Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Lahatsary Hafainganina Ahitàna Rahona Toa Ranomasina Mitety An'i Hong Kong

Screen capture from Wandering Photography's Beautiful Sea of Clouds.

Pikantsary nalaina avy tamin'ilay Beautiful Sea of Cloud  an'i Wandering Photography.

Rehefa mieritreritra momba an'i Hong Kong ianareo, dia azo antoka fa haka sary an-tsaina tanàna iray tsara voatra  ifaneraseran'ny olona samihafa fiaviana, maresaka, ary iantranoan'ireo fandraharahana iraisampirenena sy toeram-piantsenana avo lenta. Na mahasarika mpizahatany marobe aza ilay tanàna, ny ankamaroan'izy ireny tsy tonga handany andro hizaha izay mahavariana amin'ny tontolo manodidina ao aminy. Na ny ankabeazan'ny mponina ao an-toerana aza tsy tonga saina amin'ny hatsaràna natoralin'ny tanànany.

Nanokan-tena ny Wandering Photography, tarika misy mpakasary telo, hampahafantatra io lafy iray tsy dia fantatra loatra amin'i Hong Kong io, amin'ny alàlan'ny saripika sy lahatsary nohafainganina. Ny vokatra tsara indrindra avy amin-dry zareo dia lahatsary iray nohafainganina mampiseho rahona toa ranomasina avy aminà toerana enina samihafa ao Hong Kong, isan'ireny i Tung Shan, Tai To Yan, Dong Yeung Shan, Victoria Peak, Lugard Road, ary Tai Mo Shan:

Manana pejy Facebook ireo mpakasary ireo, toerana izaràn-dry zareo ny asany ho hitan'ny daholobe. Amin'ny fanolorana ny hatsaran'ny tanàna, manantena ry zareo fa ho tia sy sarotiny amin'ny taniny ireo mponina ao Hong Kong:

彈丸之地的香港,四周都是石屎森林,到處人煙稠密,然而只要用心發掘,郊野美景近在咫尺。流浪攝誠意跟各位分享最地道的山野風光,香港不但有不遜於外國的日出風景,也有閃耀的星空銀河和洶湧澎湃的雲海。

Trano mijoalajoala manaka-danintra no mamefy ilay tanàna, izay toa alan-tsimenitra. Ambony be ny hakitroky ny mponina. Nefa raha manokana fotoana ianareo hamantarana ilay tanàna, dia tena faran'izay akaiky kely ny hakanto natoralin'ny tontolony. Zarain'ny Wandering Photography amin'ny fo madio ho anao ny tontolo natoraly ao an-toerana [izay voatahiry ao anatin'reo saripika nalainay]. Eto isika dia mahita ny hakanton'ny masoandro miposaka, tsy mena-mitaha amin'ireo masoandro miposaka any amin'ny tontolo ivelany any. Ananantsika koa ny alina ravahan'ny kintana, ny faratazana mivolom-bolafotsy ary ny fitosahan'ny rahona toa ranomasina.

Betsaka ny lahatsary nohafainganna azo jerena ao amin'ny fantsona YouTube an'ny Wandering Photography.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.