Volana vitsivitsy taorian'ny fisehoana feno fikirizana nandritra ny Mondialy cricket, dia niala ny kianja filalaovam-baolina ho toy ny maherifo ny ekipam-pirenen'i Afghanistan, na dia teo aza ny faharesena nanoloana an'i India tamin'ny famaranana ny SAFF na South Asia Football Federation (Federasionan'ny Football Aziatika Atsimo) tamin'ny 3 Janoary.

Tsy nisy nahatafiditra baolina ny roa tonta hatramin'ny minitra faran'ny fotoana ara-dalàna tamin'ny fizaram-potoana faharoa raha nitarika isa i  Afghanistan ary nosahalain'i India avy hatrany izany.

Rehefa natao ny fanalavam-potoana vao nahatafiditra ny baolina faharoa i India ary nahazo ny amboaran'ny fifaninanana izay nahitana ity firenena ravan'ny ady ity mandresy an'i Bangladesh, Bhutan, ny Maldives ary Sri Lanka tao anatin'ny ezaka mampiaiky volana.

Ho fandrisihana ny ekipa dia nifampiresaka tamin'izy ireo talohan'ny lalao famaranana ny filohan'i Afghanistan Ghani:

Pres.@AshrafGhani spoke by phone w/ National Football Team today to congratulate the team for recent wins & wish them well for #SAFF Finals.

— ارګ (@ARG_AFG) January 2, 2016

Ny filoha Ashraf Ghani niteny an-telefonina tamin'ny ekipam-pirenena Football androany hiarahaba azy ireo tamin'ny fandresena vao azony sy mirary soa azy ireo amin'ny famaranana ny SAFF

Avy eo ny filoha nanaraka mivantana ny lalao famaranana tamin'ny alalan'ny fahitalavitra niaraka tamin'ny mpikambana vitsivitsy tamin'ny kabinetrany.

Watching #SAFFSuzukiCup final match between #Afghanistan and #Indiapic.twitter.com/qOk851gxgJ

— Ashraf Ghani (@ashrafghani) January 3, 2016

Mijery ny famaranana Amboara Suzuki SAFF teo amin'i Afghanistan sy India

Raha nanaraka ny lalao tany an-tranony kosa ny filoha teo aloha Hamid Karzai:

Fmr #Afghan prez @KarzaiH watched @SAFFSuzukiCup#football match from his home sitting on a mattress w/ green tea pic.twitter.com/ZZ30zQdCzE

— shafi شفيع شريفى (@ShafiSharifi) January 3, 2016

Filoha Afghan teo aloha Karzai H nijery ny lalao Amboara Suzuki SAFF tao an-tranony nipetraka tamin'ny karipetra sy dite maitso.

Nanatevin-daharana amin'ny fanohanana ny ekipam-pirenena ihany koa ireo minisitra, mpikambana parlemanta, mpihira ary ireo Afghan olon-tsotra.

Khalil Noori, zokiolona mpamokatra fandaharana ao amin'ny BBC monina ao Afghanistan, namoaka ny sarin'i Atta M. Noor, governoran'i Balkh, mijery ny lalao tao anatin'ny fientanentanana.

Afghan governor Atta M Noor watching Afghanistan vs India football match #SAAFSuzukiCup pic.twitter.com/MGOWijhfNn

— Khalil Noori (@KhalilNoori) January 3, 2016

Governora Afghan Atta M Noor mijery ny lalao baolina ifanandrinan'i Afghanistan sy India

nanatrika ihany koa i Farzana Naz, vehivavy Afghan mpihira, mitazona ny sainam-pirenena Afghan sy mihoraka ho fanohanana ny ekipa Afghan miaraka amin'ny namana ao an-kianja:

Photo of the day. Beautiful Afg singer Farzana Naz travelled all the way to India to support Afghan Football team. pic.twitter.com/UwjbybzpIn

— Najeebullah Akhterzi (@Akhterzi) January 3, 2016

Sarin'ny androany. Manavatsava lalan-davitra nankany India hanohana ny ekipa Football Afghan ilay mpihira Afg tsara tarehy Farzana Naz.

Koa satria moa notanterahina tany ivelany ny lalao famaranana dia teny amin'ny araben'i Kabul no nandehanan'ny vehivavy mpanohana hanohanana ny ekipam-pirenena.

Women & girls out on the streets to cheer for Team Afghanistan & watch #SAFFSuzukiCup on huge screens in #Kabul. pic.twitter.com/nf0AIcmll0

— Samiullah Hussaini (@h_sami) January 3, 2016

Vehivavy sy tovovavy any an-dalambe hihoraka hanohana ny ekipan'i Afghanistan sy hijery ny Amboara SAFF Suzuki amin'ny efijery midadasika velarana tao Kabul

Football & Cricket teams unite Afghan nation & give em moments 2 cherish 2gether Bravo we have won already #SAFFCUP pic.twitter.com/O3Aa8DWLz3

— Ibrahim khan Zazai (@ibrahimzazai) January 3, 2016

Ny ekipa Football sy Cricket no mampiray ny firenena Afghan sy manome fotoana azy ireo hahay hifankatia Bravo fa efa nandresy sahady isika

Tsy sambany i Afghanistan no nahavita zavatra tsara tamin'ny fifaninanana isaky ny roa taona izay lasa fifaninanana football misy dikany indrindra ao Azia Atsimo.

