Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ireto No Nokarohan'ny Mpiserasera Rosiana Tao amin'ny Google Tamin'ny 2015

The A321 plane crash was among the top events Russians searched for on Google in 2015. Screenshot from YouTube.

Anisan'ireo zava-nitranga malaza nokarohan'ny Rosiana tao amin'ny Google tamin'ity taona 2015 ity ny fianjeran'ny fiarahamanidina A321. Pikantsary tao amin'ny YouTube.

Nandritra ny herintaona, nidera ny Eurovision sy ny fanatanjahantena hockey ny mpiserasera aterineto Rosiana, saingy nisaona ireo Rosiana malaza namoy ny ainy ihany koa ary nanaraka ireo zava-nitranga mampalahelo tany Ejipta sy Frantsa, araka ny tahirin-kevitra tamin'ny fikarohana Google.

Araka ny tatitra fanao isan-taona tamin'ny Taona nitadiavana dia nanome topimaso ireo fikarohana malaza indrindra tao amin'ny RuNet ny Google.

Tamin'ny lahatsary fohy, nanolotra topi-maso ireo zavatra be mpikaroka indrindra tao amin'ny aterineto Rosiana tamin'ity taona 2015 ity ny Google Rosia

Nanolotra ireo tabilao sasany misy ireo zavatra malaza indrindra nahaliana ny Rosiana nandritra ny herintaona ny Google.

Ahitana ny Eurovision sy ny tompon-daka manerantany amin'ny hockey (izay nahazoan'ny Rosia volafotsy) ny zavatra malaza indrindra tamin'ity taona ity, ary koa ny tako-masoandro sy ny Oscars 2015. Indrisy fa mampalahelo avokoa ny maro amin'ireo zava-nitranga malaza indrindra: ny fianjeran'ny fiaramanidina A321 ary tao anatin'ny lisitra ihany koa ny fanafihan'ny mpampihorohoro tao Paris.

Liana tanteraka ihany koa ny mpiserasera Rosiana mba hahita famaritana na vaovao fanampiny momba ny zavatra tahaka ny ISIS (Fanjakana Islamika), ny Leviatana (horonantsary Rosiana malaza indrindra izay nandrombaka ny Golden Globe), ary ny diezy #PrayforParis, ankoatra ny hafa.

Ahitana ireo Rosiana fanta-daza maromaro nodimandry tamin'ny 2015 na talohan'izany kosa ny nanaovana fitadiavana be indrindra amin'ny olona ambony,  anisan'izany ny kintan'ny pop Zhanna Friske, mpanao politika Boris Nemtsov, andrarezin'ny dihy Maya Plisetskaya, mpilalao sarimihetsika Lev Durov, ary mpamokatra horonan-tsarimihetsika Eldar Ryazanov. Saingy nahazo ny lazany ihany koa ny mpandray anjaran'ny Eurovision miaro ny voninahitr'i Rosia, Polina Gagarina, ary nahazo ny laharana faharoa teo amin'ireo olona be mpitady an'aterineto indrindra ao Rosia.

Ahitana ny sary namboarina hihomehezana an'i Carl avy ao amin'ny andian-tantara mitohy Walking Dead (izay ampitovian'ny Rosiana amin'ny gusto), ny sary namboamboarina “inona ny lokon'ny akanjo“, ary ny ny sary namboamboarina sarotra adika “Ничоси” teraka tao amin'ny tambajotra sosialy Rosiana VKontakte ny nanaovana fitadiavana be indrindra tamin'ireo “ny sary namboamboarina malaza tao amin'ny RuNet.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.