Hatramin'ny nahazoany fahaleovantena avy amin'ny Britanika tamin'ny 1961, efa nanana filoham-pirenena efatra i Tanzania. Ny voalohany, Julius Kambarage Nyerere, antsoin'ny maro amin'ny anaram-boninahitra nomena azy hoe Mwalimu Nyerere, no tena hajaina sy tiana indrindra amin'ireo filoham-panjakana teo amin'ny tantaran'i Tanzania.

Nyerere, tsaroana am-pitiavana ihany koa amin'ny hoe Baba wa Taifa (Rain'ny Firenena amin'ny fiteny Swahili), ankoatry ny zavatra hafa, no lazaina fa nametraka fototra mafy ho an'ny firaisam-pirenena sy ny maha-izy azy ilay firenena iray izay ahitàna foko efa maherin'ny 120 — zavabita tsy fahita firy amin'ny tontolo politika Afrikana — sady nanandratra ny Swahili, ilay teny tsy anà foko nefa ampiasaina betsaka ao Afrika.

Mpanohana matanjaka ny hetsika ho fanafahana ny tanibe sy ireo hetsika fanoherana ny mpanjakazaka manerana izao tontolo izao izy. Tsy atao mahagaga intsony raha fikambanana politika toy ny FRELIMO tao Mozambika, ny ANC sy PAC tao Afrika Atsimo, ZANU sy ZAPU tao Zimbabwe, ny MPLA tao Angola ary SWAPO tao Namibia no samy nànana toby fanazarantena sy birao tany Tanzania. Fanampin'izay, nanome fialofana azo antoka ho an'ireo Amerikana mpikatroka mafàna fo amin'ny fiarovana ny zon'ny olontsotra ihany koa ny fireneny, dia ireo mpikambana tao amin'ny antoko Black Panther toa an-dry Pete O'Neal sy  Geronimo, ary ireo mpanohitra ny ady tao Vietnam.

Enina ambinifolo taona taorian'ny nahafatesany ny 14 Oktobra 1999, mampiasa ny tenifototra #DearNyerere ry zareo Tanzaniana mba hahatsiarovana azy, indrindra fa tao anatin'ny vanim-potoanan'ny fifidianana izay ho solombavambahoaka Tanzaniana natao ny 25 Oktobra 2015.

‘Tsy hino mihitsy ianao hoe mpangataka ny firenenao’

Mahatsiahy ny lasa, hadisoam-panantenana ary tsy fahafahampo tanteraka amin'ny fomba itantanana ny firenena hatramin'ny nahafatesany ny ankamaroan'ireo bitsika.

Namintina ny tsy fahafahampony amin'ny fitantanana politika misy ankehitriny ao amin'ny fireneny i Glady Shao :

#DearNyerere if you came back today, you would definitely get a heart attack and die once again if u saw what some leaders hv been doing

— GLADYS SHAO (@GladyzShao) October 14, 2015

#DearNyerere raha afaka niverina ianao androany, dia angamba ho vaky fo sy ho faty fanindroany indray raha mahita ny zavatra nataon'ny sasantsasany amin'ireo mpitarika

Nitarainan'i Nabil Omar ny tsy fahaizana mitantana ireo otrikarena voajanahary toy ny Tanzanite:

#DearNyerere Tanzanite is no longer Tanzanian, you preserved it for us but the people are gaining very little from it. Thievery everywhere.

— Nabil Omar (@NabilTanzania1) October 14, 2015

#DearNyerere tsy an'ny Tanzaniana intsony ny Tanzanite, notehirizinao ho anay izy io saingy zara raha mahazo tombony aminy ny vahoaka. Halatra no mameno tanàna

Mineraly tsy fahita firy raha tsy ao Tanzania irery ihany ny Tanzanite. Kanefa, India no voalaza ho mpanondrana betsaka indrindra an'io mineraly io na eo aza ny fandraràna amin'ny ampahany ataon'ny governemanta Tanzaniana tsy hanondranana azy.

James Ngonyani nibitsika tamin'ny teny Swahili:

#DearNyerere huwez amini nchi yako leo inajivunia kua ombaomba wakat ni ya tatu kwa uzalishaji wa dhahabu duniani.

— James ngonyani (@JamesXelebrity) October 14, 2015

#DearNyerere, tsy hino ianao hoe mpangataka ny firenenao na dia fahatelo lehibe indrindra amin'ireo mpanondrana volamena eto ambonin'ny tany aza.

