Nidina an-dalamben'ny renivohitra Baghdad ny Irakiana sy ny tanàna maro hafa manerana ny firenena isaky ny Zoma nandritra ny enina herinandro ao anatin'ny tabataba hanoherana ny fielezan'ny kolikoly ataon'ny governemanta sy ny tsy fisian'ny servisy tsotra maro. Nanomboka izany rehefa leon'ny fahatapahan-jiro matetika ny Irakiana, ary mahatratra 50 degre Celsius ny hafanana.

Nahatratra ny faratampony ny fihetsiketsehana tamin'ny zoma 28 aogositra taorian'ny antso nataon'ny mpitari-pivavahana shiita Moqtada al-Sadr tamin'ny mpanaraka azy hanatevin-daharana ny hetsika miady amin'ny kolikoly. Nahabe fanantenana izany fitomboana izany, saingy vitsy kokoa ny olona nipoitra tamin'ny Zoma farany teo.

@HayderSH milaza fa mahita ‘fihenana miharihary’ eo amin'ny isa:

Obvious decrease in the number of protestors from the previous Fridays in today's protest at Tahrir. #Baghdad #Iraq

— Hayder Al-Shakeرi (@HayderSH) 4 september 2015

Fihenana miharihary eo amin'ny isan'ny mpanao fihetsiketsehana raha ampitahaina ny tamin'ny Zoma heriny ny hetsika androany tao Tahrir

Raha ny tatitra dia olona 15.000 no nanao fihetsiketsehana tamin'ny 28 aogositra tao an-drenivohitra Baghdad, sy ny tanandehibe maro hafa manerana ny firenena, indrindra fa ireo ao amin'ny faritany atsimo. Mitondra saina irakiana sy mitazona sora-baventy mitsikera ireo manampahefana sy politisiana mpanao kolikoly ny mpanao fihetsiketsehana, tahaka ny hoe ‘aiza ny volanay?’. Ny sasany mitondra jiro misy soratra hoe “sivily” ao anatiny; mitaky ny zony fototra ara-tsivily.

Protests in Baghdad's Tahrir square this morning. #IraqWins pic.twitter.com/JvqbuB3J0y

— Ali Ajeena (@AliAjeena) 29 augustus 2015

Hetsi-panoherana androany maraina tao amin'ny kianja Tahrir Baghdad

#Iraq – Today's protests in Tahrir Square #Baghdad pic.twitter.com/2UjcyfG0eb — IraqiSuryani (@IraqiSuryani1) 28 augustus 2015

Hetsi-panoherana androany tao amin'ny kianja Tahrir [Baghdad – Iràka]

Protestors at Tahrir Sq. put lights written ” civil ” regarding to their demands ” civil country ” #Iraq #insm_iq pic.twitter.com/akdBaNuBAM

— Hayder Hamzoz (@Hamzoz) 28 augustus 2015

Mpanao fihetsiketsehana eo amin'ny Kianja Tahrir mandrehitra jiro mivaky hoe “sivily” miompana amin'ny fangatahan-dry zareo hananganana “firenena sivily”

Raha nanomboka tamin'ny zavatra kelikely, tahaka ny antso fanatsarana ny tsy fisian'ny herinjiro sy rano madio ao anatin'ny hafanana mihoatra ny 50 degre Celsius, ny fitakiana teo aloha dia efa mihamifandringodringotra izany amin'izao fotoana. Mandrisika ny Praiminisitra Haider al-Abadi ny mpanao fihetsiketsehana hitondra fepetra lehibe maromaro. Nahazo fanatsarana ny fitakiana  voalohany raha niantso an'i Al-Abadi handray fepetra hanoherana ny kolikoly ara-politika tamin'ny 7 aogositra ny mpitari-pivavahana Shiita ny Grand Ayatollah Ali al-Sistani.

Ho setrin'izany, namolavola fepetra sy fanitsiana ara-politika ny minisitra, tahaka ny fanafoanana ny toerana ambony maro ao amin'ny governemanta, ny fanafoanana ny quotas [fametrahana isa mitovy] isam-pivavahana amin'ny resaka politika, ary ny fanafoanana ny kolikoly.

PM Al-Abadi outlines new reform measures to enhance governance and tackle corruption; calls for backing from cabinet and parliament — Haider Al-Abadi (@HaiderAlAbadi) 9 augustus 2015

Nasongadin'ny PM Al-Abadi ny fepetra vaovao hanamafisana ny fomba fitondrana sy haminganana ny kolikoly: antso fanohanana avy amin'ny kabinetra sy ny parlemanta.

Council of Ministers unanimously backs PM Al-Abadi's first batch of proposed reform measures http://t.co/zGOEayG9bK pic.twitter.com/EXgfWe1pLr

— Haider Al-Abadi (@HaiderAlAbadi) 9 augustus 2015

Manohana tsy misy mitsipaka ny fehezana voalohany amin'ny volavolam-panitsiana nataon'ny PM Al-Abadi ny Filankevitry ny Minisitra.

