Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mampivoitra ny mahazo ireo mpitsoa-ponenana ny rindrankiran'ny tarika Pussy Riot tao an-jaridainan'i Dismaland najoron'i Banksy

Punk group Pussy Riot perform in a cage on stage at Dismaland. Photo by Vianney Le Caer for Pussy Riot.

Tarika Punk Pussy Riot nanao seho an-tsehatra tanaty fefy vy tao Dismaland. Saripikan'i Vianney Le Caer ho an'i Pussy Riot.

Pussy Riot, tarika Rosianina mihira punk, izay efa tany am-ponja noho izy ireo nihira nanakiana ilay filoham-pirenena Vladimir Putin tao anaty katedraly ôrthôdôksa ny mpikambana sasany ao aminy, dia nanao seho an-tsehatra nanohina ny fo tamin’ny andro nanakatonana ny Dismaland, “zaridainam-pahatalanjonana” toerana fialam-boly tsy tena raikitra natsangan’i Banksy ilay mpanakanto mpanao hosodoko amin’ny rindrina ao Lôndra.

Nadezhda Tolokonnikova sy Maria Alyokhina, anisan’ny vehivavy mpitarika tao amin’ny tarika Pussy Riot, dia fantatra tsara ankehitriny ho mpanohitra ara-politika miaro ny zon’ny gadra any Rosia, sy nanangana ny tetikasa MediaZona manara-maso ny fanitsakitsahana ny zon’olombelona ao amin'ny rafi-pamonjana olona ao Rosia. Ny fampisehoana nataony tamin'ny 26 septambra tao Dismaland dia mbola misy tsirona zon’olombelona ihany koa – fa tamin’ity indray mitoraka ity dia nampifantoka ny zava-manjò ireo mpitsoa-ponenana maro avy amin'ny firenena toa an'i Syria, izay mitady toerana azo antoka any Eoropa amin'izao fotoana izao, izy ireo.

Eh! Afaka adiny roa isika hahita fampisehoana tena mahery setra sady hihaino hafatra manokana #Banksy #Dismaland

Ny fampisehoana nataon’i Pussy Riot niarahany tamin’ilay tarika Britanika The Connor Brothers, dia manasongadina hira iray “Refugees In,” [mpitsoa-ponenana anaty] izay midika fanehoana firaisankina amin’ireo mitady fialofana ao anatin'ny fotoanan'ny krizy. Ilay hira dia nampiasaina hanaovana feo amin'ny seho an-tsehatra iray maneho herimpo manasongadina mpiantsehatra mitafy ho toy ny mpanao fihetsiketsehana mifampitolona amin’ny polisy, sy ny mpihiran'ny Pussy Riot tao anatin’ny fonja, sady mitondra ireo sarontava miloko ny mari-pamantarana azy ireo.

 Tahaka izao ny fampisehoan’i Pussy Riot tao amin’ny toeram-pialambolin’i Banksy

Toa izao ny fitrangany tao…

Nilaza ny tarika Pussy Riot fa mbola manana eritreritra hanohy ny fanohanana ireo mpitsoa-ponenana avy any amin’ireo firenena manana fitondrana mpangeja ara-politika. “Raha tsy jerena ny fijery politikan'ny tsirairay, dia manana adidy ara-maoraly hanolotra fialofana ireo olona mandositra ny ady sy hiharan’ny fanenjehana isika, hoy ny Pussy Riot tao anatin’ny fanambarana iray ho an'ny mpampiely vaovao. “Ankatoavinay ny fisian'ireo fanamby atrehin’ny firenena Eoropeanina amin’ny fanekena ireo olona nafindra toerana an'hetsiny, saingy mbola mihoatra ny fanamby politika izy io – krizy maha olona ka noho izany, mila miara-mihetsika isika ary hitraka manoloana ireo fanamby”.

Horonantsarin’ny fampisehoana, nalain’ilay Rosianina mpanao gazety Ilya Varlamov, hanomezana ny tsiron’ny rindrankira.

Niteny tamin'ny mpanangom-baovao ry Pussy Riot fa ny fampisehoana tao Dismaland dia fanombohana fotsiny amin'ny fikatrohana ataony ho an’ireo mpialokaloka. Ny volana Oktobra izy ireo, miaraka amin’ny The Connor Brothers, dia manana eritreritreritra hitsidika ny toby “atiala mikitroka” itoeran’ireo mpitsoa-ponenana any Calais, Frantsa (efa nalefa any Calais  ho fanampiana amin’ny fananganana trano ho an’ireo mpitsoa-ponenana ny hazo sy ny fitaovana tao amin’ny toeram-pialambolin'i Dismaland).

Having experienced persecution during the 2 years we spent in a Russian prison and after repeated attacks by Russian authorities, we feel solidarity with those who suffer under oppressive regimes, and believe we have a moral duty to pressure governments into developing a united and comprehensive plan that puts humanity before politics.

Noho ny fangejana nandritra ny 2 taona nihatra taminay tao amin’ny fonja Rosianina sy ny famelivelezana misesisesy nataon’ny manampahefana rosiana, dia miray fo amin’ireo mizaka ny fangejan'ny fitondrana mpaneritery izahay, ary mieritreritra fa manana adidy ara-maoraly hanery ny governementa hampivelatra drafitra mametraka ny maha olona alohan’ny politika.

Nanao hira telo hafa ihany koa ilay tarika mpihira punk ary manolotra ilay fampisehoana tao Dismaland ho fahatsiarovana an’i Lyonya Ye****ty (Lyonya Le***ty), mpikambana anaty tarika ara-javakanto Rosianina mpiray tanindrazana “Voyna” (ady), izay maty tamin’ny voalohandohan’ny volana semptambra.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.