Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Lehilahy Haindò Maty Novonoina Fa Nihinana Henan'omby

Hundreds of Kashmiris clash with police after Friday prayers to protest against banning cow slaughter and the sale of beef by a division bench of Jammu and Kashmir high court in the Indian-controlled area of Kashmir. Image by Umer Aisf. Copyright Demotix (11/9/2015)

Kashmiris an-jatony no nifandona tamin'ny polisy taorian'ny vavaka Zoma mba hanohitra ny fandraràna famonoana ombivavy sy fivarotana hen'omby napetraky ny mpitsara ao amin'ny fitsarana ambony ao Jammu sy Kashmir ao amin'ny faritra fehezin'ny Indiana ao Kashmir. Sary avy amin'i Umer Aisf. Copyright Demotix (11/9/2015)

Nivadika hetsika nahafatesana olona ny fiezahan'ny kaominina handràra ny fihinanana na fanjifàna henan'omby ao India noho ny antony ara-pivavahana. Vahoaka ahitana olona Haindò 200 no namono lehilahy Miozolomana iray tao amin'ny faritra manodidina ny renivohitra Indiana, Delhi taorian'ny tsaho niely fa nihinana sy nitahiry hen'omby ny fianakaviany.

Maty voadaroka i Mohammad Akhlaq, 50 taona ary naratra mafy ny zanany lahy 22 taona. Notaritaritina tao anaty torimaso tao an-trano ao Dadri ao amin'ny fanjakan'i Uttar Pradesh izy mianaka rehefa voalaza fa nambara tamin'ny fanamafisam-peon'ny tempoly ny fitehirizany henan'omby.

Haindò avokoa ny 80%n’ ny firenena, ary maro ireo mifady henan'omby. Ny sisan'izany dia ireo vitsy an'isa Indiana 250 tapitrisa tsy tokony atao tsirambina, izay Miozolomana ny 140 tapitrisa eo ho eo ary natao hihinana hen'omby. Manana lalàna samihafa mifehy ny famonoana sy ny fanjifana henan'omby ireo fanjakana isan-karazany. Nametraka fepetra henjana ara-tsakafo manerana ny firenena miaraka amin'ny hafanam-po vaovao ny Haindò nasionalista taorian'ny fandresena goavana azon'ny Praiminisitra Narendra Modi avy amin'ny Antoko Bharatiya Janata tamin'ny 2014.

Nametraka fanontaniana hosaintsainina taorian'ny nahafatesan'i Akhlaq i Saurabh Singh izay bilaogera: “Misy olona sahy hamono Haindò mihinana henan'omby ve ao India?”.

Was Akhlaq killed for being a Muslim? In today's India, can a fanatic mob get away with killing a beef-eating person, even if he is a Hindu?

We would be kidding ourselves if we think that's the case. No Hindu can ever be killed for eating cow meat in India. Muslims are always the usual suspects. Sadly, they have become the “others” in a country with the second largest Muslim population in the world.

There is a large number of beef-eating Hindus in India, but no one deems them as others, of course. If they choose to eat the meat, they are neither bullied nor looked down upon.

Maty novonoina noho izy Silamo ve i Akhlaq? Ao India amin'izao fotoana, mety ho afa-maina amin'ny famonoana olona mihinana henan'omby ve ireo vahoaka mafana fo tafahoatra (fanatika), na dia Haindò aza izy?

Mamita-tena isika raha mihevitra tahaka izany. Tsy misy Haindò tokony hovonoina ho faty noho ny fihinanana henan'omby ao India. Ny Silamo hatrany no ahiahiana. Mampalahelo, nanjary “hafa” ao amin'ny firenena ahitana mponina silamo faharoa betsaka indrindra eto amin'izao tontolo izao izy ireo.

Marobe ny Haindò mihinana henan'omby ao India, saingy tsy misy olona mitsara azy ireo ho hafa, mazava ho azy. Raha misafidy hihinana hena izy ireo, sady tsy iharan'ny fandrahonana no tsy iharan'ny fanevatevana.

“Atorahy any amin'ireo mpamono olona ny boky”

Feno hatezerana avy amin'ireo Indiana ny media sosialy manoloana ny vaovaon'ny herisetra. Mpanao gazety Shivam VJ naneho hevitra tao amin'ny Twitter:

Raha mihevitra izy ireo fa namono omby ianao, hovonoin'izy ireo ianao satria tsy misy hasiny ny fiainan'ny olombelona ho an'ireo Haindò ireo

Sadanand Dhume nanoratra hoe:

Fitondratena maharikoriko ny vono tambabe nahazo an'i Dadri. Tokony homelohintsika tsy misy fanontaniana raha sy saingy sy ireo familian-dresaka mankany amin'ny fomba fijerin'i Gandhi momba ny famonoana omby vavy izany.

Nandrisika ny hanasaziana henjana ireo nadray anjara i Harini Calamur:

Nahoana no mihetraketraka ny vahoaka - satria mihevitra izy ireo fa ho afa-maina amin'izany. Atorahy any amin'ireo mpamono olona ny boky

Olona enina voarohirohy amin'ny famonoana no voasambotra hatramin'izao.

