Nosamborina androany ilay Saodiana mpikatroka ny zon'olombelona Samar Badawi, voalaza fa mitantana ny kaonty Twitter-n'ny vadiny any am-ponja, Waleed Abulkhair, Saodiana mpisolovava sady mpiaro ny zon'olombelona malaza izy.

Ny zaobaviny,  Ensaf Haidar, vadin'ilay bilaogera liberaly anadahin'i Badawi, Raif Badawi, izay nahazo sazy kapoka karavasy in-1000 sy sazy 10 taona an-tranomaizina ao Saodita noho ny “fanevatevana ny Islamo” no nitatitra ny vaovao tao amin'ny Twitter

Nanoratra i Haidar:

Urgent: #Samar_Badawi was arrested on the charge of directing @WaleedAbulkhair twitter account. pic.twitter.com/GW1Jjwt6K2

— Ensaf haidar (@miss9afi) January 12, 2016

Maika: Nosamborina i #Samar_Badawi noho ny fitantanana ny kaonty twitter an'i @WaleedAbulkhair

Nampiany hoe:

Urgent: #Samar_Badawi was transferred to the Dhahran central prison, where both #Raif_Badawi and #Waleed_Abulkhair are.

— Ensaf haidar (@miss9afi) January 12, 2016

Maika: Nafindra any amin'ny fonja foibe ao Dhahran i #Samar_Badawi, fonja misy an'i #Raif_Badawi sy #Waleed_Abulkhair

Tamin'ny volana Jolay 1914, voaheloka higadra15 taona an-tranomaizina i Abulkhair ary voaheloka teo ambanin'ny lalàna vaovao miady amin'ny fampihorohoroana nampidirina tao amin'ny fanjakana tsy refesi-mandidy toy ny “fanevatevana ny filaminana ankapobeny” sy ny “fandrehetana hevi-bahoaka”.

Manana mpanjohy 82.5K ny kaonty Twitter-ny, @WaleedAbulkhair, ary voampanga ho nitantana izany  Ramatoa Badawi – ary manohy mitantana izany na dia taorian'ny fisamborana azy aza.

Nomelohin'ny mpiserasera manerana izao tontolo izao ny fisamborana an'i Badawi, anisan'izany ireo mpiaro ny zon'olombelona sy ny mpanao gazety (Fanangonan-tsonia Arabo) izay niantso ny manampahefana Saodiana mba hamotsotra azy tsy misy fepetra.

Saodiana Elham Al Manea mamaritra ny fisamborana an'i Badawi ho “tsy malina”, nolazainy fa manosika ny Saodiana hitroatra hampiasa hery izany:

Utterly unwise: With arrest of #Samar_Badawi, current Saudi leadership is shutting the door in the face of those demanding reform peacefully

— Elham Manea (@ElhamManea) January 12, 2016

Tsy malina tanteraka: Amin'ny fisamborana an'i #Samar_Badawi, manakatona varavarana manoloana ireo mitaky fanovana anaty filaminana ny mpitondra Saodiana amin'izao fotoana

Bilaogera Eman Al Najfan nanoratra hoe:

Peaceful activist & winner of 2012 Woman of Courage award @samarbadawi15 arrested today. #SamarBadawi #SaudiArabia pic.twitter.com/rWQbdCa3H9

— Eman AlNafjan (@Saudiwoman) January 12, 2016

Nosamborina androany i @samarbadawi15, mpikatroka milamina sady nahazo ny loka Vehivavy Mahery fo 2012

Avy ao Canada, mandrisika ny olona i JSheehan mba hamaky ny bokin'i Raif Badawi mitondra ny lohateny hoe 1,000 Lashes: Because I Say What I Think (Kapoka karavasy in-1000: Satria Nilaza Izay Tao An-tsaiko aho):

Samar Badawi fought for Human Rights, as did her brother #RaifBadawi. Pls read his book 1000 lashes on iBooks https://t.co/PJ8dOQJmoN

— JSheehan (@TuesCheek) January 12, 2016

Nitolona ho amin'ny Zon'Olombelona i Samar Badawi, tahaka ny nataon'ny rahalahiny #RaifBadawi. Azafady vakio ny bokiny kapoka karavasy in-1000 ao amin'ny iBooks

Ny hafa, tahaka an'i Maysaa Al Amoudi kosa nizara ny iray tamin'ireo siokan'i Badawi vao haingana:

Simple words could lead to prison #FreeSamar https://t.co/RgfOaEC5kf

— Maysaa al amoudi (@maysaaX) January 12, 2016

Mety hitarika any am-ponja ny teny tsotra

Tamin'ny siokany, nanoratra i Badawi hoe:

Silence is killing us but we are steadfast

Mamono antsika ny fahanginana saingy tsy laitra hozongozonina isika

Tsy nampangina ny Saodiana maro ny fisamborana an'i Badawi. Mpisera tsy nitonona anarana nisioka hoe:

#اعتقال_سمر_بدوي القمع في تزايد والنهب والسرقات في تزايد والتخبط والتهور في تزايد لاشيء يقل سوى حريتنا وكرامتنا في هذا البلد

— نسيم (@rooo7_7rrh) January 12, 2016

Mitombo ny famoretana, ambony dia ambony ny kolikoly sy ny halatra ary ahitam-piakarana ny fanapahan-kevitra mampidi-doza. Tsy misy zavatra mihena eto amin'ity firenena ity, afa-tsy ny fahalalahantsika sy ny fahamendrehantsika.

Mpisera Twitter iray hafa mivavaka mba ho tezeran’ Andriamanitra ireo nahavita ny tsy rariny tamin-dRamatoa Badawi. Hoy izy nisioka:

زوجها سجين وهي الآن سجينة وطفلتهم اليوم وحيدة بلا أب ولا أم !!! اللهم سلط على الظالمين #اعتقال_سمر_بدوي

— مـــســـتـــنـــيــر (@BlueSam2011) January 12, 2016

Any am-ponja ny vadiny: Ary any am-ponja koa izy ankehitriny. Ary manirery ankehitriny ny zanak'izy ireo vavy, tsy misy ray sy reny. Ho amin'ireo nahavita ny tsy rariny anie ny fahatezeran'Andriamanitra

Matahotra hiaina (hisefo) ity mpiserasera ity:

بلد الواحد يخاف فيه يتنفس .. #اعتقال_سمر_بدوي

— ريما (@ReemaWabel) January 12, 2016

Miaina ao amin'ny firenena izay matahotra ny miaina (misefo) isika