Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mpikatroka LGBT Nosamborina Nandritry Ny Diaben'ny Taombaovao Bengali, Navotsotra Taty Aoriana Kely

Spread Love, Not Hatred. Image Courtesy Roopbaan Facebook group

Aelezo ny fitiavana, fa tsy ny fankahalàna. Sary natolotry ny pejy Facebook Roopbaan

Ny 14 Aprily teo, nitazona mpikatroka LGBT efatra ny polisy tao Bangladesh rehefa niseho tamin'ny diabe iray niaraka tamin'ny Mongol Shobhajatra izy ireo, fitanjozorana marevaka ho fankalazàna ny Pahela Baisakh, taombaovao Bengali.

Hatramin'ny 2014, ny sasany amin'ireo mpikambana amin'ny vondrompiarahamonin'ireo vehivavy mifanambady, lehilahy mifanambady, ireo manana taovam-pananahana roa sy nanova taova (LGBT) dia nanomboka nandray anjara tamin'ireo fety fankalazàna ny Taombaovao, taminà diaben'ny fireharehàna, dingana iray feno fahasahiana ho an'ireo vitsy an'isa matetika haratsiana. Tambajotra iray atao hoe  Boys of Bangladesh (BoB), toerana tena ifaneraseran'ireo Bangladeshi pelaka amin'ny alàlan'ny media sosialy, no tambajotra midadasika indrindra mitolona ho an'ny zon'ireo LGBT ao  Bangladesh hatramin'ny 2009.  Nikarakara hetsika marobe nifandray tamin'ny resaka fiarovana ny zon'ireo LGBT ry zareo tao amin'ny renivohitr'i Bangladesh, isan'izany ny famoahana ny gazetiboky voalohany ho an'ny LGBT ao Bangladesh, antsoina hoe Roopbaan, izay natomboka tamin'ny 2014.

Bangladesh, firenena iray izay Miozolmana no betsaka ao aminy, dia manameloka ny fifanambadian'ny olona roa mitovy taova. Ny lalàna manohitra ny firaisana amin'ny lavabody napetraka tamin'ny vanimpotoana fanjanahan'ny Britanika dia manasazy ny firaisan'ny pelaka, fandoavana sazy vola sy famonjàna folo taona na mandrapahafaty.

Faran'izay tena mailo ny polisy satria ireo vondrona ara-pinoana henjam-pihevitra dia nametraka ny fety fankalazana ny taombaovao Bengali ho tsy mifanaraka amin'ny maha-Silamo ary Haram (zavatra voaràra). Mihatra manokana io ho an'ny fitanjozoran'ny Mongol Shobhajatra, izay anaovana ny fombandrazana fitondràna ireo sarontava na endrika biby famantarana.

Tanaty fanambaràna iray nalefa tamin'ny imailaka, nolazain'ireo mpikarakara tamin'ny Global Voices fa tamin'ity taona ity izy ireo dia nikarakara famoriambahoaka iray nomeny anarana hoe “Boishakh, Boichetra sy Bandhutta” (Boishakh, Fahasamihafàna sy Finamànana). Kanefa, naharay fandrahonana vitsivitsy avy amin'ireo vondrona sasany ry zareo izay nilaza ny hetsika Bob sy Roopbaan ho toy ny “fivorian'ny pelaka” ary nandrahona ny hidaroka ireo mpandray anjara amin'ilay famoriambahoaka. Ny alin'ny 13 Aprily, nangatahan'ny polisy izy ireo mba hanafoana ilay famoriambahoaka ho an'ny tombontsoan'ny be sy ny maro sy ny filaminana amin'ny Pohela Boishakh, indrindra fa ry zareo no ho lasibatra. Nanaiky izy ireo ary nanafoana ilay famoriambahoaka, nilaza tamin'olona maro araka izay tratrany.

Ny 14 Aprily, nanatevina ny Mongol Shobajatra ny marain'iny ny ankamaroan'ireo mpikambana amin'ny vondrompiarahamonina BoB, tsy nanao sarontava, na marika famantarana na kipitsopitsony, ary samy niala rehefa vita ilay famoriambahoaka. Saingy nanodidina ny tamin'ny 11 ora maraina, ren'izy ireo fa nitàna olona dimy ny polisy, noho ny filazana azy ireo ho nanao fitondrantena nampiahiahy sy ny filazana azy ireo ho nanandrana hanatanteraka fivorian'ny pelaka. Nandeha tany amin'ny paositry ny polisy tao Shahbag ry zareo ary nahita fa nitazona olona efatra ny polisy ary namotsotra iray. Taty aoriana kely, iny hariva iny, dia nampanantsoin'ny polisy ny havan'izy ireo ho avy any amin'ny tobin'ny polisy haka azy ireo. Nolazain'izy ireo tamin'ny resaka an-telefaona tamin'ireo ray aman-dreny ary mivantana fa pelaka ny zanakalahin'izy ireo ary niezaka ny hanao famoriambahoaka.

