Mivoaka malalaka androany ao Addis Ababa, Ethiopia androany ny mpanoratra telo rehefa nandany 439 andro an-tranomaizina voampanga ho nanao fampihorohoroana. Nosamborina tamin'ny blaogera sy mpanao gazety enina hafa, izay niasa tao amin'ny famahanam-bilaogy iraisana Zone 9 ao Ethiopia ny ankamaroan'izy ireo ireto mpanao gazety Tesfalem Waldyes sy Asmamaw Hailegiorgis ary mpampianatra filozofia any amin'ny oniversite Zelalem Kiberet, izay mpandika lahatsoratra ato amin'ny Global Voices ihany koa izay navotsotra ireto. Nosintonina ny fiampangana rehetra novesarina tamin'ireto lehilahy telo ireto.

Radio FANA, fampitam-baovao fantatra amin'ny fanohanana ny antoko mitondra, no nitatitra fa nosintonin'ny manampahefana ihany koa ny fiampangana ireo blaogera Mahlet Fantahun sy Edom Kassaye ary havotsotra ny 9 jolay ireo vehivavy roa.

Mbola ao an-tranomaizina ny efatra amin'ireo bilaogera ary mbola miatrika ny fiampangana ao amin'ny fitsarana izay vao nanomboka mihitsy. Ao anatin'ireo tavela i Befeqadu Hailu, Natnael Feleke, Atnaf Berahane ary i Abel Wabella. Mpanoratra sy mpandika lahatsoratra ato amin'ny Global Voices izy rehetra ireo.

Tesfalem niteny tamin'ny Addis Standard fa nandre ny anarany nantsoina tamin'ny fanamafisam-peon'ny Fonjan'i Kilinto izy tamin'ny maraina, fonja nitazonana azy ireo mihoatra ny herintaona. Niantso ny anaran'i Zelalem sy Asmamaw ny tompon'andraikitra iray, nilaza fa nosintonina ny fiampangana azy ireo. Navotsotra izy ireo ora vitsy taoriana.

Niakatra kely tao amin'ny Twitter ny diezy #FreeZone9Bloggers taorian'ny fanamafisana nataon'ny namana izay niarahaba tamin'ny vaovao namotsorana ireo olona tao amin'ny Fonjan'i Kilinto. Blena Sahilu, namaka akaikin'ny vondrona, nisioka rehefa tafaraka indray amin'i Tesfalem, tsapa ao amin'ny hafatra ataony ny fifaliany sy ny tsi-finoany:

I'm shaking with joy and disbelief!!! I'm five minutes away from Tesfalem. I'm going to see him noww Is this real??? 😀😀😀 — Blena (@BlenaSahilu) July 8, 2015

Mihinjaky ny hafaliana sy ny tsi-finoana aho!!! Dimy minitra miala an'i Tesfalem aho. Hahita azy aho Marina ve???

Maro ireo mpanohana namoaka ny sary mampihetsi-po tamin'ny fihaonan'i Zelalem sy ny sipany:

Zola & Siti ❤️❤️❤️ pic.twitter.com/Y2j6TtZITJ — Blena (@BlenaSahilu) July 8, 2015

Nitehaka tamin'ny ezaka nataon'ireo niantso hijery ny raharaha ilay Ethiopiana mpanoratra Maaza Mengiste, izay mpanohana mavitrika tamin'ny fanentanana ny #FreeZone9Bloggers:

Credit also goes to them for rallying voices, fund drives, writing articles, keeping them in our minds & hearts #Ethiopia #FreeZone9Blogers

— Maaza Mengiste (@MaazaMengiste) July 8, 2015

Nitokiana ihany koa izy ireo tamin'ny fampiraisana ny feo, fitondrana vatsy, fanoratana lahatsoratra, fampitazonana azy ireo ao am-po sy ao an-tsaintsika

Talohan'ny fisamborana tamin'ny 2014, dianiresaka ireo olona ara-piarahamonina sy ara-politika ao Ethiopia ny Zone9 ary nitaky zon'olombelona sy ny tamberin'andraikitry ny governemanta. Fantatra tamin'ny fijoroana feno fitsikerana ny politikan'ny governemanta sy ny fomba fanaony ireo mpandray anjara ao aminy ka niatrika fandrahonana maro isankarazany nialoha ny nisamborana azy ireo tamin'ny herintaona, saingy tsy mbola niatrika fitsarana ara-dalàna hatramin'ny avrilin'ny 2014. Rehefa nandany herinandro maromaro tao an-tranomaizina tamin'ny fiampangana tokana fantatra ho nandrisika korontana ara-tsosialy an-tserasera, dia noampangaina tamin'ny Fanambarana Fiadiana amin'ny Fampihorohoroana ry zareo.

