Nanamarika ny mpianatra  iray ao amin'ny sekoly ambanivohitr'i Japana Prefektioran'i Mie fa mora ny mitady sy misambotra bibikely ao amin'ireo toeram-pivarotana misokatra mandavantaona. Nanapa-kevitra izy noho izany ny hanomboka tetikasa fikarohana an-tsekoly mba hamaritana hoe iza ny fivarotana mivoha mandavantaona mahasarika bibikely betsaka indrindra.

Ary, ao amin'ny Japana tia bibikely, lasa nalaza tao amin'ny media sosialy ilay tetikasa fikarohana ataony.

@mizukalation 写真1枚忘れてた。あれでも違いはわかるけど、サークルKはもう一箱ぶんあります。 pic.twitter.com/xfhZVbopAK

— ミズカ Mizuka☆新アルバム発売中！ (@mizukalation) March 7, 2016

Iray amin'ireo sary nalaiko ito.Mazava eto hoe iza ny fivarotana tsara indrindra hanangonana bibikely. Manana fampisehoana azy manokana ny Faribolana K.

Amin'i Fundo, tranonkala izay mitatitra vaovao sosialy ao Japana, liana ilay mpianatra  hahalala hoe hazavana manao ahoana sy jiro manazava mari-pamantarana trano fivarotana tahaka ny ahoana no manintona bibikely indrindra.

Hitany fa ireo jiro manjelanjelatra miloko manga no nisarika bibikely; manintona bibikely vitsy kokoa noho ny ao anatiny ny ivelan'ny trano tsy dia misy loko manga amin'ny jiro marotsaka mipendrapendrana amin'ireo trano fivarotana mivoha mandavataona.

Namarina ilay mpianatra fa ny famantaran'ny Faribolana K izay manome hazavana manga betsaka kokoa no mahasarika bibikely maro kokoa.

Na dia hoe mety ho toerana tian'ireo bibikely mahasorena tahaka ny kadradraka aza ny toeram-pivarotana, nahatsikaritra ilay mpianatra ao amin'ny lisean'ny perfektioran'i Mie fa bibikely karazany maro, ao ny voangory ary ao ny samoina, no mety ho hita sy azo angonina avokoa.

‘MIAVAKA Ny bibikely eo amin'ny Faribolana K’

Malaza any Japana ny fanangonana ireo bibikely — indrindra fa ireo karazana voangory —  izay fialambolin'ny ankizy  ao an-trano. Ary zavamisy ao anatin'ny fiainana mandritra ny taona ao Japana ny bibikely. Mafana sady mando ny toetry ny andro  anelanelan'ny lohataona sy ny mihintsan-dravina, vokatr'izany mihaohao aoka izany ny bibikely.

Ny marina, maro ny fandraharahana, ao anatin'izany ny toeram-pivarotana mivoha mandavataona, mampiasa herinjiro ultraviolet hiatrehana ireo andiam-bibikely sintonin'ny jiro amin'ny alina.

Narantin'ilay mpianatra tao amin'ny mozean'ny Prefektiora Mie ny vokatry ny fikarohany. Tsikaritr'ilay mpitendry mozika Japoney iray manana ny hoaviny antsoina hoe Mizuka, izay mipetraka amin'ny Perfektiora manodidina ao Aichi ilay tetikasa fikarohana, ary nizara sary vitsivitsy tamin'ireo mpanaraka azy ao amin'ny Twitter izy.

Niparitaka haingana be ilay siokan'i Mizuka.

中学生の研究が面白かったです。虫が集まるコンビニと集まらないコンビニの違いは何か？→圧倒的にサークルKが多くて、結論としては照明の種類が違うんだけど「サークルKは全部ファミマになるから虫を取るのは今のうち！」だそうです。 pic.twitter.com/DjkoegOVsf

— ミズカ Mizuka☆新アルバム発売中！ (@mizukalation) 7 de marzo de 2016

Nitarika fikarohana mahaliana ny mpianatra lisea iray. Ahoana ny toeram-pivarotana iray no toerana tsara hanangonana bibikely kanefa ny toerana sasany tsia? Nahita bibikely tao amin'ny Faribolana K ilay mpianatra, ary tena maro be tokoa ireo. Nanomboka tamin'izay no nanomezana marika ny Faribolana K ho an'ny Family Mart hoy ilay mpianatra , “Izao no fotoana andehanana any amin'ny Faribolana K hanangonana bibikely!”

Taorian'ny nahafantaran'i Mizuka fa lasa nalaza ilay tetikasa siansa an'ilay mpianatra lisea, dia nanazava kely momba izany fikarohana teknika izany izy.

@mizukalation 結構反応あるので足しておきます。簡易分光器とか紫外線フィルターとか使って調べてました。なるほどー。全部はMieMuに冊子で置いてあったのでお近くの方は行ってみてください〜 pic.twitter.com/mHVC5e3rzZ

— ミズカ Mizuka☆新アルバム発売中！ (@mizukalation) March 7, 2016

Maro no namaly ka mino aho fa tsara raha manohy. Nanomboka ny fikarohany tamin'ny fampiasana spektrometatra tsotra sy sivana ultraviolet ilay mpianatra . Mahaliana. Raha te hamantatra bebe kokoa ianao dia hitanao ao amin'ny Mozea Mie (MieMu) ny tetikasa iray manontolo. Mandehana mijery izany!

Spotlight, izay tranonkala mamoaka ny vaovao sosialy ao Japana, dia nahita fa efa fanta-daza elaela ihany  lazan'ny bibikelin'ny Faribolana K.

Raha hiverenana ny taona 2014, nahatsikaritra ny mpampiasa Twitter iray fa:

サークルK虫やばっ！🐛 pic.twitter.com/oaiOxVZNmv

— りょーへいꙬ (@EX24Ryohei) May 25, 2014

MIAVAKA ny bibikelin'ny Faribolana K

Tsy ny bibikely ihany no voasariky ny jiro manazava ny Faribolana K. Nisy mpiserasera hafa ao amin'ny Twitter efa nahita sahona teo ihany koa tamin'ny taona 2014 :

サークルKの看板の光に虫が集まってきてるなー…ってよく見たらうわぁぁぁぁぁぁ！！ pic.twitter.com/pUbm8rk6ss

— ニラックス (@NiraxApapa) August 4, 2014

I thought to myself, “Wow, the Circle K is sure attracting a lot of bugs, but when I took a closer look…. AIEEEEEEEE!!

Efa nieritreritra aho hoe, “Oay, tena manintona biby betsaka ilay Faribolana K , nefa vao nanatona akaiky kokoa aho…. KAAAAY!!

Mila mihetsika haingana ireo sahisahy amin'ny fihazana bibikely raha te-hanangona Faribolana K; hiara-hiasa  amin'ny Family Mart ilay toeram-pivarotana amin'ny faran'ny volana martsa 2016, ka hanjavona mandrakizay ilay marika tian'ny bibikely.