live amongst animals #RhodesShutdown

— Grootman'bae (@lethu_Hadebe) April 20, 2016

Tsy nahalala mihitsy aho hoe nahoana ny dadako no saro-piaro fatratra rehefa nanao toy izany ny anabaviko raha tsy rehefa lehibe aho vao nahafantatra fa miaina miaraka amin'ny biby isika #RhodesShutdown

Anisan'ireo mpianatra mpitarika hetsi-bahoaka ao Afrika Atsimo mihamahazo laza ny mpianatra ao amin'ny Oniversiten'i Rhodes tato anatin'ny volana maromaro. Matetika karakaraina amin'ny alàlan'ny  fitaovana media sosialy ireo hetsi-panoherana. Anisan'izany ny hetsika hafa #RhodesMustFall , #FeesMustFall ary #AfrikaansMustFall .