Ny Zoma 16 Oktobra, rehefa nandany 18 volana tany am-ponja, izay ny betsaka taminy dia ny fiandrasana ny fotoana fitsaràna mahakasika fiampangàna tsy mitombina ho nanao asa fampihorohoroana sy mihantsy herisetra, dia nafahan'ny fitsaràna iray tao Addis Ababa ireo bilaogeran'ny Zone9. Tsy maintsy mbola handeha ankalalahana avy any amin'ny fonjan'i Kilinto izy ireo, saingy milaza ny fianakaviany fa amin'ny Alatsinainy 19 Oktobra izy ireo vao havotsotra, na alohan'izay.

Samy bilaogera mpandray anjara ao amin'ny Zone9, bilaogy itambarambe avokoa izy dimy ireo, bilaogy izay miresaka ireo olana sosialy sy politika ao Etiopia ary manandratra ny zo maha-olombelona sy ny tamberin'andraikitry ny fanjakana.

Ny mpikambana iray ao anatin'ilay vondrona, Befeqadu Hailu—sady mpanoratry ny Global Voices ihany koa—dia tsy mbola afaka amin'ny vesatra faritan'ny artikla 257 amin'ny lalàna'ny heloka bevava ao Etiopia, nefa milaza ireo tatitra fa vesatra maivana izany, izay famonjana mandritry ny enina volana no sazy ambony indrindra azo aminy. Satria efa hatramin'ny 25 Aprily 2014 i Befeqadu no tany am-ponja, lazain'ireo loharano akaiky azy fa ho azo iadiana hevitra ilay sazy.

Ohatra iray mibaribary amin'ny fandringàn'ny rafi-pitsaràna ao Etiopia sy ny tsy firaharahàna tanteraka ny fahalalahana maneho hevitra, nampitambatra ny Etiopiana tety anaty tambajotra sosialy ny raharaha Zone9 nampiasàna ny tenifototra #FreeZone9Bloggers, izay nipetraka ho hery iray tao amin'ny Twitter nanomboka tamin'ny andro nisamborana azy ireo. Androany, nitselatry ny fanehoana hafaliana sy fitakiana ilay tenifototra:

Thank You World for Supporting and Echoing our long lasted #FreeZone9Bloggers campaign! it proves that SOLIDARITY IS THE GREATEST ENERGY!

— Ahmed® (@Hamoudu) octubre 16, 2015

Misaotra an'izao tontolo izao tamin'ny fanohanana sy ny fanelezana ny fanetananay naharitra ela #FreeZone9Bloggers! Manaporofo izany fa HERY GOAVANA BE NY FIRAISANKINA!

So , I presume, this marks the end of this undeserved ordeal and anxiety! Relief!!! #FreeZone9Bloggers #Zone9BloggersFreed

— Mesay S. Taye (@MesaySTaye) octubre 16, 2015

Araka izany, heveriko fa manamarika ny fiafaràn'ity fitsapàna sy aretin'andoha tsy mendrika ity io! Maivamaivana!!!

An endless witch-hunt by a powerful gov't couldn't find a single crime in #FreeZone9Bloggers because they were innocent to begin with. Glad! — Amanuel Tesfaye (@ethio_style) octubre 16, 2015

Hazalambo tsy nisy farany nataon'ny governemanta matanjaka tsy afaka nahitàna na heloka iray aza tamin'ny #FreeZone9Bloggers satria ho fanombohana azy dia tsy nanan-tsiny izy ireo.

After 18 months in detention charges against Zone 9 bloggers dropped #FreeZone9Bloggers http://t.co/XtAVQjbhHD pic.twitter.com/1ifswS8w9P — ECADF Ethiopian News (@ECADF) octubre 16, 2015

Rava ireo fanenjehana ny bilaogeran'ny Zone9, taorian'ny 18 volana nitànana am-ponja azy ireo

Mpikambana enina avy amin'ny Zone9, miaraka aminà telo mpifandray amin'ny mpanao gazety, no nosamborina sy nalaina tany an-tranony ny 25 sy 26 Aprily 2014, ary notànana nandritry ny 11 volana talohan'ny niampangan'ny manampahefana azy ireo tamin'ny alàlan'ilay Fanambaràna miady amin'ny asa Fampihorohoroana malaza ratsy ao Etiopia, izay nampiasaina hampidirana am-ponja ireo mpanao gazety fanta-daza sy bilaogera maro izay nanoratra fanakianana ny governemanta sy ny antoko eo amin'ny fitondràna.

