Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ara-drariny Ve Ny Fanomezan-doka Sarina Lehilahy Haitiana Mpifindramonina Mandro Nalaina Sary Tao Brezila?

Pico de chegada de migrantes a São Paulo deixou centros de acolhida sobrecarregados. Crédito: Laura Daudén/ Conectas.Org/Fotos Públicas (29/04/2014)

Ny fitombon'ny fahatongavan'ireo mpifindramonina ao São Paulo, foibe fandraisana feno olona.
Sary: Laura Daudén/ Conectas.Org/Fotos Públicas (29/04/2014)

Sokajiana ho iray amin'ireo fankasitrahana lehibe indrindra eo amin'ny asa fanaovan-gazety Breziliana ny Amboara Vladimir Herzog. Notontosaina tamin'ny fanohanana avy amin'ny Firenena Mikambana, anarana mpanao gazety novonoin'ny didy jadona Breziliana tamin'ny 1975. Saingy tamin'ity taona ity, niteraka adihevitra ny iray tamin'ireo voafantina, ary nampanontany ny andraikitra ara-tsosialin'ny asa fanaovan-gazety.

Ny sangan'asa nahazo loka tamin'ny sokajy sary dia avy amin'ilay mpakasary Ronny Santo, sarina lehilahy Haitiana mandro tampoka ao amin'ny faritry ny Missão Paz (Misionan'ny Fandriampahalemana), fikambanan'ny fiangonana katolika ao São Paulo, tamin'ny volana Mey 2015. Navoaka tamin'ny ny gazety Agora sy Folha de S. Paulo, gazety roa anisan'ny lehibe indrindra ao Brezila, niteraka fahatezerana teo amin'ireo mpifindramonina sy fikambanana misahana resaka mpifindramonina ny sary.

haitiano-ronny

Sarin'ilay lehilahy Haitiana nalaina tamin'ny volana Mey tao amin'ny efitra fandroana ao Missão Paz, toerana feno mpifindramonina tamin'izany fotoana. Nahazo ny loka Vladimir Herzog momba ny famontsoran-keloka sy ny zon'olombelona ny sary tamin'ny volana Oktobra. Sary: ARFOC-SP/Divulgação

Tsy ela taorian'ny nivoahan'ny sary, namoaka taratasy miampanga izay heveriny ho “asa fanaovan-gazety manaitaitra” ny Missão Paz, tarihin'ny mpisorona Italiana Paolo Parise:

Algumas reportagens se aproveitam dessa situação para invadir a privacidade alheia, expondo os migrantes sem sua autorização de forma que as imagens dessas pessoas acabam se tornando um produto a ser comercializado de maneira totalmente desumana. O objetivo da mídia em meio a essas crises é pressionar o Estado para tomar uma atitude, e não constranger aqueles que mais precisam de assistência.

Manararaotra ny toe-javatra ny tatitra sasany mba hitsabahana amin'ny fiainana manokan'ny hafa, mampiseho ireo mpifindramonina tsy nahazoana alalana avy amin'izy ireo, ka manjary lasa vokatra ara-barotra amin ‘ny fomba tsy manaja ny maha-olona tanteraka ny sarin'ireo olona ireo (mpifindramonina). Ny tanjon'ny fampahalalam-baovao ao anatin'izany krizy izany dia ny hanery ny fanjakana mba handray fepetra, fa tsy hanelingelina ireo izay mila fanampiana indrindra.

Nalaina tao anatin'ny toe-javatra manokana ny sary: tamin'izany fotoana izany, mpifindramonina avy amin'ny firenena samy hafa – Haitiana, amin'ny ankapobeny – no nivantana tao Brezila tamin'ny alalan'ny fanjakan'i Acre, ao amin'ny sisintany ifandraisana amin'i Però sy Bolivia. Tsy ampy fotodrafitrasa sahaza sy noho ny fanampiana kely avy amin'ny governemanta federaly, nalefan'ny governemantan'i Acre tao anaty fiara fitateram-bahoaka hafa ireo mpifindramonina mba hamonjy fanjakana hafa, tahaka an'i São Paulo.

