Angkety Map Manasongadina Fitaovana Nomerika Hamelomana Indray Ny Teny Indizeny Ao Aostralia

angketyPM

Pikantsarin'ny tatitra.

Ahoana no fomba nampiasana ny fitaovana nomerika hiarovana sy hamelomana indray ny teny ao Aostralia? Inona avy ireo fanamby sy paikady sasany nampiasaina hanalefahana ny olana mety atrehin'ny vondrom-piarahamonina amin'ny fampiasana izany fitaovana nomerika izany? Ireo ny fanontaniana sasany noresahana tamin'ny tatitra vaovao antsoina hoe “Angkety Map”, izay voambolana avy amin'ny teny Anmatyerr midika hoe “tantara maro”.

Namoaka ity famintinana ity ny First Languages Australia (Teny Voalohany Aostralia), fikambanana manohana ny vondrom-piarahamonina teratany sy ny mponin'ny nosy ao andilan-dranomasina Torres sy ny lafiny rehetra amin'ny fiarovana sy famelomana indray ny teny, taorian'ny tetikasa 15 volana nanangonana ny traikefan'ny mpikatroky ny teny amin'ny fampiasana ny teknolojia nomerika mba hanomezana fianarana sy fahafahana mamelona indray ny teny ho an'ny vondrom-piarahamonin'izy ireo.

Niara-niasa akaiky tamin'ny ekipan'ny First Languages Australia ilay mpikaroka antsoina hoe Ben Foley mba hanadihady sy hitafatafa amin'ireo mpanandra-peo ny fiteny nandritra ireo lanonana marobe momba ny teny sy ny teknolojia manerana ny firenena, tahaka ny Puliima, ny Lahavolana momba ny Teny sy ny Teknolojia ao amin'ny firenena notontosaina tao Melbourne, ary ny Ngirrma Puwal Pukang, Lahavolana momba ireo Tenim-pirenena ao Queensland notontosaina tao Cairns. Naparitaka ihany koa ny fanadihadiana antserasera mba hanangonana vaovao avy amin'ny tsirairay izay tsy nanatrika ireo lanonana ireo, ary nisy koa ny fanadihadiana an-telefaonina natao tamin'ireo foiben'ny teny, ireo mpikirakira ny rindrambaiko, ary ireo mpikatroka hafa mitantana tetikasa momba ny teny eny amin'ny faritra.

Nanasongadina ny fitaovana sy ny votoaty noforonin'ny fiarahamonina ao an-toerana ireo fiarovana ireo, toy ny:

  • Computer programs and applications for language documentation, recording, annotation, archiving
  • Mobile/tablet apps (wordlists, dictionaries, music games, learning games, learning environments)
  • Interactive whiteboard resources
  • Multimedia CD-ROMs or DVDs
  • Websites and web applications (e.g. YouTube, dictionary sites, online learning sites, etc.)
  • Interactive dictionaries, word or sound lists, phrase books, flash cards
  • eBooks
  • Computer games
  • Radio programs and audio podcasts
  • Fampiharana sy fandaharan'asa solosaina ho an'ny fandraketana, fitehirizana, fanazavana, fampirimana ny teny
  • Fampiharana finday/tablety (raki-teny, rakibolana, lalao mozika, lalao fianarana, tontolo fianarana)
  • Fitaovana tabilao fotsy ifarimbonana
  • Media marolafy kapila-mangilatra (CD) na DVD
  • Fampiharana pejy habaka sy tranonkala (ohatra: YouTube, tranonkalan'ny rakibolana, tranonkala fianarana amin'ny aterineto, sns.)
  • Rakibolana, lisitry ny teny na feo, bokin'ny fehezanteny, karatra flash ifarimbonana
  • eBooks (boky amin'ny aterineto)
  • Lalao amin'ny solosaina
  • Fandaharana amin'ny radio sy fandraisam-peo
Maro amin'ireo ohatra ireo no nasongadina tao amin'ny tatitra toy ny fanadihadiana ny fomba vaovao fampiasana ny teknolojia ho an'ny fianarana sy ny famelomana indray ny fiteny.

Manantena ny
First Languages Australia  fa hanampy hitari-dalana ireo mpanapa-kevitra ara-politika amin'ny fanapahana izay laharam-pahamehana amin'ny famatsiam-bola ary koa manamora ny adihevitra eo anivon'ny vondrom-piarahamonin'ny teny mba hanampy hampitombo ny fahafahana mampiasa ny teknolojia, mampihena ny faka-tahaka, ary miatrika ireo fanamby mety hitranga rehefa mampihatra ny fitaovana nomerika.

Trohy ato ny famintinana ny tatitra.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.