Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Misy tokoa ve ny zavatra lazaina ho ‘Soatoavina Eoropeanina'?

Europe Day 2008 / Participants at the Square of the european promise Photo: Sabitha Saul; published with permission

Andron'i Eoropa 2008: Mpandray anjara ao amin'ny Kianjan'ny Fampanantenana Eoropeanina. Saripika: Sabitha Saul; nahazoana alalana

Tsy dia vaovao loatra intsony ny fisian'ny hevitra “soatoavina Eoropeanina”, saingy noho ny fisian'ny fanafihana nahafaty olona tamin'ny Novambra teo tao Parisy sy ny firohotan'ny olona tonga ao amin'ny kaontinanta — ary ny fiakatry ny nasionalisma sy ny fankahalam-bahiny mampanahy izay nanaraka izany — dia hita ho nampisy adihevitra indray ny tsirinkevitra.

Misy ve ny fitsipika fototra iraisan'ny firenena 28 mpikambana ao amin'ny Vondrona Eoropeanina? Koa raha misy izany dia inona avy izy ireo? Ary mbola mamelona ny idealiny manokana ve i Eoropa?

Nanangana ekipa ny bilaogera alemana Johannes Korten sy ny artista Jochen Gerz hanasana ny Eoropeanina rehetra handray anjara amin'ny diabem-pifaliana am-bilaogy amin'ity lohahevitra ity indrindra. Nanoratra i Korten:

These days, this idea is seriously being questioned. It becomes more and more evident that the idea of an “official” Europe had been marked specially by financial and economic interests. And as long as challenges and conflicts of interest could still be solved with money, the European idea seemed to be “OK”.

Now, hundreds of thousands of people are on their way to this very same Europe. They flee from war, violence and terror or they flee from economic hardship, which often results from our own consumer behavior or geostrategic interests. The challenges provoked by this influx of people who search for peace and happiness in Europe cannot be solved solely with financial resources. Europe is rich enough to accommodate these people. The challenges lie on quite different levels. They are cultural. They constitute a real test for what is often referred to as “European values” in major speeches, be it speeches for peace prices or for similar occasions.

Tao ho ao izay dia nifanontaniana indray ity hevitra ity. Mihamiharihary fa voamariky ny tombontsoa ara-bola sy ara-toekarena ny fisian'izany Eoropa “ofisialy” izany. Ka raha mbola voavahan'ny vola ireo fanamby sy fifandroritan-tombontsoa izany dia mbola “ao tsara” izany hoe Eoropeana izany.

Ankehitriny, an'hetsiny ny olona an-dalana ho ao amin'izany Eoropa izany. Mandositra ady, herisetra ary fampihorohoroana ry zareo na mandositra fahasarotam-piainana ara-toekarena, izay matetika vokatry ny fomba fanjifantsika na tombontsoantsika ara-jeostratejika. Tsy voavahan'ny loharanombola fotsiny irery ny fanamby ateraky ny firohotan'ny olona mitady fandriampahalemana sy fiadanana ao Eoropa. Ampy ny harenan'i Eoropa handraisana ireo olona ireo. Any amin'ny ambaratonga hafa no mipetraka ny fanamby. Resaka kolontsaina. Eo no tena itsapana ilay lazaina matetika ho “Soatoavina Eoropeanina” amin'ny kabary lehibe, na kabary itadiavam-pandriampahalemana izany na amin'ny antony hafa mitovitovy amin'izany.

Gerz ilay artista ao ambadiky ny “Kianjan'ny Fampanantenana Eoropeanina” ao Bochum, Alemaina, izay nokasaina hotokanana amin'ny 11 Desambra 2015. Nanokana ny folo taona farany ho amin'ny famoronana ilay kianja izy, ka ao anatin'izany no hanoratana anaran'olona 14.726 nanao fampanantenana ho an'i Eoropa. Tazonina ho tsiambaratelo ny andraikitra nataon'ny tsirairay ho amin'izany, fa hanehoana ny fampanantenana an'ilay fimaroana tafatambatra an'i Eoropa ny anarany atao sokitra ao anaty kianja.

Ny toera-piaingan'ilay artista dia lisitra roa efa misy ao amin'ny Fiangonan'i Kristy, eo ankilan'ny kianja: ny iray ahitana “fahavalon'i Alemaina” miisa 28 tamin'ny taona 1931 ary ny iray hafa amin'ny matin'ny Ady Lehibe Voalohany. Tian'i Gerz ny hampifangarika azy ireo amin'ny “lisitry ny velona”.

Tohizan'i Korten ny fientanany hanaovana diabem-pifaliana am-bilaogy amin'ireo andiam-panontaniana eritreretin'ny olona maro ao Eoropa amin'izao fotoana izao :

These days, we need to find the answers to urgent questions. Our policy needs to, but so does each and everyone of us. What is our freedom worth to us? What is the others’ freedom worth to us? Do we realize and appreciate our good fortune to live in democratic societies? What is our education worth to us? Our culture, our cultures? How we deal with each other, in this Europe? Is there still something like a common idea? An idea of what this Europe could stand for, besides economic prosperity?

Tao ho ao izay dia mila mahita ny valin'ny fanontaniana maika isika. Mila anaovana izany ny politikantsika, saingy tahaka izany ihany koa ny tsirairay sy isika rehetra. Inona ny fahafahantsika sahaza ho antsika? Inona ny fahafahan'ny hafa sahaza antsika? Tsapantsika sy ankafizintsika ve ny harena tsara ao amintsika miaina ao anaty fiarahamonina demôkraty? Inona ny fanabeazantsika sahaza ho antsika? Ahoana ny ifandraisantsika amin'ny hafa, ao amin'ity Eoropa ity? Mbola misy ve ny zavatra toy ny hevitra iraisana? Hevitra mety ijoroan'ity Eoropa ity, ankilan'ny fanambinana ara-toekarena?

Tian'ny mpisantatra ny diabem-pifaliana am-bilaogy ny hanomboka fifanakalozan-kevitra amin'ny dikan'i Eoropa amin'ny maha-tsirinkevitra azy ho an'ny olompirenena ao aminy. Fantaro bebe kokoa ny fomba handraisana anjara amin'izany amin'ny fitendrena an’ity.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.