Samy namaky kabary ho an'ny hafa ireo mpitondra an-telopolony tany New York ny Alatsinainy 28 Septambra, tamin'ny faha-70 taonan'ny Fihaonamben'ny Firenena Mikambana. Tany Rosia, hetsika tamin'ny media nasiônaly ny kabarin'ny Filoha Vladimir Poutine ho an'ny Firenena Mikambana. Samy nihazakazaka ny handefa io daholo ireo tambajotranà fahitalavitra, ary nalefa mivantana tamin'ny fotoana tsara indrindra ireo fanamarihan'i Poutine. Taorian'ny nahavitany ny fitenenany, nisy resadresaka an-databatra natao hiresadresahana ilay kabary. Tao amin'ilay fahitalavi-panjakana Pervyi Kanal, niady hevitra ireo solontenan'ny fiarahamonina mpanome hevitra hoe nifandahatra tsara tamin'i Barack Obama ve i Poutin sa nifanakaiky tamin'ny vondrom-piarahamonina manerantany.

Ao amin'ny Aterineto, sintonin'ireo mpanao gazety ny fijery ho any amin'ireo tenifototra maromaro izay hita ho toy ny asa fampahafantarana ataon'ireo tambajotranà “bot” (mandeha ho azy) maro. Ny tena malaza amin'izy ireo, “PutinPeacemaker” (PoutineMpandrindraNyFilaminana), toa fikasàna ny hankalazàna ireo ezaky ny Filoha Rosiana  hamaha olana amin'ny Ady an-trano Syriana tamin'ny fanohanana ny Filoha Bashar al-Assad. Amin'ny fampiasàna io tenifototra io sy ireo hafa mitovy aminy, misimisy ihany ireo ezaka mba hanaovana hoe toy ny mino tokoa ny fahafahan'i Vladimir Poutine hamaha io fifandirana io sy ireo ny olon-tsotra.

Raha toa ka mora mitombo laza miaraka amin'ny fampiasàna “bots” ireo karazana kisarisary elektronika malaza , somary misimiy olana ihany ny tenifototra ary mora saropady ny fikirakiràna azy.

Manolotra fomba hafa mba hanambàrana ireo bitsika “malaza” ny tolotra TweetDeck, ary toy izany no fomba nanangonana ireto bitsika manaraka mikasika an'i Poutine ireto. Eto ambany eto ianao hahita fanambàrana ireo bitsika milaza ny anaran'i Poutine (notononina amin'ny teny Rosiana) izay in-25 naverina nobitsihana. Afa-tsy iray izay niavaka, tsy nampidirina ireo bitsika avy tamin'ny masoivohom-baovao, sahala amin'ireo bitsika izay nitanisa fotsiny ny zavatra nolazain'i Poutine tamin'ny kabariny, na izay nolazainy tamin'ireo fivoriana taorian'io. Ny hampiseho hoe iza amin'ireo fanehoankevitra momba an'i Poutine no mety indrindra amin'ireo mpampiasa Twitter miteny Rosiana ankehitriny, izay no tanjon'ity lisitra ity.

Ireo Tena Tia an'i Poutine

Bitsika avy tamin'ilay media-mpanjakàna Rosiana RIA Novosti, no voalohany eo amin'ny lisitra, izay te-hilaza hoe nahavita nanao fifanarahana lehibe tamin'i Etazonia i Poutine androany any New York. Mampiasa ny tenifototra #PutinPeacemaker ihany koa ny RIA Novosti, izay tsy dia niseho matetika tao amin'ireo “bitsika tsara indrindra” nangonin'ny TweetDeck, na teo aza ireo ezaky hita mazava fa nampiasàna tambajotranà fitaovana mandeha ho azy.

Путин посоветовал не искать тайных смыслов в фото с обеда в ООН http://t.co/4XSC9mvOiu #PutinPeacemaker #UNGA pic.twitter.com/5WqDLPsbWG

— РИА Новости (@rianru) September 28, 2015

Tsy nandrisika ny fitadiavana ny hevitra ambadik'ireo sary nandritra ny sakafony tany amin'ny Firenena Mikambana i Poutine. #PutinPeacemaker

Tsoakevitra itambarana momba ny tsidik'i Poutine tany New York ny hoe : manambara ny tsy fahavitan'ny Tandrefana hampitoka-monina an'i Rosia ny fandraisana azy tany Etazonia. Ireo sarin'i Obama sy Poutine misakafo sy mifandray tànana dia nambara ho manaporofo fa ny tena marina, mpikambana tena ilaina ao amin'ny vondrom-piarahamonina manerantany i Rosia, na any amin'ny toerana toa an'i Etazonia aza, izay nanampy ny fitarihana ilay hetsika hanasazy an'i Maosko noho ireo politikany any Okraina.

