Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mpiandry Raharaha Ao Amin'ny Firenena Shinoa Mandrisika Ny Olona Hitoroka Ireo Ahiahiana Ho Mpitsikilo

A comic describing spies stealing national security for money. Image from Weibo.

Sary mampihomehy mamaritra ireo mpitsikilo mangalatra ny fiarovam-pirenena noho ny resaka vola. Sary tao amin'ny Weibo.

Ao anatin'ny tsngerintaonan'ny andro nandaniana ilay lalàna manohitra ny asa fitsikilovana ao Shina, natomboky ny Birao Misahana ny Fiarovam-pirenena ny 12339 — fiandrasana raharaha any Jilin , faritany avaratra atsinanana —  ho an'ireo olontsotra, mba hitorohana ireo ahiahiana ho manohintohina ny filaminam-pirenena.

Hatramin'ny nankatoavana ilay lalàna, ny 1 Nvambra 2014 dia efa napetraka any amin'ireo faritany hafa koa ireo fiandrasana raharaha, saingy tsy maintsy mahazo ny faneken'ny governemanta foibe ny fametrahana ilay fiandrasana raharaha ho fihazàna ireo “mpitsikilo” manerana ny firenena.

Kanefa, araka ny tatitra tanaty vaovao, ny biraom-paritra misahana ny fiarovana no nametraka ilay fiandrasana raharaha fa tsy ny manampahefana foibe mivantana. Miteraka fanontaniana vitsivitsy izany. Raha tsy avy amin'i Beijing ny fanapahankevitra, nahoana ireo vavahadin-tseraseran'ireo goavan'ny filazambaovao no nankalaza be ny vaovao momba ilay fiandrasana raharaha, izy ireo izay eo ambanin'ny fifehezan'ny Antoko Kaominista Shinoa daholo? Manana fahefana hitantana fiandrasana raharaha ve ny biraom-paritra nefa tsy nahazo fankatoavana tamin'ireo manampahefana foibe?

Ireo olompirenena Shinoa, etsy ankilany, mijery lavitra mihoatra ny lafiny teknika amin'ny politika tafiditra amin'io. Nanontany tena ry zareo, afaka tena mamantatra ny atao hoe mpitsikilo ve ny olompirenena tsotra?

‘Mijery anao eny an'arabe i Razokibe’

Toa tsy izany no eritreritry ny ankamaroany. Ny sasany nanome petrakevitra hoe voa nafafy mba hitondra saritaka eny anivon'ny vahoaka fotsiny ilay resaka fiandrasana raharaha, na handrisihana ny olona hifamely mihitsy aza, tahaka izay nitranga nandritry ny Revolisionan'ny taona 1960 sy 70, rehefa nitarika fampielezankevitra nahery setra ny Filoha Mao mba handringanana ireo notsaraina ho mpankahala ny kaominista teny anivon'ny fiarahamonina. Tao anaty kofehim-baovao tanatin'ny faritra natao ho an'ny lohateny vaventin'ilay tranonkala Weibo, media sosialy Shinoa, faritan'ny sasany ho “horohoro fotsy” ny zava-mitranga, tetikady hambolena tahotra sy hitazonana ny fahanginan'ny vahoaka :

欲加之罪何患无辞

Dia tena mora ny mahita antony hampidirana am-ponja ny olona.

文革的前奏

Savaranonando ho an'ny Revolisiona Ara-Kolontsaina

白色恐怖,道路以目!鼓励告密,人心惶失!

Horohoro fotsy, mijery anao eny an'arabe i Razokibe. Amporisihana ny hifampitorohan'ny olona mba hampihorohoro azy.

Ny sasany nanome fanamarihana manesoeso :

总感觉城管是间谍。国外敌对势力派来欺压老百姓的!同意的点赞

Toa tsapako ho ny chengguan (Birao Fitantanana an-tanàndehibe sy Fampiharana ny Lalàna) no mpitsikilo, ny hery vahiny no mandefa an-dry zareo mba hamoritra ny olompirenena tsotra! Potsiro ny “tia” raha ekenao.

这还需要举报吗?中央委员以上除了习近平李克强其他都是嫌疑人

Mbola mila mitatitra foana ve isika? Ankoatra ny [Filoha] Xi Jinping sy [Praiminisitra] Li Keqiang, mampiahiahy daholo ireo mpikambana ao anatin'ny Kaomity Foiben'ny Antoko Kaominista Shinoa.

