Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Niaraka Niresaka Momba Ny Lasa Sy Ny Ankehitriny Tao Amin'ny Twitter i Amerika Latina sy Espaina Nandritra Ny Andron'i Christophe Colombe

marcha-mapuche-1

12 Oktobra, “diaben'ny Fijoroana Mapuche”, notontosaina tao Santiago, Shily, ao anatin'ny tolona fitakiana ataon'ny olona indizeny ao amin'ny firenena. Sary navoaka tao amin'ny The Clinic Online, lisansa Creative Commons.

Miteraka adihevitra ao amin'ny aterineto sy ivelan'ny aterineto ny datin'ny 12 Oktrobra, tsaroana mahazatra toy ny andro nahatongavan'i Christophe Columbe  tao Amerika tamin'ny taona 1492. Mifanohitra sy mifanojo ny fomba fijery amin'izany: maro ny mankalaza ny fahatongavana izay hitan'izy ireo fa fanavaozana ny kaontinanta, raha manohitra kosa ny hafa ary mahita izany toy ny fanombohan'ny fandrobàna ara-toekarena, izay mbola hita ankehitriny ny voka-dratsiny.

Feno feo amin'ny teny Espaniola avy amin'ireo mpikatroka miaro ny lova navelan'ny sivilizasiona indizeny ao amin'ny kaontinanta ny tambajotra sosialy, izay mizara ny sarin'ny fihetsiketsehana manohitra ny fankalazana ny 12 Oktobra sy mampahatsiahy ny voka-dratsy izay iaretan'ireo vondrona ireo ankehitriny. Ny hafa kosa misisika fa ilaina ny manadino ny lasa ary mankalaza ny fikambanan'ny kolontsaina izay vokatry ny fanjanahan-tany Espaniola.

Meme [sary namboarina hahatsikaiky] sy hafatra marobe no niadian-kevitra, nifandirana nandritra ny andro:

Memes Día de la Raza

-Nahita an'i Amerika i Colombe
-Efa nisy olona tao!!

Na izany aza, tsy avy amin'ny Amerika Latina ihany ny fanehoan-kevitra: mpiserasera Espaniola maro ihany koa no manao fihetsiketsehana manohitra ny fankalazana ny andro Hispanika, izay nitranga tamin'izany andro izany ihany. Niatrika fanafihana manohitra ny governemanta sy ny fitsipahana ny lovan'ny fanjanahantany ny tontolon'ny Twitter Iberika .

Tahaka izany ihany, nisy ny fanehoana fanohanana ho an'i Espaina sy ny firaisankinan'ny fanjakana amin'ny fotoanan'ny krizy.

Tamin ‘ny farany, nampifandray ny fanehoan-kevitra ny zavatra iray iombonana, dia ny diezy milaza fa tsy misy zavatra ankalazaina ny 12 Oktobra  #nadaquecelebrar.#NadaqueCelebrar 12 de octubre

#NothingToCelebrate (Tsy misy zavatra ankalazaina): Efa tao izy ireo, efa afaka izy ireo, efa nino izy ireo, efa nihinana izy ireo, efa nanana izy ireo, efa sitrana izy ireo, efa nihira izy ireo, efa nisy izy ireo. TSY VAO HITA I AMERIKA FA NOTAFIHANA SY NOROBAINA IZY

Mbola nalaza ny diezy taorian'ny 12 Oktobra ary tsy niteraka hevitra sy sary ihany fa fihetsiketsehana sy hetsi-panoherana avy amin'ny vondrom-piarahamonina vazimba teratany ihany koa, izay mahita ny tsy firaharahiana ny zon'izy ireo izay betsaka loatra ho anisan'ny tantara.

Sioka marobe no nandray ny dingan'ny fanjanahantany ho vono olona (fandripahana), mihaika ny lahateny nentim-paharazana mitantara ny fahatongavan'ny Satro-boninahitra Espaniola tao amin'ny faritra, ary manasongadina ny zava-misy fa na amin'izao fotoana izao aza, mbola olon-kafa no mahazo tombotsoa amin'ny harena.

