Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Volavolan-dalàna Vaovao Mangataka Ny Hibahanana Ny WhatsApp Sy Google Tsy Ho An'ireo Rosiana Manampahefana

Social media aficionado Dmitry Medvedev and other Russian officials could face a ban on some online communications services. Images mixed by Tetyana Lokot.

Mety hiatrika fandraràna tsy ho afaka miditra amin'ny sasany amin'ireo tolotra fifaneraseràna anaty aterineto ry Dmitry Medvedev, praiminisitra sady mpankafy hazakazaky ny omby ao amin'ny media sosialy, ary ireo Rosiana hafa manampahefana. Sary nafangaron'i Tetyana Lokot.

Sosokevitra ao anatin'ilay tolodalàna vaovao napetrak'ilay mpanao lalàna avy amin'ny Antoko Kaominista, Vadim Solovyov, ao amin'ny Domàm-panjakàna Rosiana (parlemanta) ny tokony handraràna ireo mpiasam-bahoaka sy manampahefana ao amin'ny governemanta tsy ho afaka hiditra amin'ireo fampiasa novokarina avy any ivelany ho fandefasana hafatra, ireo milina fikarohana, ary hatramin'ny finday aza.

Ho an'i Solovyov, maro ireo Rosiana manampahefana “amin'izao fotoana izao no mampiasa ireo rindrambaiko (toy ireo milina fikarohana ao amin'ny aterineto sy ireo fampiasa fandefasana hafatra) ary ireo fitaovana fifandraisana (toy ny kazarana finday sasany) izay ahafahan'ireo sampam-pitsikilovana vahiny miditra mora foana amin'ny tsiambaratelo sy torohay ofisialy,” hoy ny tatitry ny masoivohom-baovao TASS.

Sosokevitra ao anatin'ilay volavolan-dalàna ny hanitsiana ilay lalàna Rosiana “Momba ny raharaham-bahoaka ao anatin'ny Federasiona Rosiana,” voalazan'ny Andininy faha-17 izay mamaritra ireo asa/fihetsika voaràra ho an'ny mpiasam-panjakana iray. Tolokevitr'i Solovyov ny hanampiana fandraràna iray ho an'ny sasantsasany amin'ireo rindrambaiko sy teknolojia fifandraisana, na dia tsy faritan'ilay volavola aza hoe hihatra fotsiny amin'ny asa mifandray amin'ny resaka serasera ilay fandraràna, na hatramin'ny resaka manokan'ireo manampahefana.

Пользоваться программными продуктами или техническими средствами связи, которые могут использоваться для несанкционированного доступа к сведениям конфиденциального характера или служебной информации.

Ho [fandraràna ny] fampiasàna [ireo] rindrambaiko na teknolojian'ny fitaovana fifandraisana izay afaka ampiasaina aminà fitsofohana tsy voasazy ao amin'ny tsiambaratelo na torohay na angondrakitra ofisialy.

Tsy manome lisitra ahitàna ireo rindrambaiko voafaritra manokana fehezin'ilay lalàna ilay andalan-teny, fa manosoka hevitra hoe didim-panjakana hafa avy amin'ny Filoha Rosiana no hamaritra ny lisitra tahaka izany. Ilay mpanao lalàna izy tenany mihitsy no nilaza tamin'ny masoivohom-baovao RBC fa ny fanovàna avy aminy dia mikendry ireo milina Tandrefana Google sy Yahoo! natao ho fikarohana, hatramin'ilay WhatsApp fampiasa ifandefasana hafatra .

Nohazavain'i Solovyov fa ny hetsika nataony dia natosiky ny fitomboana tsy mitsahatr'ireo fanafihana ety anaty tontolon'ny cyber manjo ny rafitra fampitàm-baovao ampiasain'ireo Rosiana manampahefana, ary nolazainy fa ny fandraràna ireo fampiasa sy fitaovam-pifandraisana sasany dia mety “hanampy amin'ny fampivoarana betsaka ny fiarovana ny tsiambaratelo sy ny torohay ofisialy.”

Amin'izao fotoana izao, ny fanitsakitsahana ny lalàna momba ny asam-panjakana (izay kasain'i Solovyov hasiana fanitsiana) dia mitondra ho amin'ny famaizana ara-pitsipika sy amin'ny asa, saingy mino i Solovyov fa ireo izay manitsakitsaka ny fenitra naroso ka manohy mampiasa fitaovana vokatra avy any ivelany dia mety hiatrika fanenjehana ara-pitantànana na hatramin'ny resaka heloka bevava, indrindra fa raha mitondra mankany amin'ny fiporitsahan'ny torohay sy manohintohina ny filaminam-pirenena ny zavatra nataon'izy ireo.

Leonid Levin, lehiben'ny kaomisiona ao amin'ny Domà mpanjakana momba ny politikan'ny fampitambaovao, nilaza tamin'ny masoivohom-baovao RBC fa tsy hitany izay ilàna karazana fanitsiana tahaka izany amin'ilay lalàna. “Misy lalàna iray momba ny asam-panjakàna, manana ny torolàlana natao ho azy samirery ireo sampandraharaha manokana. Tsy hitako izay tokony ho antom-pisian'ny fepetra fanampiny eto,” hoy ny voalaza fa nambaran'i Levin.

Ny 16 Novambra, Aleksandr Ageyev, Rosiana mpanao lalàna niantso ny sampandraharana Rosiana Mpitsikilo (FSB) hijery izay ahafahana maneritery ny fidiran'ny Rosiana mpampiasa aterineto amin'ilay “Telegram” fampiasa ifandefasana hafatra, tamin'ny fiampangàna azy io ho nampiasain'ny vondrona Fanjakàna Islamika handrindràna fanafihana. Hevitra tsy niraisan'i Nikolai Nikiforov, minisitra rosiana misahana ny fifandraisandavitra, ary nilazàny fa tsy tokony hanakana ny “Telegram” na ireo fampiasa ifandefasana hafatra ireo manampahefana, fa tokony hamantatra sy hanenjika ireo izay manao fihetsika tsy araka ny lalàna.”

Ny Jolay 2015, Ivan Tavrin, filohan'ny Megafon, Rosiana mpanome tolotra fifandraisandavitra, dia nitaky fepetra henjankenjana kokoa araka ny lalàna ho ampiharina amin'ireo fandefasana hafatra WhatsApp, Viber, sy Skype. Ny Jona 2015, Alexandr Zharov, lehiben'ny Roscomnadzor, ilay toy ny alika mpiambina ny media Rosiana, dia nanosoka hevitra hoe tokony hamokatra tolotra fandefasana hafatra ho azy manokana i Rosia, tao anatin'ny hetsika iray hanoloana ireo vokatra ara-tsakafo sy tolotra avy any ivelany amin'ireo vokatra avy eo an-toerana ary hanamafy ny fiarovana ny torohay nasionaly.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.