最该被举报的是计生部门,妄图灭我大汉

Tokony mba hitatitra momba ny Ministeran'ny Fandrindrana Fiterahana, niezaka ny nanafoana ny foko Han izy io [tamin'ny famononana zaza tsy mbola teraka akory, tamin'ilay Politikan'ny Zaza Tokana].

我是间谍,求人举报。

Mpitsikilo aho, hisy hitoroka ahy ve izao?

‘Ny kolikoly no tena mamely mafy an'ity firenena ity’

Na izany aza, naneho ny fanohanany ilay rafitra fanaovana tatitra ny sasany tamin'ny olona. Lahatsoratra iray momba ny “Fomba hamantarana ny mpitsikilo eo amin'ny manodidina anao”, navoakan'ny mpandalina aterineto iray miaraka amin'ny anarana tsy fantatra, hoe “Eo anelanelan'ny mandeha sy miverina”, no niparitaka be tany anaty sehatra media sosialy be mpampiasa, isan'ireny ny Weibo sy WeChat:

12339间谍行为举报电话开通,请各位留意身边的各种可疑人员,包括但不限于为外国服务的间谍、内奸、策反人员、情报员、外围代理人等。分辨方式可参考以下信息:

1,工作性质模糊,身兼多职头衔众多且资金充裕的人。
2,在聚会活动中喜欢抛出争议性话题引起争论并暗中观察的人。这样的人往往会根据他人在争论中的表现,与其进一步取得联系,进而渗透策反活动。
3,驻外、涉外记者,家庭式传教人员,部分NGO组织成员。
4,按照名片信息,有正当工作,却上班时间不规律,对名片信息进行核查发现为空壳公司或新公司,及其他信息可疑的人。
5,拥有多国留学经历的留学生,或有跟年龄极不匹配的留学经历的人。
6,经常关心并向身边的人询问敏感问题,不限于政治、军事、舆论、商业等范围的人。
7,定期会去某些地方见人,交换物品或文件。
8,经常参与各类学术研讨会、商业会议,常抛出反动言论,并夸大外国好处的人。

Natomboka ny 12339, sampana mpiandry raharaha hitorohana ireo mpitsikilo. Iangaviana isika hijery ireo olona mampiahiahy eny amin'ny manodidina antsika, anisany, nefa tsy voafetra ho ireo ihany, ny mpitsikilo, mpamadika, mpikotrika, mpanome vaovao ary ireo olon'ny firenena vahiny. Ireto famaritana eto ambany ireto no hanampy anao hamantatra [ny ahiahiana]:
1. Tsy mazava tsara ny anton'asany; manana asa maro ary tsy lany fika.
2. Ireo izay mankafy ny fanosehana lavitra kokoa ireo olana miteraka resabe ary mijery ny valinkafatry ny sasany eny anaty famoriambahoaka. Mety hifandray aman'olona ry zareo arakaraky ny toerana raisin'ilay olona ary hanentana azy hanao hetsika manohitra ny governemanta.
3. Ireo mpifandray amin'ny any ampitan'ny ranomasina sy mpitatitra vaovao, mpanao gazety manana fifandraisana any ampitan'ny ranomasina; mpikambana ao amin'ny fiangonam-pianakaviana, ny sasany amin'ireo mpikarakara ONG.
4. Manana asa mazava ilay olona ao anatin'ny karapanondrony, saingy miovaova be ny ora iasàny. Sandoka ny anaran'ny orinasa misoratra eo amin'ny karapanondrony na orinasa vao haingana no noraketina na manana endrika hafa mampiahiahy.
5. Ireo izay imbetsaka nandeha nianatra tany ampitan'ny ranomasina, na ny taonany tsy mifanaraka amin'ny fari-pahalalana azony tany ampita.
6. Ireo izay liana manokana amin'ireo lohahevitra saropady, anisany, saingy tsy voafetra ho izay ihany, ny politika, ny raharahan'ny tafika, ny fomba fijerin'ny daholobe na ny fandraharahàna.
7. Ireo mandeha mivahiny mba hihaona aman'olona sasantsasany no sady mifampizara fonosana na antontan-taratasy amin'izy ireny.
8. Ireo tsy tapaka manatrika famelabelarankevitra akademika sy fihaonana momba ny fandraharahàna, miresaka momba ny olana manohitra ny governemanta ary mampitombo resaka momba ny tombontsoan'ireo firenena vahiny.