Tsy mankalaza ny Fandripaham-bahoaka aho #nothingtocelebrate #DayofCulturalDiversity

Tsy nahita voalohany an'i Amerika isika, novonointsika sy nofoanantsika ny kaontinanta sy ny kolontsainy amin'ny anaran’ Andriamanitra. Tsy misy zavatra ankalazaina

#ColumbusDay (Ara-bakiteny “Andron’ ny Foko”) sambany vao hitan'ireo mpanjanaka mpanimba sasany izay nanafoana ny fomban-drazanay, finoanay, kolontsainay sy ny harenanay  #Nothingtocelebrate


#nothingtocelebrate
ary inona no maha samy hafa ny ankehitriny sy ny 600 taona lasa? Iray ihany izany na ratsy kokoa aza fa lasa any ampitan-dranomasina ny harenanay sy ny loharanon-karenanay

Nanaraka ny diaben'ny fiarahamonina Mapuche izay nifidy ny 12 Oktobra ho daty hanamafisana ny fitakian'izy ireo ao Santiago, Shily ny Azkintuwe, gazety ao amin'ny firenena Mapuche:

Diaben'ny Fijoroana Mapuche

Narahan'ny gazety Shiliana El Observatodo, izay nanazava ny fitakian'ny vondrona tamin'ny antsipirihany kokoa ny diabe.

Recuperar la tierra usurpada, el derecho humano a la libre determinación y sobre todo el fin a la militarización de [la región de] La Araucanía fueron los temas que marcaron la última marcha por la resistencia mapuche. La manifestación fue calificada por los organizadores con un momento para denunciar que el Estado, en defensa de los intereses del gran empresariado forestal, sigue “usurpando las tierras del pueblo mapuche, reprimiendo su lucha y criminalizando sus demandas”

Mitaky indray ny tany norobaina, ny zon'olombelona ho amin'ny fizakan-tena ary indrindra indrindra fampitsaharana ny fanomezana rafitra ara-miaramila ao amin'ny faritra Araucania – ireo no olana noresahana tamin'ny  diabe farany nataon'ny fijoroan'i Mapuche. Nandritra ny fihetsiketsehana, niampanga ny governemanta ireo mpikarakara -fa amin'ny fiarovana ny tombontsoan'ny mpandraharaha goavan'ny fitrandrahana ala, manohy “maka an-keriny ny tanin'ny vahoaka Mapuche, manafoana ny tolon'izy ireo ary manameloka ny fitakian'izy ireo” ny governemanta.

Mavitrika indrindra ny sampam-baovao iombonana Meksikana Desinformémenos. Tao amin'ny kaonty Twitter-n'izy ireo, nizara hafatra marobe manasongadina ny tena olana izy ireo eny fa na ankehitriny aza, mbola iharan'ny famindra-toerana sy ny fanaovana  an-jorom-bala ny fiarahamonina teratany manerana ny faritra maro ao Amerika Latina .

Sary: Tamin'ny 1492, voaraoka tao amin'ny taniny ny vazimba teratany. Tamin'ny 2015, tahaka izany ihany. Mbola maro ny zavatra mila atao.

DeRedes #Nothingtocelebrate. 1492. Mbola maro ny zavatra mila atao.

Nampiasa ny sariitatr'ilay Kolombiana Beto Barreto ihany koa ny fikambanana mba hisarika ny saina manoloana ny tsindry ara-toekarena sy ara-kolontsaina izay heverin'ny maro fa mahatonga ny fibodoan'ny tafika vahiny ny firenena Amerika Latina :

Sary: “Nandresy indray.”
-Andeha hankalaza ny Andron'i Colombe am-pireharehana izahay!
-Eny!

Mpisera hafa, toa an'i David García nampitaha ny rafitra ara-toekarena izay toa mifandray amin'ny tantara sy ny toe-piainana ankehitriny:

 Sary: Ny fanaovan-tsonia ny fifanekena ara-barotra malalaka voalohany tamin'i Espaina.

Ankehitriny, ny ankalazaintsika dia ny fifanekena ara-barotra malalaka voalohany teo amin'ny tantara izay nosoniavin'i Espaina. #Nothingtocelebrate

Amin'ny fitodihana ny lasa, niteraka tsy fahafaliana ny resaka izay nanasongadina ny fahasarotan'ny adihevitra; ho an'ny fiaraha-monina sasany sy ny fiarahamonina mestiza, taorian'ny taona maron'ny herim-pitaomana, ny fifindra-monina sy fitambarana ara-poko, mety ho sarotra ny manasaraka ny singa mampiavaka ny kolontsaina iray iombonana:

@LuisCarlos ny vazimba teratany ihany no afaka manao fitsarana azo hajaina momba izany. Tsy nisy isika ambiny raha tsy nisy ny 12 Oktobra.

Sariitatra avy amin'i Brasilian Carlos Latuff ny sary nampiasaina tamin'ity lahatsoratra ity, izay nanjary nalaza noho ny fiiparitahan'ny diezy malaza momba ny Oktobra 12.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.