Изоляция в самом разгаре. #ПутинМиротворец #Путин #PutinPeacemaker pic.twitter.com/P7nX8ZeplP — Леонид (@SPB_citizen) September 28, 2015

Ny tena anton'ilay fanokanana.

Vitan'ilay tenifototra #PutinPeacemaker ny nisintona indray mandeha fotsiny ireo famerenana mibitsika maro tao amin'ilay lisitra. Io bitsika io, hita eto ambany, dia hita avy amin'ireo lahatsoratra maro manindrahindra io tenifototra io (afa-tsy hoe nisy mpampiasa Twitter hafa nizara marina azy io). Toy ny bitsiky RIA Novosti, mahita an'i Vladimir Poutine mitsiky sy mampiakatra vera misy divay isika, toa hita ho anaty fakalazàna zavatra.

Фото дня: #Путин #Putin #PutinPeacemaker #UNGA pic.twitter.com/0XtGgQOU9J

— Кот Путина (@VVPutin_cat) September 28, 2015

Ny sary androany.

Tsy misy izany fankalazàn'i Poutine tsy misy fanadrohadroan'ny mpanohitra ara-politika tsy tia an'i Kremlin an'i Rosia izany. Marobe ireo mpandinika nahamarika fa tsy mbola niteny ampahibemaso ny anaran'ilay mpikatroka mafana fo miady amin'ny kolikoly, Alexey Navalny, mihitsy i Poutine, izy io izay raisin'ireo sasany ho lohan'ny mpanohitra. Raha nilaza ireo mpanohana an'i Navalny sy ireo hafa sasany fa noho ny tahotr'i Poutine ny hampitombo ny tanjak'i Navalny amin'ny maha-mpifaninana azy ny fanononany ny anarany no anton'izany; toa mino kosa anefa ireo Rosiana tsy mieritreritra loatra ny lazan'ny tsy tia an'i Kremlin fa fiheboheboana fotsiny ny filazan'ireo mpanohana an'i Navalny momba ny tsy finiavan'i Poutine hiteny ny anarany.

Сторонники Навального снова отметили, что Путин ни разу не сказал про Навального — rishikesh news (@rishikesh_news) September 28, 2015

Mbola nanamarika indray ireo mpanohana an'i Alexey Navalny fa tsy nilaza an'i Alexey Navalny mihitsy i Poutine.

Soratra maro avy tamin'ireo mpanohana malaza an'i Poutine no tany anatin'ireo lahatsoratra tena naverina nalefa tamin'ny bitsika maro indrindra. Vonona ny hiteny ho an'ny tany tontolo ilay lehilahy mpanolokevitry ny tanànan'i Moscow, Alexey Lisovenko:

Внимательно прослушал выступления в ООН Обамы и Путина. Могу с уверенностью сказать: “Мир должен быть благодарен, что у него есть Путин”.

— ЛИСОВЕНКО АЛЕКСЕЙ (@deputat_LIS) September 28, 2015

Nihaino tsara ireo kabarin'i Obama sy Poutine androany tany amin'ny Firenena Mikambana aho. Afaka milaza tsy ankihambahamba aho: tokony ho velom-pankankasitrahana ny tany fa manana an'i Poutine.

Nizara torohevitra bebe kokoa ho an'izao tontolo izao ilay kaonty izay nipoitra sy naka tahaka ireo fanambaràna nataon'i Dmitry Kiselyov, mpanentana malaza ao amin'ny fahitalavitra ary lehiben'ny Rossiya Segodnya tena malaza be eo amin'ny faritra, ary tantànan'ny Kremlin:

Путин четко дал понять, что главенствовать в этом мире должна одна сила – ООН. И этот месседж понятен всем странам, кроме США и сателлитов.

— Дмитрий Киселев (@DmKiselevTV) September 28, 2015

Nataon'i Poutine mazava tsara hoe hery iray ihany eto an-tany no tokony hanjaka eo amin'ireo hafa rehetra: ny Firenena Mikambana. Ary nazava tsara tamin'ireo firenena rehetra io hafatra io, afa-tsy Etazonia sy ireo zanabolany.

Nanao ny kabarin'i Poutine ho fomba hahafahana manadrohadro ireo Amerikana fotsiny ny  mpampiasa Twitter hafa:

Путин ни разу не сказал “пидарасы”, но все поняли – говорит про США. — Дмитрий Бабич (@D_Babich) September 28, 2015

Tsy niteny ilay teny hoe “sarimbavy” indray i Poutine, fa samy mahalala daholo ny olona rehetra hoe i Etazonia no resahany.

