Pikantsary tamin'ny Tantaran'i Japana nataon'i Bill Wurtz. Tao amin'ny YouTube.

Nalaza tamin'ny aterineto ny lahatsary manintona Tantaran'i Japana notontosain'ilay mpanakanto an-dahatsary Bill Wurtz, ary efa nisy nijery efa ho in-5 tapitrisa hatramin'ny namoahana azy tao amin'ny YouTube tamin'ny fiandohan'ny volana Febroary.

Mamintina ny 40.000 taonan'ny tantara Japoney ao anatin'ny sivy minitra monja ny lahatsary.

Mampiasa sary miaingitraingitra mba hilazana ny tantaran'ny Japoney ilay lahatsary mampanonofy. Na dia misy aza ireo fitarainana sasany fa nanadino ireo lafiny manan-danja amin'ny tantaran'ny Japoney ilay lahatsary, dia tsy misy kosa ny fomba ahafahana mitatitra ny zava-drehetra ao anatin'ny sivy minitra monja.

Tsara avokoa hatreto ny fanehoan-kevitra tamin'ny media sosialy Japoney. Na izany aza, tsy mbola malaza ao Japana ilay lahatsary, izay azo inoana fa noho izy amin'ny teny Anglisy.

Mariko Oi, mitatitra ho an'ny BBC avy any Singapaoro manoratra hoe:

Is it wrong that I kinda like this Japan's history in 9mins video? 略ししぎだろと思いつつ、思わず笑っちゃう日本の歴史を9分で説明するビデオ！https://t.co/1FwvaHQMyw

— Mariko Oi 大井真理子 (@MarikoOiBBC) February 6, 2016

Na dia manadino zavatra maro aza, hampahatsikaiky anao ity lahatsary manazava ny tantaram-pirenena Japoney ity.

Rekishi Butsudan, tranonkala malaza natokana ho an'ny tantara Japoney milaza hoe:

日本の歴史を9分でたどる動画。英語ですが面白いです。→　The Most Entertaining Video on Japan's History You Will See https://t.co/xcKwmqC9Tx

— 歴史雑談録 (@rekishizatsudan) February 5, 2016

[Avy amin'ny Japoney] Tantara Japoney nohazavaina tao anatin'ny 9 minitra. Amin'ny teny Anglisy izany, saingy mahatsikaiky.

Nankafy ny lahatsary ihany koa ilay bilaogera Cambodia Taro:

日本の歴史を、英語でサクッと伝える素晴らしい素材。 https://t.co/ScMCCTGpAz

— カンボジア太郎 (@Cambodiataro) February 4, 2016

Loharanom-baovao mahatalanjona milaza fohy ny tantaran'ny Japoney amin'ny teny Anglisy.