Hatramin'ny nisian'ny vono tambaben'ny vahoaka, nahavita nanao tsinontsinona ny raharaha amin'ny fanomezan-tsiny ny niharam-boina ny mpikambana sasany ao amin'ny Antoko Bharatiya Janata. Niantso ny voampanga ho “ankizy tsy manan-tsiny nientam-po” ny mpikambana iray avy ao amin'ny antoko sady mpikambana teo aloha tao amin'ny antenimiera mpanao lalàna.

Ho an’ny BJP, “ankizy tsy manan-tsiny nientam-po” hatrany ireo mpamono olona.’ Izany no manazava fa manana ny solombavambahoakan'izy ireo ny mpamono olona;

Mandritra izany fotoana izany, voatsikera noho ny tsy fakàna ny akanjo mihoso-drà nanaovan'i Akhlaq  sy ny zanany lahy mba atao porofo ny polisim-panjakana ao Uttar Pradesh.

Nanamarika ny fifanoherana hafahafa tao amin'ny Twitter i Suchitra Krishnamoorthi amin'ity fihetsika feno fankahalana amin'ny fihinanana henan'omby ity sy ny zava-misy fa i India no mpanondrana izany zavatra izany indrindra manerantany:

Manankarena amin'ny fanondranana hena ny sasany, ny sasany kosa maty noho ny fihinanana azy? Ny fandrarana sy ny nasionalisma tafahoatra no mahatonga izany.

“Manao herimboantay ny andaniny sy ny ankilany”

Manana tantara lavabe ao India ny fandraràna hena. Tamin'ny volana Aogositra 2015, nasain'ny kaominina ao an-toerana nakatona nandritra ny sivy amby efa-polo andro ireo toerana famonoana omby ao amin'ny faritra roa ao Mumbai, renivohitry ny fanjakana Indiana Maharashtra mba ho afaka hanao fety ara-pivavahana ny Jacy ao an-toerana ao India izay tsy mpihinan-kena.

Nafana ny fanehonkevitra teo amin'ireo mpiserasera media sosialy mpomba sy manohitra izany tamin'ny alalan'ny fampiasana ny diezy #MeatBan (Fandraràna hena) tao amin'ny Twitter. Napetraka nanomboka tamin'ny taona 1964 ny fandraràna vonjimaika isan-taona, saingy nahasarika bebe kokoa izany tamin'ity taona ity noho ny fandraràna ankapobeny mampiady hevitra napetraka tamin'ireo toerana famonoana omby ao Maharashtra tamin'ny Martsa 2015.

Ara-tantara, efa nanomboka tamin'ny taonjato faha-16 ny fandraràna famonoana biby. Nandidy ny vahoaka ny Amperora Mughal Akbar (1542-1605) mba hifady ny famonoana biby sy ny fivarotan-kena ho fanajana ny fihetseham-po ara-pivavahan'ny Jains.

Noravan'ny Offstumped ao amin'ny Niti Foibe ny lalànan'ny henan'omby tao India ary diso ny fandraisan'ireo mpiantsehatra politika samihafa izany ao amin'ny media:

The Right is wrong for moving the debate on “Cow Protection” from the personal domain based on personal morality and religious observances to the domain of the State, something which didn’t happen even during [ancient Indian jurist] Kautilya’s time.

The Left is wrong in questioning the legitimate Right of the State to legislate on matters that happen in public spaces, a Right which is not unique to India and a Right that is routinely exercised in liberal democracies of the West.

The media is wrong for having distorted the public debate by raising the bogey of personal freedoms when in fact there were no consumption bans. Rather than inform and clarify the media has vitiated the debate by playing up extremes on both sides by repeating crude generalisations and peddling vulgar oversimplifications.

Diso ny Ankavanana amin'ny famindrana ny adihevitra momba ny “Fiarovana ny Omby vavy” avy amin'ny sehatra manokan'ny olona tsirairay mifototra amin'ny fomba fitondran-tena sy ny fanarahana fombam-pivavahana hankany amin'ny sehatra ara-panjakana, toe-javatra tsy nitranga na dia nandritra ny fotoanan'ny Kautilya [mpahay lalàna Indiana fahiny] aza.

Diso ny Ankavia amin'ny fanohintohinana ny Zon'ny Fanjakana hamoaka lalàna mpitranga eo amin'ny toerana ifamezivezen'ny vahoaka, Zo tsy [i]safatsiroa ao India ary Zo ampiharina mahazatra any amin'ny demokrasia liberalin'ny Tandrefana.

Diso ny haino aman-jery amin'ny familiana ny adihevitry ny vahoaka amin'ny alalan'ny fanandratana ireo fahafahanan'olon-tsotra maro nefa tsy misy akory ny fandraràna fanjifana. Tsy mampahalala sy manazava ny fampitam-baovao fa mandranitra ady ny andaniny sy ny ankilany amin'ny famerimberenana ireo hitsin-dresaka sy ompa isan-karazany.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.