Tamin'ny taona lasa, taoriana kelin'ny nivoahan'ny boky vaovaon'ilay Jamaikana mpanoratra,  Marlon James, “Tantara Fohy Momba ny Vono-Olona Fito“, tsaroako aho fa niresaka tamin'i Marina Salandy-Brown, ilay mpanorina ny NGC Bocas Lit Fest, iray amin'ireo hetsika fampisehoana haisoratra ankalazaina indrindra any amin'ny faritra Karaiba. Saika fanina tamin'ny famirapiratry ny sorany izy, ary nanao izao faminaniana mahagaga izao: “Mihevitra aho fa manana ny tena fahafahana hahazo Ny Loka Man Booker izy”.

Tamin'ny 13 Oktobra, nahazo ny loka Man Booker 2015 Ho An'ny Tantara Foronina tokoa i James.

Iray amin'ireo loka ara-literatiora malaza indrindra Ny Loka Man Booker. Ankoatra ny loka vola £50.000 izay omena miaraka aminy, manaiky ny tantara tsara indrindra amin'ny teny Anglisy isan-taona ny Man Booker — araky ny hevitry ny mpitsarany — izay mivoaka any Angletera.

Ampiasain'ny “Tantara Fohy Momba Ny Vono-Olona Fito” ny fikasana hamono an'i Bob Marley , fantatra amin'ny anarana hoe “ilay mpihira” manerana ny tantara, toy ny vatofantsika mba hijerena ny olana amin'ny firazanana sy ny saranga any Jamaika, ary koa ny fifandraisana ara-politika mifamatopatotra eo amin'ny Etazonia sy ny Karaiba izay nanampy hamorona nosy iray voasarika amin'ny adin'ny samy jiolahy sy ny herisetra mitam-piadiana. Natao tamin'ny fomba matotra ny boky, misy mpilalao mihoatra ny 75, ary mahery vaika, ny herin'ny tantara no nanosika ny mpitsara ny Man Booker naka fanapahan-kevitra niraisana tao anatin'ny ora roa latsaka.

‘Ianao no nahatonga ny faritra sy vahoaka iray ho afaka mirehareha‘

Faly tamin'ny vaovao ny mpampiasa media sosialy sy ny mpankafy haisoratra manerana ny faritra. Tao amin'ny Facebook, nahita ilay fandresena ho toy ny fahombiazana manan-danja ho an'ny faritra i Charlene Thompson:

Arahabaina ry Marlon James! Ianao no nahatonga ny faritra sy vahoaka iray ho afaka mirehareha! ‪#‎manbooker2015‬ ‪#‎jamaica‬ ‪#‎caribbeanrising‬ ‪#‎smallbuttallawah‬

Nanaiky ny maha-zava-dehibe ny fandresen'i James i ramatoakely Kitty The Fluffy Diva:

Mahazendana!!! Arahabaina ny mpanoratra Marlon James, Jamaikana voalohany nahazo ny loka Man Booker!!!
‪#‎BigDeal‬ ‪#‎Proud‬ ‪#‎JamaicaToDiWorl‬

Na i James izy tenany aza, tamin'ny lahatsoratra ho an'ny besinimaro tao amin'ny pejy Facebook-ny, tsy mbola tena nahatsapa ny zavatra vao nitranga. Nampiseho ny sarin'ny amboarany Man ​​Booker izy, ka naneho hevitra:

Diky masina.

Maro ny olona no niaiky ihany koa fa noho ny maha lehilahy Jamaikana pelaka azy, ny fandresen'i James dia fandresena koa ho an'ny hetsiky ny LGBT any Jamaika.

