Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Saripika: Naparitaky Ny Polisy Ao Filipina Ireo Tantsaha Manao Fihetsiketsehana Mangata-Bary

Police and farmers face off a day before the dispersal of the protest. Source: Kilab Multimedia / Facebook

Polisy sy tantsaha mifanatrika andro iray mialoha ny fanapartiahana ny hetsi-panoherana. Loharano: Kilab Multimedia / Facebook

Roa no maty ary maro ny naratra taorian'ny nanaparitahan'ny polisy ny barazy natsangan'ny tantsaha mitaky fanampiana vary sy sakafo tao Cotabato Avaratra, faritany iray miorina any amin'ny faritra atsimon'i Philippines.

Tamin'ny herintaona, efa nampitandrina ny manampahaizana manokana fa hisedra haintany mahery vaika ny faritra maro ao Philippines vokatry ny toe-draharaha ara-toetrandro ateraky ny El Niño. Nandrisika ny governemanta izy ireo hiomana sy hanao ezaka fanalefahana hanampy ny tantsaha sy ireo sokajin'olona hafa marefo.

Ary rehefa manomboka mihamaina ny velaran-tany midadasika noho ny El Niño, dia maro amin'ny tantsaha no mahita fa tsy afa-mamokatra voan-tsakafo ampy ry zareo hamidy. Niakatra amin'izay ny tahan'ny hanoanana any amin'ny faritra ambanivohitra.

Iray amin'ny faritany mizaka indrindra ny voka-dratsin'i El Niño ny ao Cotabato Avaratra. Efa nanambara ny maha-toerana trà-doza azy ny governemantam-paritany ao aminy tamin'ny Janoary 2016, izay ahafahany mahazo vatsy hiatrehana ny loza sy ireo endrika fanampiana hafa avy amin'ny governemantam-pirenena.

Roa volana taty aoriana, nitaraina ny tantsaha tao amin'ny faritany fa mbola miandry ny anjara vary sy sakafo hafa avy amin'ny governemanta ao an-toerana ry zareo. Tamin'ny 28 marsa; mihoatra ny 5000 ny tantsaha nanapa-kevitra ny hihetsika amin'ny alalan'ny fanaovana fanoherana eny amin'ny lalan-dehibe. Nivoady izy ireo ny hijoro sy hitazona barazy iray mandra-pamoakan'ny governemanta vary amin-gony 15000 lasaka. Nangataka ihany koa ry zareo ny hamoahana avy hatrany ny vatsy hiatrehana ny loza hanampiana azy ireo hiavo-tena sy hanalefahana ny fangirifirian'izy ireo.

Rehefa tsy nahomby taminny fandresen-dahatra ny tantsaha hampitsahatra ny fihetsiketsehany ny governemanta ao an-toerana dia nibaiko ny polisy tamin'ny voalohany Aprily hanaisotra ny sakana, hanaparitaka ny fivoriana, ary hisambotra ireo mpitarika mpanao fihetsiketsehana. Herisetra no nanaraka izany, izay nitarika ny fahafatesan'ny tantsaha roa. Ny fanombanana tamin'ny voalohany no nilaza faharatrana 116 raha 87 ny isan'ny nanjavona. Hita taty aoriana ny sasany tamin'ireo notaterina ho nanjavona fa nosamborin'ny polisy.

Nalaza an-tserasera avy eo ny diezy #BigasHindiBala (Vary fa tsy bala) rehefa navitrika tamin'ny firesahana momba ny raharaha ny mpiserasera. Voatsikera ho nampiasa basy ny polisy nandritra ny fanaparitahana ny mpanao fihetsiketsehana satria fanitsakitsahana ny lalàna izany. Maro no nanontany hoe nahoana no tsy maintsy nanao herisetra ny governemanta raha nangata-tsakafo fotsiny ny tantsaha.

