Petronas Twin Towers ao Malayzia sy ny buildings [fanorenana] manodidina kendan'ny zavo-tsetroka matevina avy amin'ny doro ala ao amin'ny faritra mihatra ao Kuala Lumpur, Malayzia. Sary avy amin'i Muhammad Shafiq Mohd Zain, Copyright @Demotix (9/12/2015)
Tamin'ity taona ity dia nohamafisin'ny kaontin'ny filoha Indoneziana, Jokowi Widodo, fa doro ala no anton'ny zavo-tsetroka :
Pagi ini saya meninjau langsung penanganan kebakaran hutan di Banyuasin, Sumsel. Semua harus bergerak -Jkw
— Joko Widodo (@jokowi) September 6, 2015
Tamin'ny maraina aho nanara-maso mivantana ny fifehezana ny afo tamin'ny ala tao Banyuasin, S. Sumatra. Tsy miraviravy tanana – Jkw
Taorian'ny fitsidihany tao Sumatra atsimo, dia nanome baiko ny isamborana ireo tompon'andraikitra tamin'ny fandoroana ny ala ny Filoha. Ankoatra izay, dia nanome toromarika ireo sampan-draharaham-panjakana ny filoha hanaisotra ny fahazoan-dalan'ireo orinasam-panaovana menaka voanio nandrava ala tao amin'ny faritra. Nanazava tao amin'ny pejy Facebook ny filoha Widodo rehefa avy eo :
Tadi saya memantau bencana asap. Titik api terbanyak di Sumatera Selatan. Tapi hari ini jumlahnya menurun dari 321 menjadi 129 titik. Katanya tahun lalu 8.000 ha hutan yang terbakar, sekarang 1.000 ha lebih sedikit.
Kebakaran hutan tidak bisa ditolerir lagi. Penyebab dan solusinya sudah diketahui. Perusahaan yang lakukan pembakaran harus dicabut izinnya, dan dipidanakan.
Ke depan tindakan pencegahan jauh lebih penting. Harus dibuat sistem di mana pemilik lahan memiliki kewajiban untuk mencegah, supaya kebakaran tidak terus berulang.
Nanaramaso ny voina nateraky ny zavo-tsetroka aho. Sumatra atsimo no tena nahitana betsaka indrindra ny fototry ny afo. Saingy androany dia 321 nidina ho 129 ny isan'ny toerana niaingan'ny afo. Tamin'ny herintaona, nandrava velarantany 8000 hekitara ny doro ala; tamin'ity taona ity dia nihena 1000 hekitara izany.
Tsy azo leferina intsony ny fandoroana ala. Efa hitantsika ny antony sy ny vahaolana. Izay orinasa manakarama olona hanao tavy [manala ny ala] dia tokony esorina aminy ny lisansa fahazoan-dalany ary entina any amin'ny fitsarana izy ireny.
Amin'ny manaraka, tsy maintsy atao laharam-pahamehana ny fepetra fisorohana.
Araka ny Foibe Fikarohana Iraisampirenena momba ny Ala, dia noho ny asan'olombelona amin'ny ankapobeny no mahatonga ny fahamaizan'ny ala. Ny tavy [tevy ala] no fantatra fa fomba mora atao sy mora vidy indrindra ataon'ny orinasam-panaovana menaka voanio hanadiovana ny toerana. Saingy araka ny lalàna indoneziana miompana amin'ny ala No. 41/1999 toko 50 andininy 3d, mety higadra hatrany amin'ny 15 taona ny olona iray mahatonga fahamaizana ala. Io no mipetraka ao amin'ny lalàna tian'ny filoha ampiharina ara-bakinteny.
Nofoanana ny zotra ara-barotra tgany Pekanbaru, renivohitry ny faritanin'i Riau, izay ahitana ny ‘ground zero’ amin'ny fahamaizan'ny ala. Mandritra izany fotoana izany dia mbola miitatra ihany ny toerana iaingan'ny afo ao Kalimantan (zaratany Indoneziana ao amin'ny nosy Borneo).
