Nanadihady sioka hita ara-jeografika 1,6 miliara sy diezy malaza 5.000 tao amin'ny kaontinanta Afrikanina tamin'ny tatitra fahatelo “How Africa Tweets (Ahoana Ny Fisiokan'i Afrika) [1]” ny Portland, sampam-pifandraisana iray ao Londra.
Ahitana tranga mampihetsi-po 12 mikasika ny fomba fitantaran'ny Twitter ny lohahevitra tahaka ny fampihorohoroana any Afrika, ny Ebola, sy ny fampandrosoana ara-toekarena ao amin'ny kaontinanta ny tatitra.
Nampiasa ny fitaovana fanadihadiana media sosialy Sysomos [2] ny orinasa mba hanangonana sy hanadihadiana ireo diezy malaza 5.000. Na izany aza, tsy nahavita nanangom-baovao momba an'i Sodàna Atsimo sy ny Repoblikan'i Congo izy noho ny tsy fahampian'ny tahirin-kevitra tao amin'ny media sosialy.
Nampiseho ny fikarohana nataonay teo aloha fa mihoatra lavitra noho ny sehatra ho an'ny fifandraisana ara-tsosialy na ny vazivazy ny Twitter ao Afrika. Ity fikarohana fahatelo ity, dia mampiseho fa mivoatra ny sehatra ary anjakan'ny adihevitra matotra momba ny politika sy ny fitondram-panjakana, “voalaza tao anatin'ny fanambarana an-gazety i [3] Mark Flanagan, Mpiara-miasa Voalohany amin'ny Portland mikasika ny Paikady Ara-votoaty sy Nomerika”.
Valin'ny karoka:
- Nizeria, Afrika Atsimo, Etiopia, Burundi sy Egypta no mavitrika indrindra amin'ny resaka ara-politika ao amin'ny Twitter.
- Mihoatra ny sisintanim-pirenena ny fahalianana amin'ny politika. Anisan'ireo diezy sasany malaza indrindra sy niparitaka manerana an'i Afrika ny diezy momba ny fifidianana filoham-pirenena Nizeriana sy ny ady tao Burundi.
- Ny teny anglisy no teny manjaka indrindra tao amin'ny Twitter ao Afrika. Tamin'ireo diezy malaza 5000 nohadihadianay, tamin'ny teny Anglisy avokoa ny 77%. Hita fa tsy dia be mpampiasa kosa ny teny tahaka ny Arabo sy ny Frantsay-izay 7% sy 4% avy.
- Tsy dia ampiasaina amin'ny fanentanana ara-barotra tsy tahaka ny faritra hafa eto amin'izao tontolo izao ny Twitter any Afrika.
- Ejipta no misioka betsaka indrindra amin'ireo firenena ao Afrika, izay 28% amin'ny totalin'ny Twitter hita ara-jeografika (tafakatra hatramin'ny sioka 500 tapitrisa). Nizeria (sioka 360 hita-ara-jeografika), Afrika Atsimo (sioka 325 hita ara-jeografika), Kenya (sioka 125 tapitrisa hita-ara-jeografika) ary Ghana (sioka 70 tapitrisa hita-ara-jeografika).
- Rwanda irery no firenena nanana filoha ao anatin'ireo diezy folo malaza indrindra tao amin'ny Twitter.
Nizara ny fehin-kevitra tao amin'ny Twitter tami'nny diezy #HowAfricaTweets [4] ny sioka sasany.
First cases of #Ebola [5] were being discussed on social media before any official announcement was made by WHO or others.” #HowAfricaTweets [6]
— Rosebell Kagumire (@RosebellK) April 7, 2016 [7]
Noresahina tao amin'ny media sosialy talohan'ny fanambarana ofisialy nataon'ny fikambanana ara-pahasalamana (OMS) na ny olon-kafa ny tranga voalohany [nandrenesana indray] ny Ebola
Africans were especially vocal on a handful of international events on Twitter incl Islamic State, #BlackLivesMatter [8] – #HowAfricaTweets [6]
— Rosebell Kagumire (@RosebellK) April 7, 2016 [9]
Ny Afrikanina no naneho hevitra miavala indrindra momba ireo tranga vitsivitsy iraisam-pirenena tao amin'ny Twitter, anisan'izany ny Fanjakana Islamika,
“Gabon is a French-speaking country in central Africa, but three of its top ten tweets had to do with events in Nigeria” #HowAfricaTweets [6]
— Djelissah (@Melsse) April 7, 2016 [10]
Gabon dia firenena miteny Frantsay ao Afrika Afovoany, saingy nisy ifandraisany tamin'ny tranga tao Nizeria ny telo tamin'ireo siokany folo malaza indrindra.
#howafricatweets [11]
Top five hashtags from Uganda
1. #Uganda [12]
2. #UgandaDecides [13]
3. #News [14]
4. #Latest [15]
5. #MUFC [16]— Pru Nyamishana (@nyapru1) April 6, 2016 [17]
#howafricatweets [11]
Diezy dimy malaza indrindra tao Oganda
1. #Uganda [12]
2. #UgandaDecides [13]
3. #News [14]
4. #Latest [15]
5. #MUFC [16]
The small island of Comoros had the highest level of Tweets Per Capita of 0.77 across the continent. #howafricatweets [11]
— Grace Natabaalo (@Natabaalo) April 6, 2016 [18]
Ny nosy kelin'i Komoro no nanana taha avo indrindra tamin'ny sioka isan'olona amin'ny 0.77 manerana ny kaontinanta.
Nahazo fanehoan-kevitra tsara amin'ny ankapobeny ny tatitra. Na izany aza, Mwesigwa Daniel, mpandray anjara amin'ny True Africa [19] nisioka hoe:
The #HowAfricaTweets [6] report is another a piece of cheap popularity. So much left out.
— Mwesigwa Daniel (@valanchee) April 7, 2016 [20]
Ny tatitra #HowAfricaTweets [6] dia sombiny hafa amin'ny laza mora vidy. Marobe ireo adino.
Demba Kandeh, mpanoratra [21]ato amin'ny Global Voices nahita hoe:
@reedkramer [22] @PortlandComms [23] @twitter [24] interesting findings; sounds like comparing apples n oranges, #AfricaIsNotACountry [25] #HowAfricaTweets [6]
— Demba Kandeh (@saadems) April 7, 2016 [26]
@reedkramer [22] @PortlandComms [23] @twitter [24] voka-pikarohana mahaliana; tahaka ny mampitaha paoma amin'ny laoranjy, #AfricaIsNotACountry [25] #HowAfricaTweets [6]