- Global Voices teny Malagasy - https://mg.globalvoices.org -

Nesorin'ny Marvel Ao Amin'ny ‘Captain America’ Sombin-Tsarimihetsika Vaovao Amin'ny Teny Rosiana Ny Mariky Ny Saina Rosiana

Sokajy: Eoropa Afovoany & Atsinanana, Rosia, Fanampenam-bava, Mediam-bahoaka, Sarimihetsika, Vaovao Mafana, Akon'ny RuNet

Omaly 10 marsa 2016 vao maraimbe no namoahan'ny Marvel Entertainment ny sombiny faharoa amin'ilay sarimihetsika fampahafantarana ny “Captain America: Civil War” [na: Kapiteny Amerika: Ady an-trano], sarimihetsika ao anatin'ny haifamoronana tanteraka. Efa vonona amin'ny fiteny maro sahady ity sombiny ity ka anisan'izany ny amin'ny teny rosiana.

Tao anatin'ny ora vitsivitsy monja dia voamariky [1] ny mpisera aterineto ao Rosia ny fiavahana iray eo amin'ireo lahatsary navoaka: amin'ny voatra Rosiana [2], dia ny tsy ahitana amin'ny tanàn'ilay miaramila amin'ny voalohany indrindra amin'ny sombin-dahatsary-fampahafantarana ilay marika famantarana rosiana hita ao amin'ny voatra Ôrizinaly [3]. Lasa mainty ilay faritra ary noesorina teo ny saina rosiana.

Marvel's Captain America: Civil War, Trailer 2. Image: YouTbe [3]

Marvel manolotra ny Kapiteny Amerika: Ady an-Trano, Sombiny faharoa. Sary: YouTube

Marvel's Captain America: Civil War, Trailer 2, in Russian. [2]

Marvel manolotra ny Kapiteny Amerika: Ady An-Trano, Sombiny faharoa, amin'ny teny rosiana. Sary: YouTube

Tahaka izay efa mpitranga hatramin'izay amin'ny sarimihetsika “Captain America”, dia amin'ny andian-tsarimihetsika “Ny Mpamalifaty Voalohany” no anarany amin'ny teny rosiana.