Miaraka amin'ny fipongapongatry ny hafaliana sy ny tsi-finoana amin'ny vaovaon'ny famotsorana ireo bilaogera, maro ireo ao amin'ny media sosialy no mandrisika ny mpanohana hitandrina amin'ny fankalazana ataon-dry zareo. Ao amin'ny Facebook i Simegnish Yekoye Or Lily no nanoratra:

As much as we are happy and celebrating the release of our colleagues and friends Tesfalem, Asmamaw and Zelalem, and wait for release of Edom and Mahlet tomorrow … we still need to push for the charges against the remaining bloggers Befekadu, Abel, Atinaf and Nati to be dropped. They are only bloggers and not terrorists.

Na dia be aza ny fifalianay sy ny fankalazanay amin'ny famotsorana ireo namana sady mpiara-miasa Tesfalem, Asmamaw ary Zelalem, mbamin'ny fiandrasana ny famotsorana an'i Edom sy i Mahlet rahampitso … Dia mbola mila manosika isika amin'ny fisintonana ny fiampangana ireo bilaogera ambiny Befekadu, Abel, Atinaf ary Nati. Bilagera fotsiny ireo fa tsy mpampihorohoro

Fa inona no nampiova lalana tampoka ny manampahefana Ethiopiana? Efa ambolana maro ny mpanohana izay ahitana any Global Voices sy ireo fikambanam-pahalalahan'ny fampitam-baovao tahaka ny Komitim-Piarovana ny Mpanao Gazety fa tsy nisy vokany. Mpanohana iray no nitsatoka fa izao famotsorana izao dia mety nipongatra ankatoky ny fitsidihan'i Barack Obama an'i Ethiopia :

Lets play smart ass. Because obama is coming lets free some of #FreeZone9Bloggers — Dawit2.9 (@DawitV2_8) July 8, 2015

Aoka hazava. Satria ho avy i Obama dia andao avotsotra ny sasantsasany amin'ny #FreeZone9Bloggers

Mpisera Twitter Abiye Megenta nanolo-kevitra ny amin'ny tokony hanaovan'i Obama fanerena ny manampahefana Ethiopiana hamotsotra ireo bilaogera mbola tavela:

Ethiopian government releases its high profile political prisoners ahead of Obama's trip. He should press them to release all pol prisoners. — Abiye T. Megenta (@abiyetk) July 8, 2015

Namotsotra ny gadra politika fanta-daza indrindra mialoha ny dian'i Obama ny governemanta Ethiopiana. Tokony hanery azy ireo hanafaka ny gadra politika rehetra izy.

Manerana ny glaoby, mbola miangavy ny hanohizana ny ezaka ireo mpanohana ny bilaogera mandrapanafahana ireo mpanao gazety sy blaogera rehetra ao Ethiopia :

We will keep fighting until all of imprisoned Zone 9 Bloggers and other journalists are freed. #FreeZone9Bloggers #FreeEskender #FreeReyot — Fasiledes (@Fasiledesfasil) July 8, 2015

Mbola hiady hatrany isika mandrapaha-afaka ny bilaogeran'ny Zone 9 sy ireo mpanao gazety hafa. #FreeZone9Bloggers #FreeEskender #FreeReyot

ናኖ ናኖ ነዬ ናኖ ናኖ ነይ ኦብዬ ኦባማ ኦቦሌሳ ሁሌ ነይ ነይ we will keep on tantrumin out here until they set all prisoners out there in #Ethiopia free

— Ethiopian Press (@abenezer_a) July 8, 2015

Hotazonintsika hatrany ny tantrumin mandrapivoaka ny voafonja rehetra

Ary mampahatsiahy antsika i Amanuel Tesfaye fa mbolamitoetra hatrany ny diezy #FreeZone9Bloggers mandrapahatongan'izay fotozana izay.

FYI, the hash #FreeZone9Bloggers is still in play, until all are out. Don't forget to use it while tweeting about today's releases. — Amanuel Tesfaye (@ethio_style) July 8, 2015

Ho fampahafantarana anao, mbola mandeha ny diezy #FreeZone9Bloggers mandrapivoakan'izy rehetra. Aza adinoina ny mampiasa azy raha milaza ny famotsorana androany.

Tsidiho ny pejy fanentanana Famotsorana ireo Bilaogeran'ny Zone9 raha hamaky ny tatitra manontolo momba ity tranga ity.