Na izany aza, praiminisitra lefitra telo sy minisitra vitsy ihany no noroahiny, ary nibaiko ny mpitandro ny filaminana izy hanamorana ny fahafahamiditra amin'ny Faritra Maitso ao Baghdad, mahatonga ny mpanao fihetsiketsehana ho very toky ary ho vonona kokoa. Tamin'ny 28 aogositra, tonga niaraka tamin'ny andiam-pepetra vaovao hiantohana ny “rariny ara-tsosialy” ny Praiminisitra.

PM Al-Abadi issues a series of new measures to enhance social justice http://t.co/glKtsP362q http://t.co/RXXJTEqZ3i http://t.co/oSIscHWRdQ — Haider Al-Abadi (@HaiderAlAbadi) 28 augustus 2015

Namoaka fepetra maromaro vaovao hanamafinsana ny rariny ara-tsosialy ny Praiminisitra Al-Abadi

Amin'ny fandrisihan'ny Shiita mpitondra fivavahana maro mandrisika ny mpanaraka azy hanatevin-daharana ny fihetsiketsehana, dia nahazo lanja bebe kokoa ny hetsika. Tao amin'ny kabary nivoaka tele tamin'ny 24 aogositra ny mpitondratenin'ny Al-Sadr no namaky fanambarana manao hoe:

“We announce to all people and to the Sadrists in particular the need to participate in protests this Friday in Baghdad.”

“The Sadrist participants participants should merge with the other protesters in a single, national Iraqi crucible.”

“Manambara amin'ny vahoaka rehetra sy ny Sadrista manokana izahay amin'ny tokony handraisana anjara amin'ny hetsika amin'ny zoma izao ao Baghdad.”

“Ireo Sadrista mandray anjara dia tokony ho tafaharo amin'ny mpanao fihetsiketsehana hafa ho ao amin'ny Irakiana nasionaly iray tsy mivaky”

Na dia mety hahazo olona maro kokoa hanao fihetsiketsehana aza ny antso, dia misy ireo olona sasantsasany manontany ihany koa ny fanohanan'ny Al-Sadr, manondro ny anjara toerana politikany mpitarika antoko politika, ny hetsika Sadrista, ary manontany tena hoe nahoana izy no tsy manova ny rafitra politika avy ao anatiny.

Al-Sadr is asking his followers to participate in tomorrow's protests. Shouldn't he also ask his government officials to quit?#Iraq #Baghdad

— Hayder Al-Shakeرi (@HayderSH) 28 augustus 2015

Miangavy ny mpanohana azy ny Al-Sadr handray anjara amin'ny fihetsiketsehana rahampitso. Tsy tokony hiangavy ny manampahefana ao amin'ny governemanta avy aminy hiala tao koa ve izy?

Mahazo fanohanana maro ny mpanao fihetsiketsehana manohitra ny kolikoly ao amin'ny media sosialy tahaka ny Twitter sy ny Facebook.

GO AND PROTEST FOR YOUR RIGHTS PEOPLE IN BAGHDAD !!! — nadia (@awhtomlinsons) 29 augustus 2015

Mandehana ary mihetseha hitaky ny zon'ny vahoaka ao Baghdad !!!

In support of today's Iraqi mass protest in Baghdad Tahrir Square for jobs, provision of services and accountability. pic.twitter.com/Zil1BLEPoI

— Abdullah Muhsin (@Abdullah4NASUWT) 28 augustus 2015

Ao amin'ny fanohanana ny fihetsiketseham-bahoaka Irakiana ao amin'ny kianja Tahrir an'i Baghdad androany hitakiana asa, fanampin-tservisy ary tamberin'andraikitra.

#Baghdad anti-corruption protests. The will of these people is unshakeable. pic.twitter.com/6tAU4XFQ4S — Haidar Sumeri (@IraqiSecurity) 28 augustus 2015

Fihetsiketsehana manohitra ny kolikoly Baghdad. Tsy azo hozongozonina ny fanirian'ity vahoaka ity.

Ny miaramila ihany koa, izay nahazo baiko ny tsy handrava ny fihetsiketsehana, dia nampiseho fanohanana ny mpanao fihetsiketsehana.

#Baghdad security forces continue to show exemplary virtue & the utmost respect for their fellow protesting citizens. pic.twitter.com/olpscC0RIN

— Haidar Sumeri (@IraqiSecurity) 28 augustus 2015

Manohy ny ohatra maha-te-hidera sy ny fanajany ireo olom-pirenena manao fihetsiketsehana ny mpitandro ny filaminan'i Baghdad.

Nampiaradia ny sonita sy ny shiita ny hetsika manohitra ny kolikoly, ary misy aza ny olona sasantsasany mitaky ny hanavaozana tanteraka ny politika sy ny fametrahana fanjakana lahika.

In Baghdad 1000s protest government corruption. No to Sunni government. No to Shia government. Yes to secular state! pic.twitter.com/9tybulNECO

— Ergin Kocyildirim (@kocyildirim) 29 augustus 2015

Ao Baghdad hetsi-panoherana anarivony manohitra ny kolikolin'ny governemanta. Tsy mila governemanta sonita, tsy mila governemanta shiita. Ekena ny fanjakana lahika!

Hamarino ihany koa ny tatitra mandeha avoakanay ao amin'ny Global Voices Checkdesk