Niteraka tabataba be ny nataon'ilay filohan'ny Antenimieram-pirenena ao New Zealand, David Carter, taorian'ny nandroahany ireo vehivavy marobe mpikambana ao amin'ny Parlemanta izay niezaka namaky bantsilana fa hoe niharan'ny sotasota ara-nofo izy ireo.

Ilay fifandirana dia narahan'ny famelezan'ny Praiminisitra John Key ireo mpikambana avy amin'ny mpanohitra ho “ao an-damosin'ireo mpanolana”, tamin'ilay fitazonana olompirenena niteraka resabe tao New Zealand any Aostralia. Niandry ny valin'ny fampakàrana didy momba ny fandroahana azy ireo ry zareo ireo, izay mihatra amin'ireo efa nanana raharaha fidirana am-ponja maherin'ny taona iray.

Notsindrian'ny Praiminisitra ny zavamisy, hoe ny ankamaroan'ireo olompirenena avy ao New Zealand voatàna am-ponja any Aostralia dia noho ny resaka vono olona sy fanolanana avokoa.

Nahatsiaro tohina tamin'ny fanamarihana nataon'ny praiminisitra ny sasany tamin'ireo vehivavy ao amin'ny Parlemanta ka nitaky  fialantsiny avy amin'ilay mpitarika. Ny sasany tonga hijoro vavolombelona hoe niharan'ny sotasota ara-nofo izy ireo saingy nosakanan'ilay mpandray fitenenana.

If you wonder why sexual assault victims don’t speak up, just note how Speaker Carter dismissed those who did https://t.co/MwsiciB1XW

— Philip Fierlinger (@skyrize) November 11, 2015

Raha manontany tena ianareo ny antony tsy itenenan'ireo niharan'ny sotasota ara-nofo, dia mariho fotsiny ny fomba nanilihan'ny Filohan'ny Antenimiera ireo nanao izany

Fahatsapàna iray ifampizaràn'ny betsaka no nasehon'i Paul Williams tao amin'ny Twitter eo ambanin'ny tenifototra #SacktheSpeaker :

Disgusted with our government right now https://t.co/aejQLA4Q6h #sackthespeaker

— Paul Williams (@paulwilliamsnz) November 11, 2015

Rikoriko amin'ny governemantantsika amin'izao fotoana izao

Maro no velona ahiahy hoe nohamaivanin'ny fampiasan'ny politika azy io hakàna vato fotsiny ny olan'ny sotasota ara-nofo :

Trivalising rape is easy, coming forward is hundreds times harder #SackTheSpeaker #HoldKeyAccountable

— rediscoveringcabot (@anderson_rosie) November 11, 2015

Mora ny tsy manisy vidiny ny fanolànana, fa in-jato sarotra kokoa ny miroso hatrany

Nanaiky i Eleni Grace, tamin'ny fizaràna ny lahatsarin'ny Antoko Maitso momba ilay andrana hamaky bantsilana tao amin'ny Parlemanta.

Rape is not something to be trivialised #1in4 women @JohnKeyPM you seem to need the reminder #sackthespeaker https://t.co/Ya8QBqHBa1

— Eleni Grace (@this_isnt_eleni) November 11, 2015

Zavatra tsy tokony hatao tsinontsinona ny fanolànana. Vehivavy #1amin-ny4 ry @JohnKeyPM Toa mila mamerina mitadidy ianao

Dia nanana ny mpanohana azy ingahy Filoha David Carter, izay ny sasany nanontany ny maha-mahitsy sy mendri-kaja ireo izay naneho hatezerana tamin'ilay tranga :

Tired of faux outrage, members heckling other members on the way to Parliament, and grandstanding by throwing tantrums and walking out #nzqt

— James Halcrow (@JimmyHalcrow) November 11, 2015

Leo ny mody hoe hatezerana, sy ireo mpikambana mihorakoraka ireo mpikambana hafa ho any amin'ny Antenimiera, ary mampivanàka amin'ny famoahana krizinà fahatongavam-pofona sy fandehanana mivoaka ny trano

Tsy nitsitsy mihitsy i Allan Buxton tamin'ny kiana nataony :

Those MP's who just made those points of order to get thrown out are nothing but scum. #NZQT. I know that sounds harsh but it's a fact IMHO

— Allan Buxton (@RamjamNZ) November 11, 2015

Tsinontsinona fa erotra mandroatra ireny Parlemantera izay nanao fotsiny ny hamoahana azy hivoaka ny trano ireny. #NZQT. Fantatro fa mandratra ny mandre izany saingy izany no zavamisy raha ny hevitro manokana

Raha raisina an-tànana hotsaraina, tsy naman'ny Praiminisitra Key i ArrestJK ary mety te-hahita endrika demaokrasia hafa ampiharina:

Now that #nzqt seems to be the top rating reality show, can we start to vote people off it? John Key or David carter tough choice #nzpol

— ArrestJK (@ArrestJK) November 12, 2015

Amin'izao fotoana toa maha-lohalaharana ny #nzqt amin'ny seho mivantana izao, afaka manomboka mifidy olona ao ve isika? John Key sa David Carter, safidy henjana

Nanolotra vahaolana somary misy asa famoronana kokoa aza i Matthew Codd:

Launch John Key and David Carter into the sun.

— Matthew Codd (@MC_Odd) November 12, 2015

Atsipazo eny amin'ny masoandro i John Key sy David Carter

F'izany eo ihany, azo anaovana fanamby fa tsy ho matetika ho lohalaharana amin'ny fironana nasionaly ao amin'ny Twitter akory ny filohan'ny antenimiera ao New Zealand :

David Carter is now trending TOP in NewZealand. Visit https://t.co/MSDhFJQIZV for Top videos in your area pic.twitter.com/zwMMbKcfkH

— Trendsinnewzealand (@newzealandtrenz) November 11, 2015

Fironana LOHALAHARANA ao New Zealand i David Carter ankehitriny. Tsidiho ny https://t.co/MSDhFJQIZV   hijerena ireo lahatsary sangany any amin'ny faritra misy anareo