Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Taom-bolamenan'ny firenena mampanembona ny Singapaoreana ao amin'ny aterineto

Start of the jubilee weekend. Photo from the Facebook page of Singapore50

Fanombohan'ny faran'ny herinandron'ny jobily. Sary avy amin'ny pejy Facebook-n'ny Singapore50

Nosy mahantra i Singapaora raha lasa firenena nahaleotena tamin'ny 1965. Saingy tao anatin'ny 50 taona farany dia niofo ho tanàndehibe manerantany manankarena izy. Izany no tantara hankalazain'ny mponina manerana izao tontolo izao noho ny fanamarihan'ny firenena ny faha-50 taona niorenany tamin'ny 9 aogositra.

Tao anatin'ny herinandro vitsivitsy izao dia nandray anjara tamin'ny fanombohan-javatra isankarazany ho fampahatsiarovana ny zavabita ijoroan'izy ireo vavolombelona amin'ny mahafirenena azy ny Singapaoreana. Ny sasany amin'ireo tetikasa antserasera dia nampanembona olona maro — indrindra ireo mampahatsiahy an'i Singapaora taloha.

Raisina ho ohatra ny nananganan'ny studio iray mpanao endrika telorefy (3D) lahatsary maro mampiseho fanorenana antitra maro sy famantarana maro izay tsy misy intsony amin'izao fotoana izao. Mandritra izany fotoana izany ny diezy Twitter #GrowingUpSingaporean nampientana mpiserasera maro hizara ny fahatsiarovany fahazaza.

“Ireo vaovao tsaran'ny andro fahiny”

Tamin'ny fampiasana fikirakirana sary amin'ny solosaina dia namoaka lahatsary maro i Sixtrees izay “namerina” ireo fanorenana sy famantarana malaza izay tsy hitan'ny tanora amin'izao fotoana izao eny an-dalamben'i Singapaora intsony.

The main objective is to relive memories for the earlier generation and introduce these to the younger ones for a deeper appreciation of the Lion City’s rich history and rise to success.

Ny tanjona voalohany dia ny hamelomana indray ny tsiaron'ireo taranaka taloha sy hampiditra amin'ireo tanora ny tantara lalin'ny Tanànan'ny Liona sy ny fisandratany mankany amin'ny fahombiazana.

Ho an'ny Singapaoreana, ny lahatsary dia azo ampiasaina ho fitaovana vaovao hampianarana ny tantaran'ny fiarahamoniny. Ho an'ny tsy Singapaoreana, ohatra mahatalanjona amin'ny fampiasana ireo teknolojia vaovao izay hamerenana ho toy ny tena izy ireo fanorenana nanamarika toerana iray manokana.

Indreto ambany indreto ny sasantsasany amin'ny lahatsarin'ny ‘vaovao tsaran'ny andro fahiny’ ao Singapaora:

1. Ny Teatra Nasionalin'i Singapaora. Ny Lapan'ny teatra dia noravaina tamin'ny fiandohan'ny taompolo 1980

2. Ny Lion'ny Tetezan'i Merdeka. Efa napetraka any amin'ny sekoly miaramila iray amin'izao fotoana izao ireo liona manandaza niambina ny tetezana tamin'ny 1950s

3. Garan-damasinin'ny Tanjona Pagar. Nosokafana tamin'ny 1932 ny gara ary nakatona tamin'ny 2011.

#GrowingUpSingaporean

Nanjary be mampiasa ny diezy Twitter #GrowingUpSingaporean rehefa navitrika nizara ny fahatsiarovany nandritra ny fitomboany tao amin'ny firenena ireo mpiserasera. Maro amin'ireo sioka no ahitana tantara mahaliana amin'ny fiainana talohan'i Singapaora taloha izay tsy mahazatra ny ankizy ankehitriny intsony. Indretony sasantsasany amin'ireo sioka nampiasa ny diezy:

mividy gaoma, mikitika agrafy ao anatiny, izay mamandrika tahaka ny hareza

Tsy miantso ny fampisehoana amin'ny fahitalavitra amin'ny anarany izahay fa miantso azy amin'ny ora andehanany tahaka ny hoe “fampisehoana amin'ny fito”, ” fandaharana amin'ny sivy”

Ny ankizin'ny taona 90s ihany no mahay azy.

Ireo singan-gazety voalohany taty amintsika.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.