Fotokevitra nampiasain'ireo mpankafy azy sy ireo mpitsikera azy ilay filazàna an'i Poutine ho manana tosika amin'ny resa-barotra. Ohatra, nilaza ny mpampiasa Twitter iray fa nahavita nampidina ny tsenam-barotra Amerikana ilay kabary henjana be nataon'i Poutine.

Путин выступает – менялы дрожат ) pic.twitter.com/p8lTimazcg — HigherCause (@highercause) September 28, 2015

Miteny i Poutine,  mivarahontsana ny mpanakalo vola.

Tsy mbola tafiala ny Filoha Okraniana Petro Poroshenko., raha oharina amin'ireo fihaonana tsy dia manaitra an'i Poroshenko, lasa nanipaka ireo hanihany momba ny fitokana-monina mitombo hatrany an'i Kiev ireo fandaharam-potoanan'i Poutine miaraka amin'ireo olo-malaza satria efa hifarana ny fotoanan'ny volantatelin'ny fiarahan'i Okraina taorian'ny Maidan amin'ny Tandrefana.

- Путин встретился с генсеком ООН, президентом Ирана, премьер-министрами Ирака и Японии, президентом Обамой. – Порошенко встретился с белкой

— ★Нефритовый (@zapvv) September 28, 2015

Nihaona tamin'ny Sekretera Jeneralin'ny Firenena Mikambana ny Filohan'i Iràna, ny Praiminisitr'i Iràka sy Japàna, ary ny Filoha Obama i Poutine. I Poroshenko kosa nanana fihaonana niaraka tamin'ny tavoahangy misokatra.

Tao anatin'ny sehatry ny fanelezana tsaho mihoampampana momba ny dikan'ireo sary, nisy sarin'i Obama manolotra ny tànany amin'i Poutine, toa hitan'ireo Rosiana mpampiasa Twitter maro ho porofo fa nandainga fotsiny ny Trano Fotsy raha nilaza fa “nitalaho” ny hikarakarana fihaonana eo amin'i Obama sy Poutine i Kremlin.

Помните украинские и американские заголовки новостей “Путин умолял Обаму о встрече”? Оно и видно, кто кого умолял 🙂 pic.twitter.com/udeXOfFaNm — Коробков☄Землянский (@korobkov) September 28, 2015

Tsarovy ireo matoam-baovao Okraniana sy Amerikana momba ny hoe “Poutine mitalaho amin'i Obama mba hisian'ny fihaonana”? Ankehitriny, mazava be hoe iza no nitalaho tamin'iza. 🙂

Ireto Tena Tsy Tia An'i Poutine

Tsy manana ireo tenifototra sy ireo sarin'i Poutine misotro zava-pisotro mahamamo daholo akory ny ireo bitsika malaza indrindra ankehitriny momba ny dian'i Poutine tany amin'ny Firenena Mikambana; nivoaka matanjaka ireo vahoaka tsy tia an'i Poutine, nameno ny Tranonkala tamin'ireo fisainany “snark” manokana sy fanadrohadroana feno hatezerana.

Raha nankalaza ny fahafahan'i Poutine manana dindo eo amin'ny fandraraharàna ao Wall Street ireo Rosiana mpankafy ny Filoha, ireo mpankahala azy kosa nampifandray izany tamin'ny fidinana kelin'ny sandan'ny vola ‘robla’ miohatra amin'ny dollar, nandritra ny kabariny.

ПУТИН ХРЮЮЮ ЛИДЕР ХРЮЮЮЮ МИРА УИИИИ ХРЮЮЮ pic.twitter.com/7HDh3qlmBv — Все Плохо (@sranysovok) September 28, 2015

POUTINE OINK (fanamarihana: fakàna tàhaka ny feo an'orona fanaon'ny kisoa) FILOHA OOOOINK AN'NY TANY OEEEEEE OOOOOINK

Taorinan'ny fahadisoan'ilay tambajotram-baovao Amerikana CNN, nanafangaro an'i Poutine tamin'i Boris Yeltsin (filoha voalohany taorian'ny fanjakana Sovietika) efa nodimandry, nahita izany ho fahafahana mananihany ny taonan'i Poutine efa mitombo ireo sasany:

CNN назвала Путина Ельциным – это показывает, что Путин для всего цивилизованного мира мертв.

