[1]Pikan-tsary avy amin'ny Radaran'ny Sidina [1] mampiseho ilay sidina MS181 naodina an-keriny ho ao amin'ny seranam-piaramanidina tao Larnaca ao Sipra
Piratim-piaramanidina iray no voalaza fa nanodina an-keriny ny sidina Ejypt Air teny an-dàlana avy any Alexandria ho any Kairo, ary nanery ilay sidina ho any amin'ny seranam-piaramanidina ao Larnaca tany Sipra rehefa nilaza izy fa mitondra fehin-kibo mipoaka eny aminy. Nanaraka akaiky ny vaovao araka ny fivoarany, tao amin'ny Twitter, ireo mpiserasera aterineto sy ny mpaneho hevitra.
Araka ny sioka avy amin'ny Egyptair, “efa ofisialy fa voahodina an-keriny “ilay Sidina MS181, izay nitondra mpandeha 81 tao anatiny, anisan'izany ny vahiny.
Our flight MS181 is officially hijacked. we'll publish an official statement now. #Egyptair [2]
— EGYPTAIR (@EGYPTAIR) March 29, 2016 [3]
Ofisialy fa nisy nanodina an-keriny ny sidina MS1814 . Hamoaka fanambarana ofisialy izahay izao.#Egyptair [2] — EGYPTAIR (@EGYPTAIR) 29 Martsa 2016 [3]
Nisy 12000 nandefa indray ity sioka ity tamin'ny fotoana nanoratana ity lahatsoratra ity.
Amin'ny sioka manaraka, amin'ny teny Arabo, manazava ny ao amin'ny zotram-piaramanidina :
تعرضت طائرة مصر للطيران طراز ايرباص 320 رحلة رقم 181 وعلى متنها 81 راكب و المتجهة من مطار برج العرب الى مطار القاهرة الى حالة اختطاف
— EGYPTAIR (@EGYPTAIR) March 29, 2016 [4]
Nahodina an-keriny ny zotram-piaramanidina Egyptair Airbus 181, izay nitondra mpandeha 81 tao anatiny , ary teny an-dalana avy any amin'ny seranam-piaramanidina Burj Al Arab ao Alexandria ho any amin'ny seranam-piaramanidina any Cairo
Manohy hoe:
حيث ابلغ قائدها الطيار عمر الجمل عن وجود تهديد من احد الركاب بوجود حزام ناسف فى حوزته واجبر قائدها على النزول فى مطار لارناكة بقبرص
— EGYPTAIR (@EGYPTAIR) March 29, 2016 [5]
Voarahona ilay mpanamory kapiteny Omar Al Jammal fa misy mpandeha miaraka amin'ny fehikibo mety mipoaka tao, ary nanery ilay kapiteny mpanamory izy mba hametraka ilay fiaramanidina ao amin'ny seranam-piaramanidina ao Larnaca Sipra
Ny vaovao farany milaza hoe:
Negotiations with the Hijacker result in the release of all the passengers, except the crew and four foreigners.
— EGYPTAIR (@EGYPTAIR) March 29, 2016 [6]
Niafara tamin'ny famotsorana ny mpandeha rehetra, ankoatra ireo ekipa sy vahiny efatra ny fampiraharahana tamin'ilay piraty .
Araka ny tatitry ny gazety [7] , nahitana Egyptiana, “Amerikanina valo, Holandey efatra, Belza roa, Britanika efatra, Syriana iray, Frantsay iray ary Italiana iray.” ny mpandeha.
Tsy fantatra ny zom-pirenena sy ny momba ireo mpandeha sisa .
Ilay piratin-tsidina:
Ny tatitra milaza fa i Ibrahim Samaha ilay piraty, izay nangataka fialokalofana ara-politika tany Sipra. Tsy fantatra mazava raha nanana baomba izy na tsia.