Nanoratra momba ny fomba fijery malaza be ijerena ny antoko eo amin'ny fitondrana, Chama Cha Mapinduzi (CCM), i W. Quiyenga, antoko izay nampian'i Nyerere ny fananganana azy:

#DearNyerere watz wanasema bora wapigie kura jiwe kuliko ccm

— W.quiyenga (@qwille) October 14, 2015

#DearNyerere, miteny ny Tanzaniana fa aleon-dry zareo mifidy vato kilonjy toy izay ny CCM

‘Tamin'ny andronao, ny asa tsara no fototry ny laza’

Nitaraina i Steve Ole Moruo :

#DearNyerere Zama zako umashuhuri ulikuwa kutenda mema ya kujenga nchi ila sasa hivi ni Followers wa Instagram Na Twitter 😂😂

— Steven Ole Moruo (@MoruoKing) October 14, 2015

#DearNyerere, tamin'ny andronao, ny asa tsara natao ho an'ny firenena no fototry ny laza, saingy amin'izao andronay izao dia ny hamaroan'ireo mpanjohy anao ao amin'ny Instagram sy Twitter.

Nanamarika i David Nguma :

#DearNyerere kauli zako zinatumiwa zaidi na upinzani. Cccm wanaona aibu kukunukuu kwenye mikutano yao maana wamekusaliti.

— David Nguma (@DavyNguma) October 14, 2015

#DearNyerere, mitanisa teny nolazainao ireo antoko mpanohitra [any anaty fampielezankevitra ho amin'ny fifidianana]. Menatra hitanisa anao kosa ny CCM any anatin'ireo fampielezany hevitra satria namadika anao izy ireo.

Naniry i Albert Secha hoe :

#DearNyerere ungerudi uiongoze Tz hata for a year! just one year! .. We miss your integrity!

— Albert Secha (@SechaAlbert) October 14, 2015

#DearNyerere, tokony hiverina hitantana an'i Tanzania ianao na dia ho herintaona monja aza! Herintaona monja! …Malahelo ny fahitsianao/fahamendrehanao izahay!

Nibitsika momba ny fandrobàna miharo habibiana atao ao amin'ny firenena i Van Official  :

@SweetAnimal_ @franklin_tissa #DearNyerere ulituachia tembo siku hizi hakuna tena twiga wanapanda ndege

— the van official (@thevanofficial3) October 14, 2015

#DearNyerere, navelanao niaraka taminà elefanta izahay izay tsy misy intsony ankehitriny, efa “mitaingina fiaramanidina” izao ny zirafy (girafe) [sarinteny ivazivaziana momba ny halatra zirafy mankany ivelan'ny firenena].

Manana harena anaty ala voarara tsy haondrana i Tanzania taorian'ny nangalarana sy nandefasana ho any ivelan'ny firenena ireo biby sy vorona efa ho 130, isan'izany ny zirafy. Lasa misidina anatinà fiaramanidina cargo iray ny vokatry ny ala avy ao Tanzania ho any Qatar.

Raha ny fifidianana izay ho solombavambahoaka no jerena, tsipalotr'i Othman fa :

#DearNyerere Hata Wewe Ungekuwepo CCM Isingekuwa Sababu Ya Kuwafanya Watanzania WAKIPENDE CCM

— Othman CR Sixteen (@OthmanCRsixteen) October 14, 2015

#DearNyerere, na mbola teo aza ianao, tsy ho ianao no ho antony hahatonga ny Tanzaniana hitia ny CCM

‘Ho mendrika fotsiny izao i Tanzania’

Tsy ny rehetra mampiasa Twitter no nampiasa ilay tenifototra mba hitarainana momba ny toedraharaha misy ao amin'ny firenena. Michael Paul Baruti, ohatra, nibitsika hoe :

We still here, stronger than ever.. Transparency and accountability are starting to prevail… Tanzania will only get better… #DearNyerere

— Michael Paul Baruti (@michaelbaruti) October 14, 2015

Mbola eto isika izao, matanjaka hatrany hatrany…Manomboka mahazo toerana ny fangaraharàna sy ny tamberin'andraikitra….Ho mendrika fotsiny izao i Tanzania

Nanoratra i While Kibibi hoe :

#DearNyerere nchi yetu inazidi kusonga mbele kwa maendeleo #HapaKaziTu pic.twitter.com/L7eX9spEud

— kibibi003 (@kibibi003) October 14, 2015

#DearNyerere, mitohy mivoatra ny firenentsika

Vakio ity tafatafa tamin'i Nyerere ity, nataon'i Ikaweba Bunting fony izy mbola velona, mba hamantaranao bebe kokoa momba ny vina nanànan'i Nyerere ho an'i Tanzania.