— Серый Кардинал (@slevo4kin) September 28, 2015

Nafangaron'ny CNN tamim-pahadisoana tamin'i Yeltsin i Poutine. Mampiseho izany fa efa maty i Poutine ho an'ny tany mivoatra rehetra.

Satria efa manakaiky ny maherin'ny 15 taona no naha filoham-panjakana an'i Poutine (tafiditra amin'izany ny fotoana naha praiminisitra azy tamin'i Dmitry Medvedev), hita mivaingana ny fieritreretana lava ny fahafatesan'i Poutine. Ho an'ny maro, na ny ao anatin'i Rosia na ireo any ivelany, tsy mety ny misaintsaina Rosia vaovao raha tsy hoe esorina eo mihitsy aloha i Poutine, izay tsy azo eritreretina hiala moramora.

@Fake_MIDRF @MedvedRu Не важно, когда Путин встретится с Обамой, важнее – когда с Каддафи… — ХеровыйАгентГосдепа (@jimz_250) September 28, 2015

Tsy mampaninona izany raha hihaona amin'i Obama i Poutine. Ny olana dia rehefa izy hihaona amin'i Mouammar Khadafi…

Tsy nahataitra ilay mpitoraka bilaogy tsy tia an'i Kremlin, Kirill Mikhailov, ny fampitandreman'i Poutine ny Tandrefana fa mety hamerina indray ny fahadisoany tamin'i Libya ny ataony any Syria, nilaza io mpitoraka bilaogy io fa efa mihoson-drà sy simba lavitra noho i Libya i Syria.

Путин очень хочет, чтобы Сирия не превратилась в Ливию. Статистика по погибшим и беженцам в этих странах после 2011: pic.twitter.com/JtIEVHoKwK

— Лис Микита (@ReggaeMortis1) September 28, 2015

Tena tsy tian'i Poutine ho lasa sahala amin'i Libya mihitsy i Syria. [Ireto ireo] antontan'isan'ireo tra-boina sy mpitsoa-ponenana tamin'ireo firenena ireo nanomboka ny taona 2011.

Ireo tsy lasan'eritreritra momba izay Poutine maty any, dia maminavina fotsiny ny sarintsarin'ilay Filoha Rosiana eo amin'ny fitsaràna, ohatra hoe noho ny ady any Okraina, na angamba noho ny politika famoretana ao an-toerana. Sarin'i Poutine mipetraka eo ambony seza mialoha ny kabariny tany amin'ny Firenena Mikambana, izay maneho azy ho toy ny bitika kely. Hita ho fitaovana tena mety ho an'ireo hanihany momba an'i “Poutine miatrika fitsaràna” ilay sary.

На трибунале в Гааге Путин также будет сидеть перед лицом мирового сообщества и с полицейским за спиной: pic.twitter.com/TdzcFIgFqr

— Мuд Роисси (@Fake_MIDRF) September 28, 2015

Rehefa miatrika fitsaràna any La Haye izy, hiatrika ny vondrom-piarahamonina maneran-tany ihany koa i Poutine, miaraka amin'ny polisy ao an-damosiny.

Tsy fanelezana tsahotsaho momba ny fialàn'i Poutine tanteraka daholo akory ireo bitsika tsy tia an'i Poutine rehetra. Tsy niresaka momba ny fahafatesan'i Poutine ilay mpaneho hevitra ara-politika, Andrei Piontkovsky, fa nampitandrina kosa teo andaniny fa mitondra an'i Rosia any amin'ny ady masina iray ao Afovoany Atsinanana i Poutine.

Спасая задницу Асада, Путин бросает Россию в пекло средневековой религиозной войны между шиитами и суннитами. — Andrei Piontkovsky (@apiontkovsky) September 28, 2015

Amin'ny fiarovana an'i Assad, misintona an'i Rosia any amin'ny adim-pivavahana lavareny eo amin'ny Chiites sy Sunnites i Poutine.

Ny farany, vitan'ireo Rosiana sasany mpampiasa Twitter ny nisarika ny mpanaraka tamin'ny alàlan'ny famadihana ambony ambany ny kabary fandresena lahatr'ireo vahoaka mpomba an'i Poutine.

Вопрос путинистам: Если Обама чмо, а Путин пожал ему руку, то кто тогда после этого Путин?

— Эльшад Бабаев (МВД) (@Elshad_Babaev) September 28, 2015

Fanontaniana ho an'ireo mpankafy an'i Poutine any ho any: raha filahiana (tsy alehany) i Obama, kanefa nandray sy nanetsiketsika ny tànany i Poutine, manao an'i Poutine ho inona izany?