— METRO TV (@Metro_TV) September 8, 2015
Miitatra ny fahamaizan'afo, voaodidina fototr'afo 1274 i Kalimantan.
Titik kebakaran hutan hari ini terbanyak di kalimantan. Cek info selanjutnya di http://t.co/I7UcDJxguU @infobencana pic.twitter.com/K3LQ4GntfB
— Melek Bencana (@melek_bencana) September 6, 2015
Maro ny fototr'afo tsikaritra tao Kalimantan androany.
Asap dari kebakaran hutan lahan di Rengat Inhu Riau. Sebelumnya sudah padam. Tapi dibakar lagi. pic.twitter.com/BKJOC9azw6
— Sutopo Purwo Nugroho (@Sutopo_BNPB) September 12, 2015
Setroka avy amin'ny fahamaizan'ny ala ao Rengat Inhu Riau. Efa voafehy ny afo fa nisy namelona indray.
Ao amin'ny pejy Facebook-ny ny Greenpeace Indonesia no nanambara ny fahafatesan'ny zazavavy 12 taona noho ny fahasarotam-pisefoana vokatry ny setroka. Efa nokarakaraina tao amin'ny hopitaly nandritra ny herinandro ilay zazavavy no lasa. Miantso ho amin'ny fitadiavam-bahaolana hentitra sy lovain-jafy amin'ity olan'ny zavo-tsetroka Indoneziana ity ny Greenpeace.
Nipaka hatrany Malayzia sy Singapaoro ny zavo-tsetroka
Nitaraina tamin'ny fiverenan'ny zavo-tsetroka avy amin'ny doro-tanetin'i Indonezia ny Singapaoreana sy ny Malayziana tao anatin'ny andro vitsy izay. Ny sasany nampiasa hatsikana hamariparitana ny fiantraikan'ny setroka amin'ny tanànan-dry zareo.
165 | The PM2.5 haze level in SOUTH Singapore is now Unhealthy. #sghaze #sgnews
— Hourly Haze Alerts (@SGHazeAlert) September 12, 2015
Tsy mahasalama ankehitriny ny haavon'ny zavo-tsetroka ao Singapaoro ATSIMO
Singapore version of haagen daz is haze n dust. 😷😊🙊 pic.twitter.com/Wdye7w2h9y
— Ionic_cong (@yicong1) September 12, 2015
Ny voatran'ny haagen daz eto Singapaoro dia [zavotsetroka sy vovoka]
#haze #singapore unstoppable sneeze and itchy nose. Indonesia, please stop burning the forrest. Shame… https://t.co/rKInvNRpql
— Ranggani Puspandya (@rangganipb) September 12, 2015
Evinevina tsy voasakana sy orona mangidihidy. Indonezia ô, atsaharo ny mandoro ala. Mahamenatra…
Haze Runner: The Scorch Trials (Malaysia) 😷😓 pic.twitter.com/UVg0c1MWLW
— JEFF (@itshazeem) September 11, 2015
Mpihazakazaka Zavotsetroka: Ny Fitsarana Mahamay (Malayzia)
How to make smoked salmon in SG: place a slice of salmon outside your window. Wait for 10mins. #sghaze
— Xavier Lur (@xavierlur) September 7, 2015
Ahoana ny hanaovana trondro mendin-tsetroka eto SG: Apetraho eo ivelan'ny varavarankelinao ny didin-trondro iray. Miandrasa 10 minitra.
Raha avy ao Indonezia ny afo, dia orinasa fanodinana menaka voanio, tohanan'ny orinasa avy any Malayzia sy Singapaoro kosa, ireo mpanimba ala. Izany no mahatonga ny zavo-tretroka avy any an'ala tsy ho olana indoneziana fotsiny ihany fa mivelatra kokoa any amin'ny sehatra ara-paritra.
1 hevitra