Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Kotatsu sa Korsy? Japoney sa Iraniana izao fomba fanafanana tena izao?

Japanese women lounge in their Kotatsu's. Image form Bored Panda.

Vehivavy Japoney ao amin'ny Kotatsu-n'ny efitra fandraisambahininy. Sary avy amin'ny kaonty Twitter Panda Leo.

‘Japoney sa Iraniana?’ hoy ny fanontanian'i Golnoush Niknejad, Iraniana-Amerikanina mpanao gazety taorian'ny namakiana ny lahatsoratr'i Bored Panda [Panda Leo] tamin'ity “zava-noforonina Japoney mahafinaritra ity” izay antsoina hoe kotatsu.

Raha heverina ho toy ny zava-baovao noforonina aza ity teknika fanafanana ambany latabatra norakofana bodofotsy ity ho an'ny hafa, dia teknika mahazatra sy nentin-drazana kosa izany ho an'ny Iraniana.

Traditional coal burning Korsi used in Iran at the beginning of the 20th century. Image from Wikipedia, CC0 1.0.

Fandrehefana Korsi afon-tsaribao nentin-drazana ao Iran tany amin'ny fanombohan'ny taonjato faharoapolo. Sary avy amin'ny Wikipedia, CC0 1.0.

Tsy amin'ny anarana kotatsu no iantsoan'ny Iraniana azy fa korsy, ary manana anjara fototra amin'ny fombafomban'ny miraalin'ny ririnina fantatra amin'ny anarana hoe Shab-e Yalda.

Tsy mazava ny hoe iza no namorona azy voalohany fa ny fikarohana haingana amin'ny endriny Iraniana no manome ny valiny hatrany amin'ny fiandohan'ny taonjato faharoapolo. Mary amin'ny Iraniana no mitazona fahalalana ara-lovantsofina, mampiaraka azy amin'ny tarana-panjakana Iraniana Qajar tamin'ny taonjato faha-18. Ny iditra Wikipedia amin'ny kotatsu, kosa anefa mametraka ny famoronana ho any amin'ny taonjato faha-14.

Raha tsy jerena izay nahatontosa azy voalohany, dia hita taratra fa manana tekinika mitovy fototra i Japana sy i Iran rehefa amin'ny fampahazoana aina mandritra ny ririnina.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.