Nitolona ireo vondrona fiarahamonim-pirenena manampy ny mpifindramonina ao São Paulo mba hahazo fahafaham-po ny fangatahana . Nilaina mihitsy ny Missão Paz mba hampiantrano ireo mpifindramonina nomena kidoro ilafihana ao amin'ny efitrano malalaka iray noho ny tsy fahampian'ny toerana.

Manoloana ny fanambarana ny sary ho anisan'ireo mpandresy tamin'ny Lokan'ny Famotsorankeloka sy ny Zon'olombelona   Vladimir Herzog tamin'ity taona ity, dia nangataka tamin'ny komity mpikarakara ny loka ny Missão Paz sy ny Fikambanana Haitiana ao São Paulo mba hihevitra indray ny safidin'izy ireo.

Tamin'ny taratasy misokatra nalefa tany amin'ny komity, nilaza ny Fikambanana Haitiana hoe:

Comentamos aos jornalistas e fotógrafos ‘se gostariam que alguém entrasse em sua casa e fizesse fotos enquanto tomavam banho’. Conversamos com os haitianos que estavam no salão da igreja quando o fotógrafo bateu as fotos. Ele não pediu autorização. Muito mal educado, ele entrou no banheiro e fez as fotos. O haitiano foi embora de São Paulo com muita vergonha. Estamos tristes como organização e como haitianos.

Nangataka tamin'ilay mpanao gazety sy mpaka sary izahay ‘raha tian'izy ireo hisy olona hiditra ao an-tranon'izy ireo ary maka sary azy ireo eo am-pidiovana.’ Niresaka tamin'ireo Haitiana tao amin'ny efitranom-piangonana izahay raha nitifitra ny sary ilay mpaka sary. Tsy nangataka alalana. Tsy mahalala fomba tanteraka, niditra tao amin'ny trano fidiovana izy ary naka ny sary. Sadaikatra tanteraka ilay lehilahy Haitiana (nalaina sary) nandao an'i São Paulo nony farany. Malahelo izahay amin'ny maha-fikambanana sy amin'ny maha-Haitiana anay..

Tao anatin'ny taratasy ihany, nilaza ny Fikambanana Haitiana fa tsy nisy na dia gazety iray na dia fahitalavitra iray aza niresaka ny fahatezeran'ny fiarahamonina.

Na izany aza, nihazona ny safidiny ihany ny komity mpikarakara ny loka. Tamin'ny antsafa tao amin'ny bilaogy MigraMundo, nanamafy ny fanapahan-keviny ny komity:

Entendemos que as informações sobre as instalações de emergência, e alegações sobre o constrangimento do fotografado e da comunidade haitiana apontados pelo Padre não retiram a importância da fotografia em termos de denúncia pública de um problema social. Concluímos que houve esforço na tentativa de preservar a imagem do fotografado, e neste caso, os danos à sua imagem e dos haitianos aludidos pelo Padre Paolo seriam menores do que aqueles causados pela não valorização ou supressão de informação sobre uma situação de grande relevância nacional e global, que é a falta de condições de instituições estatais e sociais para recepcionar os imigrantes.

Fantatray ny vaovaon'ny raharaham-bonjy taitra, na ny fitarainana momba ny hasadaikatra amin'ny lohahevitra sy ny fiarahamonina Haitiana nolazain'ny pretra raha resaka tsikeram-bahoaka momba ny olana ara-tsosialy no lazaina dia tsy mampihena ny maha zava-dehibe ny sary . Nahita izahay fa nisy ny ezaka niarovana ny endrik'ilay olona nalaina sary, ary amin'izay fotoana izay, ny fahavoazana amin'ny sariny sy ny sarin'ny Haitiana nolazain'ny mompera Paolo dia tsy manandanja kokoa noho ny fahavoazana ateraky ny tsy fanomezan-danja na fanafoanam-baovao miresaka toe-javatra mahasahana ny firenena sy manerantany, amin'ny tsy fisian'ny toerana any amin'ny tranom-pikambanana ara-piarahamonina na an'ny fanjakana mendrika handraisana mpifindra monina

Tamin'ny antsafa tao amin'ny MigraMundo ihany, nilaza ilay mpakasary, Ronny Santos fa nahazo alalana tamin'ilay lehilahy Haitiana izy mba haka ny sary:

“Em nenhum momento o personagem faz menção de proibir as fotografias ou usar as mãos ou os braços para indicar que não quer ser fotografado. Simplesmente continua tomando seu banho sabendo que as fotografias estavam sendo tiradas. Depois disso, saí e o haitiano continuou se lavando”.