Officer on ONTV claims Ibrahim Samaha, the highjacker, 27/28 years old, was seated at 38K. Now he's praising Egypt airport security #Cyprus [8]
— Timothy E Kaldas (@tekaldas) March 29, 2016 [9]
Manamboninahitra ao amin'ny ONTV milaza fa nipetraka teo amin'ny [seza] 38K i Ibrahim Samha, ilay piratin-tsidina, 27 na 28 taona eo ho eo, dia . Any aminy amin'izao ny fiarovana ny seranam-piaramanidina ao Ejipta #Sipra [8]
Ary i Deena, mizara ny pikantsarin'ilay piraty, nalefa tao amin'ny Egyptian TV:
Photo aired by Egyptian TV said to be of the hijacker of the EgyptAir plane Ibrahim Samaha. pic.twitter.com/VkbefUjbDp [10]
— Deena (@deenahsn) March 29, 2016 [11]
Sary nalefan'ny Egyptian TV mampiseho an'i Ibrahim Samaha ilay piratin-tsidina an'i EgyptAir .pic.twitter.com/VkbefUjbDp [10]
Hatsikana Egyptiana:
Tsy misy lahatsoratra feno ao Egypta raha tsy miaraka amin'ny vazivazy egyptiana kely – na dia tsy voaantoka aza izany. Maro ny hanihany fa tsara vintana ny mpandeha nahita fa tafavoaka an'i Egypta.
Shahi misioka hoe:
ركاب الطائرة المصريه المخطوفه يبدون سعادتهم البالغه باختطافهم فور وصولهم مطار #قبرص [12] ويوجهون الشكر الجزيل للخاطفين على اخراجهم من مصر ;D
— Shahi** (@Me_Shosho007) March 29, 2016 [13]
Naneho ny hafaliany faratampony noho ny nipiratena azy an'habakabaka ny mpandeha tamin'ilay fiaramanidina Egyptiana, ary misaotra ilay piraty rehefa tonga tao Sipra noho ny nandefasana azy ireo hivoaka an'i Egypta
Ary Mohamed Sleem nanampy hoe:
طيب حد يراهن إنهم لو أعلنوا عن طيارة هتتخطف في #قبرص [12] و اللي هيكونوا فيها هيقدروا يعيشوا هناك الحجز عليها هيبقى تاريخي ؟
— Mohamed Maged Sleem (@m10maged) March 29, 2016 [14]
Afaka miloka ianao raha efa nanambara ry zareo fa hisy hipiraty ity planina ity ary ho alefa any Sipra ny mpandeha ka afaka miaina any izy ireo ary mety hanan-tantara ny famandrihana ho amin'ity sidina ity?
Mazava ho azy i Ahmed Hamato fa tsy faly tamin'ny vazivazy rehetra:
اية الرخص الي على تويتر دة الي حصل دة مصيبة والناس نازلة تريقة وتصفيه حسابات الي اتخطفت دي طيارة مصرية احنا بنرخص نفسنا اوي كدة ليه #قبرص [12]
— ahmed hamato (@hamatofreedom) March 29, 2016 [15]
Mora amin'ny olona ao amin'ny Twitter ny mananihany sy maneso ity loza ity. Ny fiaramanidina izay nahodina an-keriny dia fiaramanidina Egyptiana ary manambany ny tenantsika isika raha manao izany
Fanodinana fiaramanidin'ny taona 1980s:
Ahmed Nimer, avy any Ramallah, Palestina, nanesoeso hoe:
Sigh, hijacking is so 1980s!! #EgyptAir [16]
— أحمد (@ANimer) March 29, 2016 [17]
Oadray izany fanodinana fiaramanidina fomban'ny tamin'ny taona 1980s!!#EgyptAir [16]
Ary ilay bilaogera Josh Shahryar nanampy hoe:
Suddenly everyone is an expert on Egypt, Cyprus, Egypt Air and Hijacaker negotiations… What's up, Twitter?
— Abu Sumood (@JShahryar) March 29, 2016 [18]
Tampoka teo dia lasa manam-pahaizana amin'ny fampiraharahana momba an'i Egypta,Sipra, Sidina Egyptiana ary ilay Mpanodina an-keriny ny rehetra …. Fa nisy inona, Twitter?
Mihainoa tsy tapaka ny vaovao farany.