Sasantsasany amin'ny sioka miresaka ny saripikan'i Alon Skuy avy amin'ireo mpisera @LanC_02, @gussilber, @BIZKID_WORLD ary @LeMondZuid

Nisy sary nopihana tamin'ny 26 Janoary 2016, teo ivelan'ny Fitsarana Ambony tao Johannesburg, Afrika Atsimo, nisintona ny fifantohana amin'ny hatsan'ny fidirambola ao Afrika Atsimo taorian'ny apartheid.

Ny pika nalain'i Alon Skuy, Afrikana Tatsimo mpaka sary iray miasa ho an'ny gazety Afrikana Tatsimo, The Times, dia mampiseho fifangarihana eo amin'ny olo-malazan'ny radio Afrikana Tatsimo Gareth Cliff miaraka amin'ny mpisolovavany, Dali Mpofu, nandeha teo akaikin'ny lehilahy iray toa mihady ao amin'ny fako.

Nampirongatra sahotaka tao amin'ny Twitter i Gareth Cliff vao tsy ela akory izay rehefa nanome ny heviny tao amin'ny Twitter momba ny fanehoan-kevitra iray manavakava-bolonkoditra  nataon'ny mpivarotra tany sy/na trano antsoina hoe Penny Sparrow milaza ny Afrikana-Tatsimo mainty hoditra mpandeha eny amin'ny tora-pasika ho ‘ragidro’ izy. Hoy i Cliff tamin'ny famaliana ny hevitra manafintohina nataon'i Sparrow, “tsy azon'ny olona akory ny atao hoe fahalalaham-pitenenana”.

Taorian'ny sahotaka, dia nesorina avy amin'ireo vondron'olona mpitsara tamin'ny fifaninanan-kira amin'ny fahitalavitra South African Idols i Cliff. Nandresy izy raha nitondra ny raharahan'ny fanesorana azy teny amin'ny fitsarana ka nilaza ny mpitsara tao fa ny raharaha dia miompana amin'ny fifanarahana fa tsy amin'ny fanavakavaham-bolonkoditra na fahalalaham-pitenenana.

Cliff, izay Afrikana Tatsimo fotsy hoditra, dia nosoloan'i Dali Mpofu, Afrikana Tatsimo mainty hoditra vava tao amin'ny Fitsarana. Mpofu no filohan'ny the Economic Freedom Fighters, [Mpiadin'ny Fahalalahana ara-Toekarena] antoko sosialista mpanohana ny mainty ao Afrika Atsimo.

Ny sary voalaza, izay nozaraina fatratra tao amin'ny media sosialy, dia heverin'ny mpaneho hevitra ho hita maso maneho indrindra an'i Afrika Atsimo post-apartheid [taorian'ny vanimpotoanan'ny fanavakavaha-bolonkoditra] , izay nihalalina ny hantsan'ny fidirambola eo amin'ny vondronolona samihafa hatramin'ny nifaranan'ny fitondran'ny fotsy hoditra vitsy an'isa tamin'ny 1994. Iray amin'ireo ahitana fitsinjarambola mifanalavitra indrindra amin'ny olona ao aminy eto ambonin'ny tany i Afrika Atsimo.

#Inequality always in the background & never the focus. It’s up to us to change this #SouthAfrica
Photo by Alon Skuy pic.twitter.com/W61W7y9NPJ

— Elle West (@elle_west_ct) January 29, 2016

Mbola ao ambadika hatrany ny [hantsan'ny fidirambola] fa tsy mety ifantohana mihitsy. Antsika no manova izany

South Africa… 🇿🇦

We have a looonnnggg way to go.

Thank You Alon Skuy. pic.twitter.com/uvdXv4EVbo

— #YMS∞ (@BIZKID_WORLD) January 29, 2016

Afrika Atsimo… 🇿🇦

Mbola laaaavitra be ny lalana alehantsika.

That pic by Alon Skuy:A summary of Post-Apartheid SA.

— Zimbali Mncube (@Zimbali_Mncube) January 29, 2016

Izato sarin'i Alon Skuy: Fehin'i Afrika Atsimo taorian'ny fanavakavaham-bolonkoditra.

Tao amin'ny Twitter, mpiserasera iray nanontany, nanonona ny antokon'ilay mpisolovavan'i Cliff, ny Economic Freedom Fighters [Mpiadin'ny Fahalalahana ara-Toekarena] :

Whose economic freedom is it, anyway? The powerful photograph shot by Alon Skuy https://t.co/1w4C91DJTe pic.twitter.com/WevL3YXi4H RT

— Internet Activist ZA (@TupacZA) January 29, 2016

Izany eo ihany fa fahalalahana ara-toekarenan'iza tokoa moa izy ity? Sary matanjaka nopihan'i Alon Skuy

Nanamarika i Shabtai Gold fa tsy namboamboarina ny sary:

Truly brilliant image from South Africa. not staged. By Alon Skuy https://t.co/z5GRxPZne1

— Shabtai Gold (@velvetart) January 29, 2016

Sary tena mamirapiratra tokoa avy ao Afrika Atsimo. Tsy namboamboarina. Avy amin'i Alon Skuy

Raha nankalaza ilay pika kosa i @fullframeSA :

Alon Skuy picture for @SowetanLIVE of Gareth Cliff and Dali Mpofu is photojournalism at its best pic.twitter.com/XStA0n9Tk2

— Fullframepictures_ (@fullframeSA) January 29, 2016

Ny sarin'i Alon Skuy ho an'ny @SowetanLIVE ahitana an'i Gareth Cliff sy Dali Mpofu no atao hoe fanaovan-gazety an-tsary amin'ny lafiny tsara indrindra

Nahatonga ny sasantsasany hikaroka sary maro kokoa avy amin'i Skuy io sary io:

Currently on google checking out Alon Skuy's work.

— Summer Reign (@Khuthii) January 29, 2016

Mijery ny asan'i Skuy ao amin'ny google amin'izao fotoana izao.