26 Janoary 2016, manamarika ny faha-30 taona hatramin'ny nakàn'ny Filoha Yoweri Museveni sy ny Hetsika Mpanohitra Nasiônaliny ny fitantanana an'i Oganda, taorian'ny ady 5 taona izay nanongana ny filoha tamin'izany, Milton Obote. Nihoaran'i Idi Amin (1971-79) i Obote teo amin'ny fahefana, saingy tafaverina naka ny fitondrana indray taorian'ny nanongànany an'i Amin.

Tamin'ny taona nahatongavan'i Museveni hitondra ny firenena, maherin'ny 75% amin'ny mponin'i Oganda ankehitriny no mbola tsy teraka — fa ireo efa teraka tamin'izany kosa mampiasa ny tenifototra #1986pictures (sary 1986) mba hizara ireo fahatsiarovany tamin'izany fotoana izany.

Fa nahoana no amin'izao? Ankehitriny, mitady hahazo ny fepotoana hiasàny faha-enina eo amin'ny toerany ny Filoha Museveni. Hatao ny 18 Febroary 2016 ny fifidianana filohampirenena, ary raha toa ka tokony hiantso fandresena amin'ireo fandatsaham-bato ilay eo an-toerana, hita ho toa misy fahadisoam-panantenana goavana ihany amin'ny fizotran'ny dingan'ilay fifidianana.

Efa nisy resabe sahady — tsy tsara loatra ny fahasalaman'ny toekaren‘ny firenena, misy ireo tatitra milaza fa nandany vola maherin'ny 7 tapitrisa dolara i Museveni tamin'ny fampielezankevitra hifidianana azy indray tao anatin'ny fotoana roa volana monja, ary ny iray amin'ireo mpifaninana aminy ara-politika amin'ny fifidianana ny ho filoha, Amama Mbabazi, niampanga azy ho nanao “hetsika mahery” mba “hampitahorana sy hanamparam-pahefana” amin'ireo mpanohana ny mpifaninana aminy.

Nanapaka hevitra ny hampandre ireo feony ety anetin'ny Aterineto ireo mpisera amin'ny Aterineto, izay mety na tsia ho tonga any amin'ny fandatsaham-bato amin'ny andron'ny fifidianana:

I was two years old when @KagutaMuseveni took power. I am now 31 years old. Hashtag #1986pictures & share ur story pic.twitter.com/ipFFiMkWZ0

— Thomas Ddumba (@tomddumba) January 16, 2016

Roa taona aho fony nandray ny fahefana i @KagutaMuseveni. 31 taona aho ankehitriny. Tenifototra #1986pictures ary zareo ny tantaranao

#1986Pictures that's me when #M7 promised that after 5years he would go and rear his cows. pic.twitter.com/vhtq1YH41h

— Baksi (@juanbaksi) January 19, 2016

#1986Pictures izany aho fony nampanantena ahy i #M7 fa hiala aorian'ny 5 taona ary handeha hiandry  ny ombiny.

Ampahatsiahivin'ny tranonkala This is Ouganda ny fomba nandraisan'ny Tandrefana an'i Museveni teo amin'ny toerany:

#TBT Former POTUS Ronald Reagan shakes hands with President @KagutaMuseveni pic.twitter.com/OWpZGehsKs

— This Is Uganda (@ThisIsUganda_) January 21, 2016

#TBT Ronald Reagan filoha fahiny tao Etazonia, nifandray tànana tamin'ny Filoha @KagutaMuseveni

Ireo hafa nahatsiaro ny naha voatery ireo fianakaviany nisidina handositra tany Andrefana:

#1986pictures My sister @barnta and I, in Kingston, Ontario, Canada. My parents were in exile :)))) pic.twitter.com/fNF1LgtQmU

— Kasabiiti (@Kasabiiti) January 17, 2016

#1986pictures Ny rahavaviko @barnta sy izaho, tany Kingston, Ontario, Kanadà. Tan y an-tsesitany ireo ray aman-dreniko :))))

#1986pictures family photo album lost in exilé

— emmanuel othini (@EOthini) January 17, 2016

#1986pictures tahirin-tsarin'ny fianakaviana very tany an-tsesitany

Nisy fampitahàna maro ny amin'ny “tamin'izany” sy ny “ankehitriny”:

#1986Pictures compare m7 of today and that of 86 pic.twitter.com/XPfAX8royw

— mirugwe alex junior (@mirugwealex1) January 19, 2016

#1986Pictures ampitahao ny m7 ankehitriny sy ny tamin'ny taona 86

#1986pictures this could buy a car! Now only an egg! pic.twitter.com/rDDlkHLgA3

— Kityo Kenny Rand (@kkennyrand) January 18, 2016

#1986pictures afaka nividianana fiara io! Ankehitriny atody iray fotsiny!

Kalundi Serumaga nahatsiahy ny fotoanany tamin'ny Front de Libération Nationale tao Oganda:

@dfkm1970 Have no pics, but was a cadre in the UNLF(A-D), fighting the NRM, having fought the other dictatorships before it. #1986Pictures

— Kalundi Serumaga (@NativeLandgrab) January 17, 2016

@dfkm1970 Tsy manana sary, fa mpiasa ambony tao amin'ny UNLF(A-D), niady tamin'ny NRM, niady tamin'ireo mpanao jadona nialoha io. #1986Pictures

Mpampiasa Twitter, Charles Onyango-Obbo, nandefa ireo sarin'ny fahasimban'ny Farihy Victoria ary nanao fampitahana ara-politika eo ankilan'izany:

Circa 1986 a healthy Lake Victoria • 2016 choked to near-death by water hyacinth (how symbolic!) #1986pictures pic.twitter.com/OtFzCsqx5Y

— Charles Onyango-Obbo (@cobbo3) January 19, 2016

Circa 1986, Farihy Victoria salama • 2016 sempotra efa mila ho faty noho ny tsinkafona ao amin'io rano io (milaza ho azy!)

Maro ireo mpampiasa Twitter nieritreritra fa efa ampy tsara hitondràna ny 30 taona:

#1986Pictures. The good old days… 🙂 30 years is one hell of a long, long time! pic.twitter.com/QXBMYQVf5u

— Ronald Sebuhinja K (@sebsronnie) January 17, 2016

#1986Pictures. Ireo andro nahafinaritra tamin'izany fotoana… 🙂 lava tena lava loatra ny 30 taona!

I am yet to meet a Ugandan who has had one job for 30 years that's not @KagutaMuseveni #1986Pictures

— Thomas Ddumba (@tomddumba) January 18, 2016

Mba te-hihaona aminà  Ogande iray nahazo asa nandritra ny 30 taona kanefa tsy @KagutaMuseveni aho #1986Pictures

#1986Pictures with a twist. pic.twitter.com/t5HzuPvrsV

— Aguma Awoii (@AwoiiKen) January 20, 2016

#1986Pictures somary mihataka kely.

Bitsika iray indray, nampiseho mazava ny ambaratongan'ny fikorontanan-tsaina mety iainan'ireo tanora Ogande maro:

In 1986 My Mum n Dad had not yet met n so i wasn't in any process but i feel more tired than those who existed #1986Pictures i feel 4 u 😓😫😭😥

— Shannah Namaganda Am (@shannah2012) January 20, 2016

Ny taona 1986, mbola tsy nihaona ny Mamako sy Dadako, noho izany tsy mbola tao anatin'ny lamin'izy ireo mihitsy aho, kanefa mahatsapa reraka noho ireo efa niaina tamin'izany aho #1986Pictures ny zavatra tsapako anareo 😓😫😭😥