-Antony, tena zavadoza dia zavadoza tokoa ho an'ny natiora sy ny olombelona rehetra ny lokon'ny avana

Ny Desambra 2014, naboraky ny fandalinana iray nataon'ny Boys of Bangladesh sy ny Roopbaan fa miaina anaty tahotra ireo vehivavy mifanambady, ireo pelaka ary ireo manana taovampananahana roa ao Bengladesh. Misy 751 ireo nilaza tena ho pelaka namaly tao anatin'ilay fandalinana. Maherin'ny 50% no nilaza fa miaina tahotra tsy tapaka izy ireo noho ny fironany ara-pilàn'ny nofo ary  25.8% monja tamin'ireo namaly no nilaza fa niaina fanavakavahana. Maro no nilaza fa, na tsy mahafantatra, na tsy afaka mahazo fanohanana araka ny lalàna ry zareo.

Tsy ela akory izay i Tanvir, mpandrindra ny vondrompiarahamonina, no niteny tao anaty tafatafa iray tamin'ny pejin'ny Pink, gazetibokin'ny indiana LGBT, ny fomba fijerin'ny fiarahamonina Bangladeshi ny olona LGBT:

Manaiky ny maha-natoraly ny fifanambadian'ny olona roa mitovy taova ireo olona notezaina tanaty fiarahamonina na olona nianatra tany andrefana, saingy ny matetika mitranga dia tsy ny tsirairay any an-dakolasy na any amin'ny toeram-piasàna no manaiky ny fifanambadian'ny olona mitovy. Amin'io tranga io dia tsy mahazo aina handeha hivoaka izany ny olona, ary io dia mitazona ny dingana manontolon'ny fanekena hihemotra indray. Tsy hita ireo vehivavy mifanambady ao anaty fiarahamonina na dia misy vondrona kely efa niasa nandritry ny fotoana elabe aza. Hita kosa ireo nanova taova saingy ny olona sy ny media matetika no mivazivazy momba azy ireny izay raha ny marina dia vazivazy ratsy. Raha ny fomba fijeriko, mitombo ireo manana taovam-pananahana roa any amin'ireo tanandehibe saingy tsy misy voka-pikarohana momba azy io aloha hatreto. Ambonin'izany rehetra izany, leferin'ny fiarahamonna ilay izy rehefa tazoninao ho anao manokana any, ary manaraka ny fameperana sosialy, izany hoe manorin-tokantrano!

Hetsika iray hafa ho fampahafantarana ny zon'ireo LGBT ao amin'ny firenena ny bilaogy Mukto-Mona an'ireo Bengali mpijery ny maha-olona sady mpisaina malalaka, izay mamoaka tsy tapaka lahatsoratra amin'ny teny Anglisy sy Bangla.  Ilay bilaogera nisy namono sady mpanorina ny Mukta-Mona, Dr. Avijit Roy, dia namoaka boky iray tao Bangladesh momba ny fifanambadian'ireo olona mitovy taovam-pananahana, voalohany amin'ny karazany, izay niezaka ny nitondra fijery siantifika sy famaritana azo raisina momba ny fifanambadian'ireo olona mitovy taovam-pananahana noho ny antony samihafa.

Tamin'ny Septambra lasa teo no natomboka nalefa ny Dhee, tantara mahatsikaikin'ny vehivavy iray mitia vehivavy, voalohany indrindra teo amin'ny firenena. Nahasarika olona maro ny hetsika BoB ary tety anaty Facebook no tena tambajotra nielezany.

Ekena ny maha-samihafa. Miaraha aminay amin'ny 9 Aprily hanao hetsika iray fanentanana

Fifanakalozankevitra momba ny Maha-Lahy sy Vavy, Fananahana & Herisetra noho ny maha-Lahy na Vavy ao amin'ny #AnjerimanontoloDhaka (fanabeazana & Fanoroana hevitra #Psikolojia)

Na izany aza anefa, taorian'ireo fisamborana, maro tamin'ny pejin-dry zareo tamin'ny media sosialy no tsy afaka nidirana intsony, betsaka no azo antoka fa nakatona.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.