Afaka tamin'ny fiampangàna azy ireo ny dimy tamin'ireo mpikambana manorina ilay vondrona ary navotsotra tamin'ny 8 Jolay 2015. Ny momba izay hoavin'ireo efatra sisa tavela kosa—Befeqadu, Natnael, Atnaf sy Abel— nijanona ho tsy hay hatramin'ny androany 16 Oktobra. Nandritry ny fotoana nitànana am-ponja azy ireo, efa in-30 niseho teo anoloan'ny mpitsara ireo bilaogera, navezivezin'ny fangatahana “fanalavàna fotoana” nataon'ny mpampanoa lalàna fotsiny, mba hanadihadiana ilay raharaha.

Maro tamin'ireo mpikambana ao amin'ilay vondrona no niaritra fampijaliana ara-batana, isany i Abel Wabela mpandika lahatsoratry ny Global Voices, izay nolazain'ireo nàmany fa lasa marenindrenina vokatry ny sazy ara-batana natao taminy. Kinga ireo mpanohana tao amin'ny Twitter nanipika ny haavon'ny fanehoan'ilay raharaha ny tsy fahatomombanan'ny rafi-pitsaràna ao Etiopia:

It took a year and a half to throw out a completely botched case riddled with fake evidence and lying witnesses. WASTE! #FreeZone9Bloggers — Zecharias Zelalem (@ZekuZelalem) octubre 16, 2015

Herintaona be izao no nilaina mba hamarànana tanteraka raharaha iray izay porofo sandoka sy vavolombelona nandainga no nandrafitra azy. FAKON'OLONA!

Maro no mametraka teny toy ny hoe “fanafahana”, “fitsaràna” sy “fahefam-pitsaràna” any anatin'ny fitanisàna ataony :

Finally #FreeZone9Bloggers is free. But no thanks ‘the judiciary ‘. #Congrats Zone 9

— Yosef Tadesse (@chombe_Bencho) octubre 16, 2015

Farany, afaka ihany ny #FreeZone9Bloggers. Saingy tsy misy isaorana ny ‘fahefam-pitsaràna’. #Arahabaina Zone9

Ny hafa nanontany raha handray andraikitra noho ny dona aterak'izao amin'ireo bilaogera sy ny fianakaviany ny governemanta:

Am happy ,but angry as usual we r living in z country where the gvt can arrest anybody based on nothing #FreeZone9Bloggers

— solomon mengesha (@solomen76) octubre 16, 2015

Faly aho, saingy tezitra satria isika miaina anaty firenena izay ahafahan'ny governemanta misambotra na iza na iza noho ny zavatra tsy misy antony

Now is the time to take the campaign to the next level, we demand #Ethiopia/n gov't to ask apology from Zone 9 bloggers. #FreeZone9Bloggers

— Fasiledes (@Fasiledesfasil) octubre 16, 2015

Fotoana izao hitondràna ny fanentanana ho amin'ny dingana manaraka, takianay ny governemanta #Etiopiana hanao fialantsiny amin'ireo bilaogeran'ny Zone9

Tahàka ny maika lavitra noho ny zavatra hafa ny fanontaniana hoe inona no hanjo ireo olom-pirenena hafa voafonja noho ny fanoratany na fitenenany fanakianana ny governemanta—toa an'i Zelalem Workagenegu, bilaogera iray izay naiditra am-ponja taorian'ny namenoany ny fisoratana anarana handray anjara aminà fanofanana momba ny fampiasàna ireo fitaovana dizitaly sy ny media sosialy. Tahàka ny anipihan'ireo mpanohana marobe azy, ny “fanafahana” tsy midika fa tsy hanana vina hafa hanovàny ny fomba fanaony akory i Etiopia.

Now the #Zone9bloggers are free, will #FreeZone9Bloggers morph into #FreeEthiopia? It's not yet a free speech paradise in that country.

— Nwachukwu Egbunike (@feathersproject) octubre 16, 2015

Afaka ankehitriny ireo #Zone9bloggers , hiofo ho #FreeEthiopia ve ny #FreeZone9Bloggers? Tsy mbola paradisan'ny fahalalahana miteny mantsy eto amin'ny firenana

Expiration Date for #FreeZone9Bloggers – October 16, 2015. Expiration Date for #FreeEthiopia – Mysterious.

— Alemayehu Gemeda (@uheyamela) octubre 16, 2015

Fetrandro farany ho an'ny #FreeZone9Bloggers – 16 Oktobra 2015. Fetrandro farany ho an'ny  #FreeEthiopia – Misitery