Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Nogadraina tao Emira Arabo Mitambatra Ilay Mpanakanto Aostraliana Noho Ny “Teny Ratsy” Navoakany Tao Amin'ny Facebook

Australian artist Jodi Magi was arrested and deported from the UAE for posting a photograph of a car parked across two disabled parking spots. She even blacked out the car's number plates.

Nosamborina sy noroahina tao Emira Arabo Mitambatra ilay mpanakanto Aostraliana Jodi Magi noho ny famoahana sarina fiara mijanona manerana ireo toerana natokana ho an'ny sembana.

Niafara tany am-ponjan'i Emirà Arabo Mitambatra ilay mpanakanto Aostraliana Jodi Magy taorian'ny fandefasany sarina fiara iray nihaban-toerana fijanon'ny fiara roa hoan'ny sembana ao ivelan'ny tranony ao Abu Dhabi tao amin'ny Facebook.

Na dia efa notakonany aza ny nomeraon'ilay fiara, mbola voampanga ho “nanoratra teny ratsy tao amin'ny media sosialy mikasika ny olona iray” ity vehivavy 39 taona ity,” nampidirina am-ponja izy ary noroahina avy eo, araka ny tatitra navoakan'ny Australian Broadcasting Corporation.

Nosamborina omaly i Magi raha nandeha handoa lamandy ary navotsotra rehefa notazonina 53 ora tany am-ponja. Mamaritra ny zava-niainany nandratra ny fo amam-panahiny tao amin'ny Facebook izy:

After 53 hours in custody, having been shackled at the ankles, strip-searched, blood tested, forced to sleep on a concrete floor without a mattress or pillow and having no access to toilet paper or eating utensils, I can happily say I AM SAFE & OUT OF JAIL AND ABU DHABI!

Obviously, I think a $3600 fine and deportation with a complimentary incarceration period was an extreme reaction to a jpg of a car when I did not swear or mention a single name and blocked the registration plate.

Taorian'ny 53 ora nitazonana am-ponja, nofatorana ny tongotra, natao fisavana, nalaina rà, noterena hatory teo amin'ny tany simenitra tsy misy kidoro sy ondana ary tsy navela hampiasa taratasy fidiovana sy fitaovana fihinanana, afaka milaza amim-pifaliana aho hoe AVOTRA & TAFAVOAKA NY FONJA SY ABU DHABI!

Mazava ho azy, mino aho fa fihetsika tafahoatra loatra ny fandoavana onitra 3600 dolara sy ny fandroahana ary ny fotoana nampidirana am-ponja noho ny sary fiara iray kanefa tsy nanozona na nanonona anarana na dia iray aza aho sady nanafina ny nomeraon'ilay fiara.

Nizara ny hitany tao amin'ny fonjan'ny vehivavy ao Abu Dhabi i Magi:

Even though I am pretty traumatised by my own experience, what has affected me more are the many, many stories told to me by my fellow inmates at both the jails I ‘visited’. I will be forever heartbroken by the treatment of these inspiring and courageous women from the Philippines, India, Nigeria, Russia, Uganda, Bangladesh, Syria etc at the hands of the U.A.E. ‘Justice System’.

If you think what happened to me was insane, spend a couple of days in an Abu Dhabi jail; I have nothing to complain about compared to the vast majority of women I met whose only crime was being poor, marrying the wrong guy, getting pregnant outside of marriage or/and being victims of rampant and systemic police corruption where ‘evidence’, ‘ethics’ and ‘due process’ are unheard of concepts.

Among numerous acts of kindness to me, these ladies welcomed me to The Big House with “We are your family now”, gave me a spoon to eat with, found me a blanket and a book to read and even sent me on my way to freedom with snacks in case I got hungry at the airport.

Na dia nikorontan-tsaina tamin'ny zava-niainako manokana aza aho, ny tena nanohina ahy dia ireo tantara marobe nolazain'ireo gadra niaraka tamiko tamin'ireo fonja “notsidihako”. Ho vaky fo hatrany aho noho ny fomba fikarakarana ireo vehivavy filamatra sy be herim-po avy ao Filipina, India, Nizeria, Rosia, Oganda, Bangladesh, Syria sns eo am-pelantanan'ny “Rafi-pitsarana” Emira Arabo Mitambatra.

Raha mihevitra ianao fa tsy rariny ny zavatra nanjo ahy nandany roa andro tao am-ponjan'i Abu Dhabi; tsy manana zavatra itarainana loatra aho raha oharina amin'ny zava-manjo ny ankamaroan'ireo vehivavy nifanena tamiko izay ny hany helok'izy ireo dia ny fahantrana, fanambadiana lehilahy tsy tokony hovadiana, bevohoka ivelan'ny fanambadiana na/sy niharan'ny kolikolin'ny polisy mahazatra sy mielimpatrana ka tsy fahita ao mihitsy izany hoe “porofo”, ‘fitsipi-pitondrantena’ sy ny ‘dingana ara-pitsarana tokony arahina’ izany.

Tamin'ireo fihetsika mahafinaritra marobe natao ahy, dia nandray tsara ahy tao amin'ny Trano Lehibe miaraka amin'ny teny hoe “Fianakaviambenao izahay ankehitriny” ireo vehivavy ireo, nanome ahy sotro hihinanana, nitady bodofotsy sy nanome boky hovakiana ho ahy izy ireo ary nanatitra ahy teny an-dalana tamin'ny famotsorana ahy sy nanome ahy tsakitsaky sao sendra noana any amin'ny seranam-piaramanidina any.

