Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Vehivavy Nomena Voninahitra Noho Ny Zavabitany Ho An'ny Fanatanjahantena

20151110_CM_WomenSportawardceremony

Avy ankavia miankavanana: Sara Rosario Vélez avy amin'ny Kaomity Olaimpika ao Puerto Rico, akaikin'i  Stavroula Kozompoli (Eorope); Kereyn Smith, Sekretera Jeneralin'ny Kaomity Olaimpika ao New Zealand; Thomas Bach, filohan'ny Kaomity Olaimpika Iraisampirenena (IOC); Lydia Nsekera, filohan'ny Kaomisiona Iraisampirenen'ireo Vehivavin'ny Fanatanjahantena; Sheika Hayat Bint Adbulaziz Al Khalifa (Azia); ary Mervat Hassan (Afrika) nandritry ny lanonana fanolorana maripankasitrahana tao amin'ny Mozean'ny Olaimpika tao  Lausanne, Soisa. Sary natolotry ny IOC, Christophe Moratal.

Vehivavy dimy avy amin'ny faritra samihafa eto amin'izao tontolo irao no notolorana ny Loka “Women in Sport Trophy”, izay atolotry ny Kaomity Olaimpika Iraisampirenena (IOC) ho fankasitrahana ireo olomalaza sy fikambanana izay nanampy nampivoatra sy nampiroborobo ny fandraisana anjaran'ny vehivavy amin'ny sehatra rehetra eo amin'ny fanatanjahantena, anisan'izany ny resaka fitantanan-draharaha sy ny fitànana toeranà mpitarika.

Tamin'ity indray mitoraka ity, ny loka Olaimpika, izay efa hatramin'ny 2000 no natolotra ireo solontena avy amin'ny tanibe tsirairay avy, dia nomena an'i : Sara Rosario Vélez avy amin'ny Kaomity Olaimpika ao Puerto Rico (any Americas), ilay Ejiptiana mpanao gazety Mervat Hassan (Afrika), Sheikha Hayat Bin Abdulaziz Al Khalifa avy ao Bahrain (Azia), Stavroula Kozompoli (Gresy), ary ilay Aostraliana nahazo medaly Olaimpika, Cathy Freeman (Oseania). Ny Kaomity Olaimpika ao  New Zealand, nahazo ny Loka Manerantany, dia i Kereyn Smith Sekretera Jeneraliny no nisolo tena azy.

Ilay hetsika, natao tamin'ny 10 Novambra tao amin'ny Mozea Olaimpika ao Lausanne, Soisa,   dia nankalazàna ihany koa ny faha-roapolo taonan'ny Kaomisiona “Women in Sport” ao amin'ny IOC (Kaomisionan'ireo vehivavy misehatra amin'ny fanatanjahantena), izay naorina tamin'ny 1995, rehefa nanao ny Vovonana Fahaefatra Manerantany Ho An'ny Vehivavy tany Beijing, Shina ny Firenena Mikambana. Ny Fanambaràn'i Beijing dia nametraka tanjona lehibe maromaro sy fepetra ho fampiroboroboana ny vehivavy sy ny zon'ny vehivavy. Miaraka amin'io rafitra io, niaro mandrakariva ny hisian'ireo vehivavy ao amin'ny sehatry ny fanatanjahantena manerana izao tontolo izao efa ho nandritry ny roapolo taona ny Kaomity Olaimpika Iraisampirenena.

Thomas Bach, filohan'ny IOC, sy Lydia Nsekera, filohan'ny Kaomisiona  ” Women in Sport”, dia samy naneho ny fahafahampòny tamin'ny fitomboan'ny fifandanjan'ny isan'ny lahy sy vavy amin'ireo Lalao Olaimpikan'ny Tanora 2018 hatao any Buenos Aires, izy hahitàna ny fandraisana anjara be indrindran'ireo vehivavy teo amin'ny tantaran'ny lalao.

Tao amin'ilay lanonana, samy nanindry ny tanjaka ananan'ny fanatanjahantena amin'ny andrisihana ny vehivavy ireo solontena tsirairay nahazo loka. Nomarihan'ny solontenan'i New Zealand, Kereyn Smith, fa 50 isantajo tamin'ireo medaly volamena azon'ny solontenan'i New Zealand tamin'ny Lalao Olaimpika dia vehivavy no nandrombaka azy. “Fantatray fa, amin'ny alàlan'ny fanatanjahantena, azon'ny vehivavy atao ny manangana sy mampiseho fahaizamanao toy ny vitan'ireo mpitarika goavana ihany koa—niasa mafy izahay mba hanomezana tanjaka sy hampiroboroboana io rohy io.”

"Sara

Sara Rosario miresaka amin'ireo mpanotrona tao anaty efitrano fanaovana fety “Pierre de Coubertin”, toerana nanaovana ny lanonana. Sary natolotry ny  IOC, Christophe Moratal.

Sara Rosario, vehivavy voalohany voafidy ho filohan'ny Kaomity Olaimpika ao Puerto Rico tamin'ny 2012, niteny tety anjorony ho an'ny mpanao gazety hoe:

Este es un premio por el que realmente mucha gente ha trabajado. Son muchos los trabajos que hemos hecho junto a las federaciones nacionales, junto a cada presidente federativo, junto a todos los atletas. Todas esas mujeres que por tanto tiempo han dedicado horas y horas al deporte como atletas, como entrenadoras, en los medios de comunicación, como presidentas federativas, como jueces, como árbitros, en fin, en tantas facetas. Yo creo que el (hecho de) que Puerto Rico sea hoy recipiente de este premio representando al continente de América, aquí en Lausana, en los 100 años (del Comité Olímpico Internacional en este lugar), debe ser motivo de satisfacción para todos los puertorriqueños.

Tena marina, asan'olona maro no mitambatra ato anatin'ity loka ity. Nisy asa betsaka niarahanay nanatontosa tamin'ireo fikambanana nasionaly, niaraka tamin'ireo filohanà federasiona isanisany avy, niaraka tamin'ireo atleta rehetra. Ireo vehivavy rehetra nandany ora maro ho an'ny fanatanjahantena amin'ny maha-atleta azy, maha-mpikarakara, tany anaty media, filohanà federasiona, mpitsara, [sy] amin'ny maha-mpampihatra fitsipika azy—amin'ny teny fohy dia hoe tamin'ny fomba marobe. Heveriko fa tokony ho antony iray hanome fahafahampo ho an'ny Porto Rikàna rehetra hoe (ny zavamisy dia) i Puerto Rico androany no notolorana ity loka ity izay misolo tena ny tanibe Amerika manontolo, eto Lausanne, tato anatin'ny 100 taona (izay nisian'ny Kaomity Olaimpika Iraisampirenena teto).

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.