Tsy ahitana ilay olona mampiseho fandraràna ny sary mihitsy na mampiasa ny tanany sy ny sandriny mba haneho fa tsy te halaina sary izy. Nanohy nandro fotsiny izy, fantany fa nalaina sary izy. Taorian'izany, niala aho ary nanohy nandro ilay lehilahy Haitiana.

Nilaza ihany koa i Santos fa na dia tohina tamin'ny zava-niseho aza izy, adidiny ny maka sary.

“Entendo a posição das entidades e entendo as críticas, mas o desrespeito estava acontecendo e eu, profissionalmente, tive que fotografar”.

Azoko tsara ny fihetsiky ny fikambanana ary azoko tsara ny tsikera, saingy nisy ny tsy fanajana ary tsy maintsy naka ny sary tamin'ny fomba matihanina aho.

Saingy tsy naharesy lahatra ny Missão Paz sy ny hafa nandray anjara tamin'ny fandraisana sy ny fikarakarana ny mpifindra monina ny tohan-kevitr'ilay mpakasary sy ny komity. Ankoatra ny taratasy vaovao fandavana ny sary, nanatontosa fanangonan-tsoniam-bahoaka hahazoana fanohanana sy hanoherana ny fifantenana ny sary ihany koa ny fikambanana:

“Tal premiação está abrindo um perigoso precedente de que mais importa uma foto em si do que os direitos humanos do fotografado. Nesse sentido, é possível destacar diversos outros trabalhos fotográficos que contribuem para a função social da mídia de informar e sensibilizar a população e o governo para a causa das imigrações, sem denegrir e violar direitos humanos”.

Manokatra modely mampidi-doza ny fanomezan-doka sary tahaka izany izay zava-dehibe kokoa noho ny zo maha-olona an'ilay olona nalaina sary. Amin'izany hevitra izany, azo atao ny manasongadina asa sary maro hafa izay manampy amin'ny asa ara-tsosialin'ny haino aman-jery mikasika ny fampahafantarana sy ny fanentanana ny mponina sy ny manampahefam-panjakana mikasika ny fifindra-monina, tsy mila manevateva na manitsakitsaka ny zon'olombelona.

Nitsikera ny famoahana ilay sary ihany koa ilay mpanao gazety Boliviana Antonio Andrade, miandraikitra ny vavahadin-tserasera Bolívia Cultural sy Planeta América Latina:

“Nossas dores não podem ser utilizadas como ferramenta de humilhação ou desvalorização do ser humano! O contexto deve ser mais profundo e menos banal! Como comunicador, acredito que a ética do profissional estará sempre à frente do comunicador, que deve ter seus valores focados na humanização da informação e nunca na desmoralização da mesma”.

Tsy azo ampiasaina ho fitaovana hanalana baraka na tsy manome lanja ny maha-olombelona ny fahoriantsika! Tokony ho lalindalina kokoa sy tsy dia mahazatra ny toe-javatra! Amin'ny maha olon'ny haino aman-jery ahy, mino aho fa ny etika maha-matihanina dia miaraka amin'ny mpanao gazety hatrany, izay tsy maintsy manana ny lanjany mifantoka amin'ny fanajana ny maha-olona amin'ny fampitam-baovao fa tsy amin'ny fanakiviana na oviana na oviana.

Rodrigo Borges Delfim no tonian-dahatsoratra ao amin'ny bilaogy MigraMundo, voalaza ao amin'ny lahatsoratra.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.