Nahita ilay hafatra anaty aterineto etsy ambony i Yang Hengjun, mpitondra fanehoankevitra malaza amin'izao fotoana izao no sady manampahefana fahiny tao amin'ny governemanta Shinoa, nifindra monina any Aostralia, ary nanakiana hoe mandrisika ny fanenjehana ireo tsy mitovy hevitra amin'ny tena io :

真正的间谍与情报策反人员不可能带着以上特征在中国活动,文革中就是靠这些类似的特征“抓间谍”,结果大家都知道。可对照这些特征,我反而发现一些热中于国家大事与国际事务的知识分子、网络意见领袖、公知与活跃网民,更具有“可疑的间谍特征”,公布电话与这些人的特征,是要干啥?真要让中国回到道路以目的时代?

Mety tsy hanana ireo toetoetra nolazaina etsy ambony mihitsy ireo mpitsikilo sy mpikotrika. Etsy andaniny, nandritry ny Revolisiona ara-Kolontsaina, ny toetoetra tahaka izany no nampiasaina hitsimponana ny mpitsikilo. Fantary ny tsirairay ny vokatr'izany. Araka ireo toetoetra ireo, ireo manampahaizana mahalàla tsara an'i Shina sy ny raharaha iraisampirenena, ireo mpitarika hevitra ety anaty aterineto, ireo manampahaizana olontsotra sy mavitrika dia tsy ho tafiditra mihitsy ao anatin'ilay famaritana. Inona no ilàna ny fametrahana ilay fiandrasana raharaha sy ny namoahana toetoetra tahaka izao? Tena te-hiverina marina amin'ny vanim-potoana nijeren'i Razokibe anao isaky ny kihon-dàlana tokoa ve ianao?

据我所知道,真正危害国家安全与国家利益的贪污腐败如此盛行,几乎我们每个人身边都有,甚至都多少受到过损害,可并没有如此方便的举报电话公布出来,更不用说告诉我们“可疑特征”了,而这些年,对中国的危害反而不那么明显的“间谍”倒成了热点。且不说“抓间谍”是很专业的国家强力部门的工作,普通人除非有了一些疑虑和确凿的证据,否则不应该动不动就举报他人——谁都知道,一旦沾上“间谍”嫌疑,相关部门不会给洗刷,往往让你受害很久

Raha araka izay mba fantatro, ny kolikoly no tena mamely mafy an'ity firenena ity, ary eny amin'ny manodidina antsika eny izy io. Efa niharany mihitsy aza ny sasany tamintsika. Saingy tsy misy mpiandry raharaha ho an'ny kolikoly nambara tanaty fihetsiketsehana be tahaka izany. Tsy misy miteny amintsika hoe ahoana no hamaritana ny toetoetry ny kolikoly, fa dia ny “mpitsikilo” izao no olana mahamay. Aleo apetratsika anjorony ny zavamisy hoe tokony ho anjaran'ireo manampahefana matanjaka avy amin'ny governemanta no mamantatra ireo mpitsikilo. Ho an'ny olontsotra, raha toa ka tsy manana porofo mazava ry zareo, tsy tokony hitorotoroka ny hafa. Fantatry ny tsirairay fa tsy hanetsika na dia rantsan-tànana iray aza ny governemanta mba hamàfa anaran'olona iray taorian'ny nanondroana azy ho “mpitsikilo”, etsy ankilany, ny fanondroana azy dia midika fampijaliana mandritry ny fotoana lavabe ho an'ilay olona.

Notsipihan'i Wang fa raha ny marina dia toetoetra misy ao aminy daholo ireo voalaza, ka nanasa ny olona izy hitoroka azy :

我发现我倒是符合上面每一条。也罢,你们直接举报我吧,反正,作为一个作家,现在写什么都敏感,贴什么都屏蔽,老子都没法活了,还不如进去,有房住有饭吃,搞不好还能领奖呢。

Toa tahàka ny milaza ahy manontolo ilay famariparitàna. Izay izany, azonareo atao tsotra izao ny mitoroka ahy. Amin'ny maha-mpanoratra, lasa saropady tsy ho azo soratana daholo ny zavatra rehetra. Voasivana tanteraka daholo ny lahatsoratra. Tsy afaka ny hiaina tahaka izao intsony aho. Tsaratsara koka ny miaina any am-ponja, any ianao manana sakafo sy toerana hipetrahana. Azo eritreretina mihitsy hoe mety hahazo loka vitsivitsy aho [ireo loka momba ny zon'olombelona avy any ampitan'ny ranomasina no ao an-tsaina].

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.