Nilaza ny manapahefana tao an-toerana sy ny polisy fa nibodo ny lalana tamin'ny fomba tsy ara-dalàna sy nanelingelina ny vahoaka ireo mpanao fihetsiketsehana ireo. Nanampy ny polisy fa fiarovan-tena manoloana ireo mpanao fihetsiketsehana tsy ara-dalàna ihany no nataon-dry zareo. Nikiry ny governora niteny fa efa vonona ny vary fa tsy maintsy arahina ny fombafomba fakana azy raha te-hahazo azy avy amin'ny governemanta monisipaly ry zareo.

Rehefa nitsipaka ny fangatahan'ny tantsaha ny governemanta, dia nisy ny fanentanana hanome hanome vary, izay nahatonga ireo olon-tsotra, vondron'olona ary fikambanana isan-karazany hanome fanampiana ireo tantsaha nanao fihetsiketsehana.

Mbola tsy nilaza na inona na inona momba ity raharaha ity ny filoham-pirenena hatramin'ny nisian'ny fanaparitahana tamin'ny voalohany avrily. Saingy nanambara ireo eo ambany fahefany fa hisy ny fandalinana tsy mitongilana amin'ny toe-draharaha. Nanontany ampahibemaso anefa izy ireo fandrao nisy tokoa ireo mpanetsiketsika avy amin'ny elatra havia nanamboatra ny sain'ny tantsaha hanatevin-daharana ny fihetsiketsehana.

Na izany aza, mbola tsy voavaly ny fanontaniana any an-tsain'ny maro: Mety ve ny mitifitra tantsaha noana mangataka sakafo fotsiny avy amin'ny governemanta?

A dry field in North Cotabato. Source: Tudla Productions / Facebook

Saha makiana ao Cotabato Avaratra. Loharano: Tudla Productions / Facebook

Police opened fire on protesters which killed two farmers. Firetrucks were also deployed to dismantle the protest. Source: Kilab Multimedia / Facebook

Police nitifitra ny mpanao fihetsiketsehana izay nahafatesana tantsaha roa. Nampiasaina ihany koa ny fiara mpamono afo handravana ny fihetsiketsehana. Loharano: Kilab Multimedia / Facebook

After the dispersal of the protest, farmers sought refuge in the compound of the United Methodist Church. Source: Kilab Multimedia / Facebook

Taorian'ny fanaparitahana ny fihetsiketsehana, nitady fiarovana tao amin'ny toerana midadasiky ny Fiangonana Methodista Mitambatra ry zareo. Loharano: Kilab Multimedia / Facebook

Rice donation started to arrive for the farmers who were dispersed in North Cotabato. Source: Kilab Multimedia / Facebook

Nanomboka tonga ny vary fanampiana ho an'ny tantsaha izay naparitaka tao Cotabato Avaratra. Loharano: Kilab Multimedia / Facebook

Workers in Manila held a protest in front of the national police headquarters to condemn the violent dismantling of protests in Kidapawan. Source: Kilusang Mayo Uno (May First Movement) / Facebook

Nanatontosa fihetsiketseham-panoherana teo anoloan'ny foiben'ny polisy ny mpiasa ao Manila hanameloka ny fandravana an-kerisetra ny fihetsiketsehana tao Kidapawan. Loharano: Kilusang Mayo Uno (Hetsika voalohany Mey) / Facebook

An artist depicts how police attacked protesting farmers in Kidapawan. The placard reads 'Justice for the farmers of Kidapawan'. Source: Karlo Mongaya / Facebook

Artista iray manoritsoritra ny fomba nanafihan'ny polisy ireo tantsaha nanao fihetsiketsehana tao Kidapawan. Ny fivakin'ny sora-baventy dia manao hoe ‘Hitsiny hoan'ireo Tantsahan'i Kidapawan’. Loharano: Karlo Mongaya / Facebook

Activists held a protest in front of the Philippine Consulate in San Francisco, California in the United States to show support to the Kidapawan farmers. Source: Megan Zapanta / Facebook

Mpikatroka manatontosa fihetsiketsehana eo anoloan'ny Konsilàn'i Filipina ao San Francisco, California ao Etazonia ho fanehoana fanohanana ny tantsahan'i Kidapawan . Loharano: Megan Zapanta / Facebook

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.