‘Mpanoratra feno mahatalanjona‘

Haingana ny bilaogera ara-literatiora any amin'ny faritra tamin'ny famoahana hevitra mikasika ny valisoan'i James, fa lasa lavitra ny Twitter izay nisian'ny ankamaroan'ny fifanakalozan-kevitra anaty aterineto. Talohan'ny fanambarana, ny naman'ny mpanoratra Sharon Millar nibitsika fa tao an-damosiny nanohana azy ny faniriana tsara avy amin'ny faritra:

The whole Caribbean is rooting for @MarlonJames5 #ManBooker2015 #@ManBookerPrize

— sharon e millar (@ChutneySharon) October 13, 2015

Miorim-paka ho an'i @MarlonJames5 #ManBooker2015 #@ManBookerPrize i Karaiba manontolo

Nientana ny bilaogera Annie Paul monina any Jamaika raha nandre ny vaovao. Nandray anjara tamin'ny fankalazana ny fety tao amin'ny nosy izy tao anatin'ity bitsika ity:

Quoting the gr8 Faith Smith on @MarlonJames5‘s win “We run the fastest and we write the bestest!” Woohoo! go deh Marlon #ManBooker2015

— annie paul (@anniepaul) October 13, 2015

Manonona ny goavana Faith Smith tamin'ny fandresen'i @MarlonJames5 “Mihazakazaka haingana indrindra isika ary manoratra ny tsara indrindra! ” Woohoo! alefaso ry deh Marlon #ManBooker2015

Raha toa gaga i James fa izy tenany no nandresy, ny mpankafý azy tsy toy izany:

Any novel that has the line 》》We be top ranking bad man.《《 should win every prize. #MarlonJames #ManBooker2015

— Musharraf A. Farooqi (@microMAF) October 14, 2015

Tokony hahazo ny mari-pankasitrahana rehetra ny tantara rehetra izay manana ny sori-dàlana 》》Olona ratsy manana toerana ambony isika.《《 #MarlonJames #ManBooker2015

So amazing this win by #MarlonJames !! Book on my b/side table waiting 4 some free time.Meantime i'll celebrate a great Jamaican's success!

— Kamina Johnson Smith (@kaminajsmith) October 14, 2015

Tena mahazendana io fandresen'i #MarlonJames io!! Boky miandry fotoana malalaka eo ambony latabatra amin'ny sisim-pandrianako. Hankalaza ny fahombiazana lehibe any Jamaika aho mandritra izany fotoana izany!

LOVE that my timeline is buzzing with love for #MarlonJames Breathtakingly accomplished writer,in both ambition and execution #ManBooker2015

— Crystal Mahey-Morgan (@CrystalMMorgan) October 13, 2015

TIAKO ny tetiandroko mimonomonona fitiavana ho an'ny mpanoratra feno mahatalanjona #MarlonJames , ao anatin'ny fanirian-daza sy ny fanatanterahana #ManBooker2015

Ohatra iray amin'ny fikirizana

Mpanoratra — mpanoratra ao  Karaiba sady natonta no nananinga fanahy  — naka am-po ny fahombiazan'i James:

“Ten years ago I'd given up on writing. It was a novel that had been rejected 70 times…” Marlon James #ManBooker2015

— Daniel José Older (@djolder) October 13, 2015

“Folo taona lasa izay no nijanonako tsy nanoratra. Tantara iray izay in-70 nolavina tamin'izany …” Marlon James #ManBooker2015

What a time to be alive and writing! #MarlonJames @ManBookerPrize

— Ayanna Gillian Lloyd (@AyaRoots) October 13, 2015

Fotoana ahafahana miaina sy manoratra! #MarlonJames @ManBookerPrize

Fotoana ho an'ny hafaliana ihany koa. Tao amin'ny tenin'ny mpampiasa Twitter Rahawa Haile:

Excuse me while I spend the next half hour scrolling and faving and blinding those nearby with the light beaming out of me. #marlonjames

— Rahawa Haile (@RahawaHaile) October 13, 2015

Miala tsiny aho raha mandany ny antsasak'adiny manaraka hitetezana hatramin'ny farany sy hankafizana ary manajambena ireo izay eo akaiky eo amin'ny hazavana mamirapiratra mivoaka avy amiko. #marlonjames

HBO efa nisafidy sahady ny “Tantara Fohy Mikasika Vono-Olona Fito” sy nieritreritra hamorona tantara mitohy amin'ny fahitalavitra. Fa mety ho ny boky no tianao hovakiana voalohany .