Bilaogera ao Malayzia miomana amin'ny fisoratana anarana araka ny baikon'ny fanjakana. Sary namboarin'i Kevin Rothrock.

Nanolotra volavolan-dalàna ho an'ny Mpampanoa Lalàna ny Minisiteran'ny Fifandraisana sy ny Mediamarolafy ao Malayzia, izay mitaky ny bilaogy ara-politika sy ny vavahadim-baovao antserasera mba hisoratra anarana any amin'ny governemanta. Nolavin'ny Minisitra Salleh Said Keruak ny filazana fa mitovy amin'ny sivana ilay lalàna, nilaza izy fa natao mba hiarovana ny aterineto ho fitaovana ho an'ny fampiroboroboana ny fampandrosoana ara-toekarena ao Malayzia ny tolo-dalàna, ary natao hiarovana ny firenena manoloana ny fizarazarana anatiny ateraky ny vaovao diso mivoaka amin'ny aterineto, hoy izy.

Niampanga ny tolo-kevitra ho famerana ny fahalalahana maneho hevitra ireo vondrona mpiaro ny zon'olombelona sy ny mpiaro ny fahalalahan'ny media, milaza fa mamadika ny fampanantenana teo aloha nambaran'ny governemanta fa hampiroborobo ny fahalalahan'ny aterineto ny zava-misy.

Milaza ireo mpitsikera ny antoko politikan'ny fitondrana ao Malayzia fa ny fanerena ny bilaogy ara-politika hisoratra anarana any amin'ny fanjakana dia midika fanampenam-bava ny mpanohitra. Nanomboka tamin'ny taona lasa, niady tamin'ny fanafintohinana kolikoly izay niteraka fihetsiketsehana goavana manerana ny firenena ny governemanta. Ny mpiserasera, anisan'izany ny bilaogera no tena anisan'ireo feo mpitsikera indrindra ny  praiminisitra, miampanga azy ho mahazo harena tsy ara-drariny tao anatin'ny varotra marobe mampiahiahy. Efa nanakatona tranonkalam-baovao vitsivitsy ny mpanivan'ny fanjakana noho ny fitateram-baovao momba ny olan'ny kolikoly izay lazaina fa ”tsy voamarina”.

Mampatsiahy ny fanehoan-kevitra vao haingana nataon'ny minisitry ny fifandraisana ireo bilaogera marobe miahiahy momba ny volavolan-dalàna, fanehoan-kevitra izay nilaza fa tombontsoa ny fahalalahan'ny aterineto, fa tsy zo, ary zavatra azon'ny governemanta saronana :

…freedom of speech and the expressing of one’s opinion is almost taken for granted. What we sometimes forget, however, is that this must be treated as a privilege rather than an absolute right. And privileges, if abused, can sometimes be withdrawn.

Saika raisina ho toy ny zo ny fahalalahana miteny sy fanehoana ny hevitry ny tena. Ny adinontsika indraindray, na izany aza, dia tsy maintsy raisina ho tombontsoa izany fa zo feno. Ary izany tombontsoa izany, raha ihoarana, dia mety ho esorina indraindray.

Mandritra izany, nampiasa ny diezy #BiarlahBlog  (Avelao ny Bilaogy) ny mpitsikera tao amin'ny Twitter, manohitra ny fisoratana anarana tsy maintsy ataon'ny bilaogy ara-politika ao Malayzia. Milaza ireo mpanohitra ny lalàna fa tsy mamaritra ny tena atao hoe “bilaogy ara-politika” ny tolo-kevitra ary mampitandrina fa mety hanimba tanteraka ny fampiasana ny aterineto ao Malayzia ny fameperana ny vaovao. Miantso ny governemanta ny mpisera Twitter mba hamerina handinika indray ny drafitrasany, ka hanatontosa fakàn-kevitra alohan'ny hanitsiana lalina kokoa ny tolo-kevitra.

Ireto ambany ireto ny sasany amin'ireo teboka nomarihan'ny mpikatroka, mpanao gazety, mpisolovava, mpampianatra mikasika ny zavamisy:

Clearly we have a problem with the definition of “blog” and even “political content”. Can the govt weave such a huge net? #BiarlahBlog

— CIJ Malaysia (@CIJ_Malaysia) April 21, 2016

Mazava tokoa fa manana olana amin'ny famaritana ny atao hoe “bilaogy” sy ny “votoaty ara-politika” isika. Afaka manenona harato [net] goavana tahaka izao ve ny governemanta?

My blog has information about birds. Birds in forest. Forest being cut down. We protest. My bird blog is political #BiarlahBlog

— Gayathry V (@gayathry) April 21, 2016

Manana vaovao momba ny vorona ny bilaogiko. Vorona any an'ala. Ala nokapaina. Manohitra izahay. Ara-politika ny bilaogiko mpiresaka vorona.

Registration will force removal of anonymity – key to expression, esp by vulnerable communities. Big violation #BiarlahBlog @CIJ_Malaysia

— jac smk (@jhybe) April 21, 2016

Hanery ny fanesorana ny fanafenana anarana – fanalahidin'ny fanehoan-kevitra, indrindra ny vondrom-piarahamonina marefo ny fisoratana anarana, Fanitsakitsahan-dalàna goavana.

#BiarlahBlog can’t understand motivation. Surely we also have existing laws to protect from defamation etc. sounds politically-motivated.

— Niki Cheong (@nikicheong) April 21, 2016

Tsy mahatakatra ny fahavononana ny #BiarlahBlog. Azo antoka fa manana lalàna miaro amin'ny fanalam-baraka sns isika. toa misy antony ara-politika.

We already have rules in place to handle ‘sedition’ & libel so why add more hoops to jump through? #BiarlahBlog

— Erna Mahyuni (@ernamh) April 21, 2016

Efa manana fitsipika mipetraka mifehy ny “fikomiana” sy ny fanalam-baraka isika koa nahoana no mbola manampy zavatra bebe kokoa itsambikinana ihany?

Govt should focus on good governance, not whether political blogs, websites are bad mouthing them. #BiarlahBlog

— Eric Paulsen (@EricPaulsen101) April 21, 2016

Tokony mifantoka amin'ny fahaiza-mitantanana ny governemanta, fa tsy any amin'ny bilaogy ara-politika, [sy] tranonkala mitsikera azy ireo.

How am I going to encourage my students to write if every single word is being watched? #BiarlahBlog

— Ying Hooi (@khooyinghooi) April 21, 2016

Ahoana ny fomba andrisihako ny mpianatro mba hanoratra raha arahi-maso tsirairay ny isan-teny?

Mere words may result in blocked sites if political blog registration prevails.Upping the ante to suppress #foe unacceptable #BiarlahBlog

— AI Malaysia (@AmnestyMy) April 21, 2016

Mety hiteraka fanakatonana tranonkala ny teny tsotra raha manjaka ny fisoratana anaran'ny bilaogy ara-politika. Mitombo ny fanafoanana ny fahavalo tsy azo ekena.