Nampanantena ny hanampy izy:

I will do what I can to contact some of their families and let them know how/where they are, but I still feel incredibly guilty leaving them in there when I am typing this from the luxury of an airport restaurant.

I know 1000% after hearing their stories that I would never have been released in such a speedy fashion without a) my Australian nationality, b) the media coverage (surreal), c) the belated efforts of the embassy and d) all of the support from my friends as well as people I have never even met.

Hanao izay azoko atao aho hifandray amin'ny sasany amin'ny fianakavian'izy ireo ary ampahafantatra azy ireo ny mahazo azy ireo sy ny misy azy ireo, saingy tsy mampino fa mbola mahatsiaro tena ho meloka aho nandao azy ireo any raha manoratra ity ato amin'ny trano fisakafoanana mihaja ato amin'ny seranam-piaramanidina.

Fantatro 1000% taorian'ny fandrenesako ny tantaran'izy ireo fa tsy ho tafavoaka ny fonja haingana toy izao aho raha tsy misy a) ny zom-pireneko Aostraliana, b) ny fitantaran'ny haino aman-jery (tsy mampino), c) ny ezaka tara loatra avy amin'ny masoivoho ary ny d) fanohanana rehetra avy amin'ny namako sy ny olona mbola tsy nihaona tamiko mihitsy.

Tao amin'ny Twitter, tale mpanatanteraka ao amin'ny Mpanara-maso ny zon'olombelona “Human Rights Watch” (HRW) ao amin'ny renim-paritra Afovoany Atsinanana sy Afrika Avaratra, Sarah Leah Whitson namazivazy hoe:

porofo fanitsakitsahana ny lalàna hita taty aoriana, miatrika fandroahana ao Emirà Arabo Mitambatra – vehivavy Aostraliana voasambotra ao Abu Dhabi ary ho alefa sesintany

Tamin'ny 2012, namoaka lalàna vaovao momba ny heloka antserasera ny Emira Arabo Mitambatra izay nomelohin'ireo vondrona mpiaro ny zon'olombelona, anisan'izany ny Human Rights Watch, izay namaritra ny didim-panjakana ho “fandrahonana tanteraka ny fahalalahan'ireo mpikatroka milamina sy ny olom-pirenena tsotra.”

Tamin'ny fotoana nandaniana ny lalàna, hoy ny fanambaran'ny HRW:

The decree’s vaguely worded provisions provide a legal basis to prosecute and jail people who use information technology to, among other things, criticize senior officials, argue for political reform, or organize unlicensed demonstrations. Although some provisions are aimed at preventing the proliferation of racist or sectarian views online, the principal effect of the law is severe restrictions on the rights to free expression and free association and assembly.
[…]
Article 29 provides the same penalties for anyone using information technology “with the intent of deriding or harming the reputation, stature, or status of the state, any of its institutions, its president or vice president, the rulers of the emirates, their crown princes or their deputies, the state flag, national safety, its motto, its national anthem, or its symbols.”
[…]
By enabling the authorities to imprison anyone who makes any critical comment about the country or its rulers, the new decree is at odds with international free speech standards.

Ny filazana ireo andinin-dahatsoratra tsy mazava ao amin'ny didim-panjakana dia ahitana foto-dalàna manenjika sy managadra olona mampiasa teknolojiam-baovao, ankoatra ny zavatra hafa, amin'ny fitsikerana manam-pahefana ambony, fiadiana ho amin'ny fanavaozana ara-politika, na fikarakarana fihetsiketsehana tsy nahazoana alalana. Na dia misy aza ny hevitra sasantsasany hanakanana ny fihanaky ny fomba fijery manavakava-bolonkoditra sy fivavahana ao amin'ny aterineto hita ao amin'ny lalàna, ny iantefan'ny lalàna voalohany dia ny famerana henjana ny zo haneho hevitra malalaka sy hanangana na hiditra fikambanana sy ny zo hivorivory.
[…]
Ny andininy faha-29 dia ahitana sazy tahaka izany ihany koa ho an'izay olona mampiasa teknolojiam-baovao ka “mikasa haneso na hanohintohina ny laza, ny halehibe na ny satam-panjakana, ny andrim-panjakanany, ny filoha na ny filoha lefitra, ireo mpitondra ao amin'ny Emirà, ireo printsy voahosotra sy ny lefiny,  ny sainam-pirenena, ny fiarovam-pirenena, ny teny filamatrany, ny hiram-pireneny, na ny marika famantarana. azy “
[…]
Amin'ny fanomezana malalaka ny manam-pahefana hanagadra izay olona manao fanehoan-kevitra mitsikera ny firenena na ny mpitondrany, tsy mifanaraka amin'ny fenitra iraisam-pirenena hoan'ny fahalalahana maneho hevitra ny didim-panjakana

Tsy mazava hoe inona no manafintohina tamin'ny sary nalefan'i Magy izay nikendry hanasongadina ny tsy firaharahian'ny maro ny lalàna sy ny fitsipiky ny fifamoivoizana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.