Tsy nampoizina ny fandrombahan-dry zareo ny fifaninanana tamin'ny 2013, raha mbola i India ihany no nifanandrinana, roa taona taorian'ny fandresen'io ekipa io 4-0 azy ireo.

Na dia raraka teo amin'ny famaranana aza ny ekipa tamin'ity taona ity dia mihoatra noho ny fandresena ny zavabitan-dry zareo nahavalalanina ho an'ny Afghan maro, raha jerena ny fikorontanana ara-panatanjahantena niainan-dry zareo nandritra ny fotoana nanjakazakan'ny Taliban.

After a generation, we have a nat'l sports team. After a generation, our team has a nation behind it. That's worth more than victory or loss. — Ahmad Shuja احمدشجاع (@AhmadShuja) January 3, 2016

Taranaka iray no nandalo, manana ekipam-pirenena isika. Taranaka iray no nandalo, manana firenena iray manohana azy ny ekipantsika. Mihoatra noho ny fandresena na ny faharesena izany.

Ho setrin'ny siokan'i Ahmad Shuja, da nanoratra i Amar Sinha, Ambasadaoron'i India ao Afghanistan :

@AhmadShuja Every one should be proud of their performance. Played like champs. AFG players already enriching Indian professional leagues. — Amar Sinha (@SenseandC_sense) January 3, 2016

Tokony hirehareha amin'ny zavabitany ny tsirairay. Milalao tahaka ny tompondaka ry zareo ka efa mampanankarena ara-talenta sahady ny ligin'ny mpandray vola Indianina.

Raha nitondraka tao amin'ny ranom-boankazo miaraka amin'ny mpankasitraka football manerana izao tontolo izao i Zafar Mehdi, Afghan iray mpanao gazety [tsikera].

Afghanistan, you won it. You won the hearts. You were 11 and India were 12. Referee was also playing on their side. #SAFFSuzukiCup — Zafar Mehdi (@mehdizafar) January 3, 2016

Afghanistan, ianao no nahazo azy. Nahazo fo maro ianao. 11 ianareo fa 12 i India Nilalao niaraka tamin-dry zareo ny mpitsara.

Voatafika ny kaonsilà Indianina

Ora vitsy taorian'ny famaranana anefa dia notafihan'olona mitam-piadiana ny kansilà Indianina ao Mazar-e-Sharif.

Nisioka i Harun Najafizada, mpanao gazetin'i BBC :

Hidden in a residential house some 20 meters away from Indian Consulate, assailants failed to enter the compound. #Balkh — Harun Najafizada (@HNajafizada) January 3, 2016

Niafina tao amin'ny trano fonenana iray miala 20 amin'ny kaonsilà Indiana ireo mpanafika tsy tafiditra tao amin'ilay toerana.

Tsy mahandry amin'ny fahazoana antsipirihany bebe kokoa amin'ity raharaha ity ireo Afghan hafa miahiahy amin'ilay ora nisian'ity fanafihana ity.

So, was the Indian Consulate in Mazar e Sharif main target of the attack? Who were the perpetrators? Let's wait patiently for the answers. — Zafar Mehdi (@mehdizafar) January 3, 2016

Ny Kaonsilà Indianina ao Mazar e Sharif ve izany no tena nokendrena? Iza no nanao izany? Aleo miandry am-pahendrina ny valiny.

Sharif Hassan, mpanao gazetin'i Washington Post miasa ao Afghanistan, nampitandriina fa tsy misy ifandraisany amin'ny football ilay fanafihana.

Local official: 3 attackers have entered a house near #Indian consulate in Mazar-e-Sharif city. It is not #Football related violence.

— Sharif Hassan (@MSharif1990) January 3, 2016

Ofisialy ao an-toerana: mpanafika 3 no niditra tamin'ny trano iray akaikin'ny kaonsilà ao an-tanànan'i Mazar-e-Sharif. Tsy herisetra mifandraika amin'ny Football io.

Olona iray ihany no nahazoana tatitra ho naratra tamin'ny fanafihana.

Na dia tsy nisy aza ny vondrona nilaza ho tompon'andraikitra, dia manahy ny Afghan fa mety hanimba ny finamanana matanjaka eo amin'i Afghanistan sy i India izany.

Nisioka ho amin'ny fanomezan-toky indray ny filoha lefitr'i Afghanistan, ny Jeneraly Abdul Rashid Dostum :

No violence against India can damage our relationship. Out thoughts with all staff and diplomats in Mazar-i-Sharif.

— General Dostum (@ARashidDostum) January 3, 2016

Tsy misy herisetra atao amin'i India manimba ny fifandraisantsika. Ny eritreritray dia miaraka amin'ireo ekipa sy diplaomaty rehetra ao Mazar-i-Sharif.